📖 ZKIZ Archives

港80後退休真係要儲250年? Home Blogger

http://www.homebloggerhk.com/?p=4977


冇錯, 係250年，唔係25年! 又係摩根做出黎既死人調查，假設你每月只可儲$2000，佢地訪問左一班80後，話要600萬先夠退休。於是佢地就將6.0mil與2000蚊相除，係低息環境下冇利息計算，就咁儲要成3000個月，即250年! 又係一個嘩眾既主題，引你諗下點樣去儲錢。

 

Well，摩根當然係報頁後幾版做多段廣告，比個方法你定驚! 當然係join佢地既長線共同基金計劃! 假設回報9%，好專業咁假設埋通賬於過往30年係3.8%，然後得出你只要儲5000蚊一個月係(9-3.8)%回報下，你只要儲25年就可以收皮，一天都光哂! 呢個方法係報紙、係保險agent、係銀行都聽過，似曾相識。

 

摩根咁大間公司計既數一定正確，但係佢冇將自己個plan入面既收費加埋入去。每年複息效應滾幾廿年固然厲害，但每年2%既收費滾廿幾年都好「和味」! 呢個就係各大財務機構花盡心思叫你儲錢既原因。對於摩根最正既就係可一雞兩食! 今日先叫你死慳死抵儲起舊錢，他日又幫你管理埋你個六百萬，一於收費收到你死為止!

 

講到呢度，你可能問諗樣係咪又叫大家買樓?? 樓雖然好但你唔只得一個方法幫你退休。你需要既唔係咩產品，而係要幫自己養成定額儲錢既習慣同埋選擇一個同通賬跑得一樣快或更快的投資產物。基金最叻只會同大市同步，最起碼香港大賣既開放式股票基金係! 基金經理往往將基金表現同某一指標比較，如香港基金就同恆指，歐洲基金就同MSCI歐洲指數。如果當年恆指係跌10%，開放式基金只要做到-3%回報就當羸，有基金更會更此收你表現費! 係咁既規則下你係基金經理都唔會同個客號贏大市咁多啦! 仲有佢個portfolio咁大，基本上都係買大籃籌，咁做就算贏大市都有限。

 

上段所論係開放式股票基金，香港有約70%你見到既fund都係呢種，冇咩用! 不過買佢總好過你跟阿婆買個得number既股票。至於債券基金、追求絕對回報基金或對沖基金不屬於開放式股票基金範疇，回報可有驚喜。至於你間唔中聽到既房託(REIT)，或Mr.Li既^87001，又係另一回事。有機會再撰文詳述。等唔到可以係諗樣既forum問(遲幾日補貼條link)，或電郵個case比本樣亦可。總之，唔好跌入去豬仔錢罌個trap入面。

 

你只要每隔一季買金粒，或做個三至五年saving plan然後將舊錢攞黎買樓。又或有錢就買澳洲紙，都係諗樣見過同可行方法。唔一定要廿幾歲仔commit個幾十年既(痴)根saving plan! 當然諗樣就買樓，買樓係先借一筆錢hold起間樓，然後係黎緊二三十年用眨緊值既美金(港紙)去還。正如你廿三年前好辛苦咁用五十幾萬買間美孚新村，今日供緊樓既一千幾百，究竟係咩錢呢? 手頭間樓仲有租收添! 金冇息，澳洲紙有! 點樣退休? 往後再談。

我究竟要儲幾耐先還清手上按揭?(答) Home Blogger

http://homebloggerhk.com/?p=10144

有報導指香港人獨特在出在和工作都是同一地方、平生走動不多、見識不廣。相信沒統計計出平均香港人一生要走幾多公里，不過外地人長大後多離鄉別井找工作，而港人少此煩惱，實是同意的。就當要返上深圳廣洲睇廠，那都是平日在內地、假日在港吧，很少會長時間離港! 能在出生地找到工作崗位、和朋友父母常共聚是福份! 今次個案是由外地人發的，見homeblogger由小小一個網站發展到現時小網站一個，能記載本地外地人的理財故事，十分欣喜，希望大家續欣賞本樣的自家創作。

 

讀者買入已補地價居屋出租、實在不智。不知是否在2013年初對居屋走漲行情大大看好、作此決定。筆者斷定居屋升勢是為虛火、昨日同經紀朋友吹水，談到石蔭村八百幾呎三房，經紀客人四百幾萬買入、如自由市場價成為五百萬港元，真係o哂咀! 雖然係套廁單位、但位處在的石蔭村，睇緊呢篇文既各位真係到過該地? 不過既然已買，有正現金流二千(10000-8050)，well，由得佢。到兩年SSD後稅率下降時才作打算。

 

先講讀者45歲時，能否全清還欠100萬港幣560呎居屋債項、和新置的400呎尚欠210萬居屋債項呢? 新置房應是攤了30年，所以每月還$8000。計一個人究竟係某時間內能否全清按揭，本樣建議下列步驟:

