《一屋》三寶悲慘童年阿媽出走30年張穎康流淚：點解佢唔搵我？
1 :
GS(14)@2016-08-03 02:45:172016-07-28 NM
大台劇《一屋老友記》中憑四寶溫馨搞笑戲爭到收視。飾演金融才俊、長腳蟹呂慧儀老公的張穎康，背後暗藏了一段尋母三十年的孤苦身世。
34歲的張穎康，自小遭父母離棄，在成長過程留下傷痕；母子相認，更是他既渴望又害怕的情景。
尋母多年的傷口無法癒合，問他是否希望母子相認，被離棄又奢望團聚的張穎康雙眼通紅，強忍眼淚說：我好想見佢，點解佢唔搵番我。父另娶母出走
飾演老婆奴的「三寶」張穎康，現實中是大台中人所共知的愛妻號。上週六（七月二十三日）下午，不用開工，張穎康與妻女外出家庭樂，同兩歲囡囡肉緊嘴嘴，錫到出面。
十分重視家庭的「三寶」，四歲時母親出走，從此音訊全無。缺乏母愛，張穎康亦得不到父愛彌補；有指張父在他十歲那年於內地另娶，對作為長子的張穎康甚少過問，父子關係疏離。
張穎康由祖母帶大，被雙親遺棄，他變得沉默寡言。直至太太麥雅緻出現，逐漸感受到溫暖家庭的他，近年才變開朗。
觸景傷情爆喊
母親狠心遺棄，是張穎康心裡致命的一根刺，一碰到就會痛。據了解，一三年拍《師父明白了》時，有場與羅蘭母子相認戲份，戲假情真，被觸動傷口的他當場失控痛哭，令在場工作人員不知所措。「拍第一take佢已經係咁喊，導演都嚟唔切反應；大家以為佢太入戲，之後先知佢因為同自己媽咪冇聯絡幾十年，一時觸景傷情。」一名幕後人員說。
等阿媽拒改藝名
母親出走後冇晒影，但他內心仍存在渴望，有朝能母子相認的張穎康曾拒絕公司要求改藝名，為的是讓對方知道他的所在。「阿康表面好似唔在乎，但內心其實好渴望再見到自己媽咪。冇見咁多年，但佢一直keep住張同媽咪嘅合照；有段時間佢仲喺facebook尋親，又試過有親戚提起喺邊見到，佢就專登走去同一個地方等。「啱啱簽約嗰陣，公司叫佢改藝名，但阿康唔肯，佢要留住自己個真名，等媽咪知道佢喺電視台做嘢，可以搵佢。」知情者說。本週一（七月二十五日），問張穎康有關尋母多年，他呆了好一陣子。「係……都三十年冇見，又冇話刻意去搵（有冇問其他親人搵佢聯絡方法？）冇，因為大家都失咗聯絡。我keep住用自己真名，因為只要佢在世的話，就會睇到我。」張穎康說。因為一絲希望，張穎康不敢貿貿然搬離與嫲嫲同住的舊居，直至二十歲屋企已經唔夠住，心灰意冷的他才決定離開。「阿媽走嘅時候我得四歲，當時係同緊阿嫲住，相信佢會記得阿嫲地址；不過上年阿嫲都過咗身，不過佢想搵我嘅話，可以去電視台。」
老婆安慰補番數
留下的是不快童年，因為失去母親，每逢生日，只會勾起他對母親的想念。「小學時，因為同學會笑我冇阿媽，我同佢哋打交。最掛住佢嘅日子就係我生日，依家自己有頭家，冇再唔開心，老婆會安慰我，彌補咗我呢樣嘢。」對於母親不顧而去，張穎康這樣開脫：「我出世佢先得十八歲，太後生。（有冇嬲佢當日遺棄你？）有嬲佢點解唔搵我？但同一時間我都好嬲自己，其實當日佢有拉我走，但我唔肯跟佢，所以好矛盾。」假如有日，兩母子再見的話……「唔敢想像呢個畫面！」一直表現克制的他，突然激動得雙眼渾滿淚水。「你問我想唔想見佢？我梗係想……係囉！」三十年不相認，是無法原諒自己當日的抉擇？還是……不願面對！恐怕張穎康也沒有答案。
絕種好男人
被父母離棄的遺憾，某程度成就了今日的張穎康。12年他跟前《東張西望》主持麥雅緻結婚，14年女兒小豆（張雅喬）出世，是大台出名的愛家男人。拍劇十年，一直零緋聞，全因願意拒絕誘惑，遠離發姣女藝人。有傳張穎康拍《東坡家事》時，曾遇對手狂放電做晒主動；但稀世罕物張穎康卻報定案，再叫老婆去探班，令放電的女藝人知難而退。呢啲男人，應該早已絕種。
一屋好伴
同陳偉霆拍可樂廣告
05年簽劉德華成為旗下的張穎康，被稱劉華契仔；當年處男作派台歌《我很好》，他說對母親的心聲。06年，經劉華推薦入TVB，由二打六捱到今日成為男二。除拍劇之外，他亦演出過十多部電影，更曾同陳偉霆及張致恆（Steven）的胞姊Jan合作拍過可口可樂廣告。