1. 現時讀者係34歲，目標係45歲，那先將所有按揭的單位之還款表抽出，看看由現時計起到(45-34)=11年後究竟平金尚欠多少。如本個案為新置400呎居屋欠:$1,476,167。560呎居屋債項現時欠銀行100萬，供款年期不詳，就假設是15年吧，那時候間屋本金尚欠:$292,937(月供約$6500)。

 

2.列出各項開支，知道自己每月儲蓄

*月入計為(22000*12+150000)/12/0.79~HK$43000

月入	$43000
收租	$10000
支出	$8500	支出細分1(如有需要)
供樓1	$6500	支出細分2(如有需要)
供樓2	$8000	支出細分3(如有需要)
儲蓄	$30000
筆者對自己的財政還理解得好的! 你可以將自己的財政放上表，看能否成功BALANCE!

 

3將到時(45歲)的結欠加起，即$1,476,167+$292,937=$1,769,104。然後再將每月儲蓄乘以到45歲的月數，知道期間可儲11年*12月*$30000=3.96mil。由於可儲金額大幅高於到時結欠，所以讀者可在45歲全清兩單位按揭。

 

4.如再想知最快幾時可將現按揭甩身，首先要找每單按揭每年總還本金的數字，由於按揭是息除本減，其實開首的還本是會少一點點，但此無礎於答案結果，除非你要求答案準確至邊一個月。找出每年總還本金為供樓(1)是$57113(見下圖)，而同一方法供樓(2)是$50390。是的!你在供樓(2)月供$8000，其實清既本仲少過供樓(1)! 因為年期是長了一倍嘛~

 

5.運用方程式

現所有樓按總結欠 – 每年所還本金*捱騾仔年數 = 每月所儲金額*12*捱騾仔年數

1.0mil+2.1mil – ($57113+$50390) *捱騾仔年數 = $360000*捱騾仔年數

本個案讀者捱騾仔年數 = 6.6年

【搶先開箱】又要儲印花換？便利店搶Line X Hello Kitty公仔杯

1 : GS(14)@2016-12-07 07:41:47

一套十隻的陶瓷杯，有人氣公仔Brown、Cony、Sally、Hello Kitty、Melody、Little Twin Stars等，必定惹來一陣搶購熱。



在便利店7-Eleven換Line Friends x Sanrio characters餐具，再也非台灣人可獨享了。由12月7日（星期三）起，就可以在香港7仔儲印花換購。一套十隻的「友MUG頭」陶瓷杯，杯身及杯蓋也有不同的公仔造型，細細隻的杯身還可以放入微波爐及洗碗碟機。十隻杯十款杯蓋，還可以互相交換，不過杯蓋有大有細，未必隻隻可以緊緊地蓋上。



換購方法一如以往，買滿20元有一個印花，30元兩個，如此類推。儲夠20個可免費換一隻，7個就要另加28元。不過，想儲齊一套也非容易，因為陶瓷杯不能選擇款式，全部是隨機送，想要齊一套似乎要有耐性，還要大出血了。換購日期︰2016年12月7日至2017年2月28日記者︰黃依情攝影︰許先煜


Hello Kitty是藍色杯身的溫泉篇。

杯蓋有膠邊附着，不過有大有細，未必隻隻可牢牢蓋實。



來源: http://hk.apple.nextmedia.com/su ... t/20161206/19856203

---

【果粉撐唔撐？】LEGO版Apple Park　量產要儲夠一萬Fans

1 : GS(14)@2017-07-01 09:54:45

LEGO產品線有個非常特別的IDEAS系列，產品設計完全來自LEGO Fans的創意；不過由提出設計概念到得到LEGO青睞推出產品，過程中要過五關斬六將，唔知剛剛有位果粉上傳的LEGO版Apple Park，有冇機會勝出呢？
Apple新總壇Apple Park雖然還正進行工程，但剛剛已有員工開始進駐工作，這個名為「Apple Park BE」的設計用意就係令無機會親身去朝聖的果粉「望梅止渴」。當然現時「Apple Park BE」都只係提名階段，要收集到過10,000名支持者，LEGO先會再考慮會否真正推出產品。現時「Apple Park BE」支持者只有38人，離第一關「10,000個支持」仍有一大段距離，但離截止日期有48日，都唔一定無機會。Fans還Fans，平心而論，Apple Park真實建築確實好厲害，但這個LEGO設計就未免太過簡單，如無真正Apple Park內的小山坡，連Steve Jobs Theater都只係用一塊圓形LEGO砌成，細位設計得未夠精細。



Apple Park BE細位設計略嫌未夠細緻。

最新Apple Park航拍圖片。（來源：Duncan Sinfield YouTuber Channel）

資料來源：LEGO IDEAS記者：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170629/20072092

---