撰文、攝影、攝錄：娛樂組
【跨性別Jaco之死】前女友：內疚冇好好了解佢 前僱主：好遺憾
1 :
GS(14)@2017-10-09 02:48:26旁人的歧視目光對跨性別人士傷害甚大。
「呢個世界唔係男就女㗎啦！」這句話好像無可挑剔，但其實性別從來多元，男與女之外，還有雙性人。不認同與生俱來的性別，醫學上稱為「性別認同障礙」，這些人被稱為「跨性別人士」。而兩個多月前，25歲、有性別認同障礙的Jaco在港鐵大圍站內跳橋輕生。
Jaco中學時代女友Kippy了解她後，明白男女性別並非絕對。
根據醫管局資料，性別認同障礙成因未明，先天基因、成長背景等都可能有關。他們容易出現抑鬱症狀。Jaco朋友提及她出事前有明顯的情緒波動，也曾在facebook提及想過自殺。「佢覺得唔做女仔，喺呢個世界生存冇意義。」Jaco前度女友Kippy憶述。二人高中辦聯校學生會活動認識，分手後有一段時間沒聯絡，再見時是2013年，Jaco已束了長髮，打扮中性，往後更以女性姿態示人。「一開始我唔知佢想變成女仔，佢講完，我完全接受唔到，甚至問佢以前一切係咪真，我唔明佢點解會對自己嘅性別有疑問。」男身女心的Jaco，又可曾明白怎麼天生不是女人？Kippy眼中的Jaco是個出色男朋友，也完全符合社會對男性的既定印象，「佢一直好努力滿足他人嘅想法。」
Jaco僱主阿龍，希望大眾對性小眾少點不負責任的惡言。
Kippy是基督徒，Jaco也已決志。Kippy曾用宗教角度嘗試說服Jaco。「我哋生來就係男或者女，應該做好自己嘅角色，我又同佢講做手術好痛苦，不停勸佢唔好傷害自己。依家諗番好內疚當時冇好好了解佢，反而想改變佢。」Kippy後來不斷借故相約Jaco，希望理解她的想法，半年後她已完全接受這位好姊妹。「原來有啲人真係會有呢個問號，佢細個已經想做女仔，咁係咪代表佢有錯，佢唔值得被愛，甚至唔值得上帝愛呢？我有呢啲疑問。」Jaco朋友、家人都尊重她的決定，可是這些支持仍不夠支撐她缺失的靈魂，而那些缺失根本無從補遺。她心知即使動了手術，身份證的性別轉成她所認同的，但女性本來有的器官、感覺，她仍然不能擁有。面對性別認同障礙人士，身邊人必須以同理心，嘗試理解這種根本痛苦，與對方同行。跨性別人士在職場上容易受到歧視，Jaco卻遇上欣賞她能力的僱主阿龍。Jaco未能考上心儀的中大建築系，唸工程的她後來輟學，到旺角的「咖啡綠茶」cafe斷斷續續工作逾兩年，這裏好像她的第二個家。阿龍坦言最初看到穿女裝的她前來應徵，的確有所疑慮，但傾談過後，他覺得非請不可。「傾完就知佢同普通人根本冇分別，對答好得體，笑容同態度都非常好，請人都係睇工作能力，我比較着重佢內在，多於佢嘅打扮。」Jaco在阿龍眼中是不可多得的員工，有責任感，記性也好，一枱十人點菜下單他不用紙筆抄下，竟然全沒出錯。她也運用美感為cafe繪餐牌及佈置。可是cafe總有口沒遮攔的客人，阿龍憶起仍然咬牙切齒。「佢哋一班人討論佢係男定女，話：『男來㗎，有喉核。』佢哋以為自己好細聲，但其實好大聲。佢哋竟然：『小姐？先生？』咁樣叫Jaco，非常冇禮貌。如果嗰班人依家睇到我講嘅嘢，我希望佢哋以後會控制呢啲無知愚蠢行為。」有色眼鏡一副都嫌多，不加思索的侮辱話，都可能傷害別人一生。對於Jaco出事，把她當成朋友的阿龍相當自責。「佢出事前一兩個星期，情緒好低落。佢平日都係唔撩唔肯講嘢，唔想人擔心。對於呢方面，我嘅知識真係太少，想搵心理醫生幫佢，先發現自己唔識搵，尋求協助好難，幫唔到佢，令我好遺憾。」了解始於認識，想多認識跨性別朋友，可瀏覽以下網站：跨性別資源中心
http://tgr.org.hk認識性別認知障礙（醫管局資料）
http://www21.ha.org.hk/smartpati ... edited.pdf?ext=.pdf記者：葉青霞攝影：劉永發2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170918/20155977