女人幸福教(8)：得到幸福唔係因為生得靚 周謙
http://notcomment.com/wp/?p=8199女人之間的話題，少不免都會互相比較一吓外表。
又會以為只要生得靚，就理所當然有拖拍先，自動會有白馬王子鐘意，之後王子就會愛護同照顧你，同王子係城堡過住幸福快樂的日子。
好，女人想法係噤，但睇番現實生活，似乎又唔係噤。
大家睇好多外表生得唔錯的女人，年紀漸大，但嫁人都係無聲無氣。
其實，生得靚，只係令你有多D機會可以得到同人開始的機會，但係欠缺相處力(TQ, Together Quotient)，對方係唔會同你共渡餘生的。
相反，如果一個人係具備TQ，其實同任何異性都可以快樂共處生活，而唔係等一個所謂one and only one的出現。
呢個TQ，就係大家睇到有錢人的太太女伴，外表大都係平凡的原因。
而TQ係可以後天培養，一個女人，有TQ同無TQ，付出的都係噤多(時間同青春)，但係結果就差天共地。
爭男人係無亞軍的。一個女人，要爭到一個男人，大概贏到6個對手就可以，係韓國整容平民化下，只有學得TQ，先可以掌握幸福。
講左咁耐，點解好似未聽過TQ？咪心急，下一篇會同大家分享！
高齡孕婦：蘇慧倫下月生得
1 :
GS(14)@2015-04-12 16:19:51蘇慧倫
數到圈中高齡孕婦又豈止官恩娜一個！今年有多個高齡孕婦排住隊等生B，據推算，以蘇慧倫的BB最快會出世見大家。
蘇慧倫（44歲）
蘇慧倫去年7月跟老公度蜜月時發現懷有男嬰，上月她被台灣媒體拍得頂着8個月巨肚出巡，更被指走樣，與以往的靚女形象驟然不同，據知B仔的預產期為下月初。
徐若瑄（40歲）
台灣女神徐若瑄去年嫁給新加坡富商李雲峰，上月19日度過了40歲生日後，徐若瑄於fb宣佈已懷有「李v寶」3個月，惟近日身體不適又屙又嘔，故徐若瑄現時要卧床休息來養胎。
周汶錡（40歲）
今年2月，周汶錡向傳媒發比堅尼泳照，並宣佈懷孕5個多月，相中的她雖然肚凸凸，但依然相當纖瘦。
李寶英（36歲）
韓國女星李寶英預產期為今年6月，雖然BB尚未出世，但準爸爸池城（本名郭泰根）已為BB取名為「郭寶貝」。
來源:
http://hk.apple.nextmedia.com/entertainment/art/20150412/19109187
【生得就生】陳豪速變一家四口
1 :
GS(14)@2015-08-17 18:57:41陳曉東與太太兩年抱兩千金，圈中有不少藝人也喜愛密密生，兩年抱兩。「幸福典範」的陳豪與陳茵媺，前年誕下長子梓燁，今年再誕下現時半歲的次子浩鋒；「盛女」Whitney去年6月為老公莊家傑誕下8磅囝囝後，近日亦再陀B女，預產期下個月；而周家蔚前年1月誕下長子洪大仁後，今年4月再誕下二仔洪大義；混血名模Cara G.去年3月為老公Jesper誕下長女India，本月初再生細女Freija。不過最厲害可算是梁洛施，2009年她為李澤楷誕下李長治，翌年再生孖仔，兩年抱三。
來源:
http://hk.apple.nextmedia.com/entertainment/art/20150817/19258312
【奉子女神】茵媺三年抱三 最生得
1 :
GS(14)@2016-07-06 08:11:27先結婚後生仔屬中國傳統習俗，不過時移世易，不少港、台女藝人都改為奉子成婚，當中陳茵媺更三年抱三。
JC
去年和安志杰火速撻着的Jessica C.（JC），今年3月於美國誕下愛情結晶品Tessa，兩人將在今年10月補辦婚禮，地點選擇香港或美國，更透露有意再追多個。
陳茵媺
大前年6月跟陳豪遠赴巴黎舉行婚禮，當時陳豪默認老婆奉子成婚。茵媺於同年年底誕下大仔梓燁，去年12月誕次子浩鋒，今年4月再誕細女Camilla，三年抱三。
曾愷玹
當年夥拍周杰倫演出《不能說的秘密》一炮而紅，大前年她突然在微博上宣佈結婚及懷孕的消息。
朱茵
跟黃貫中（Paul）拍拖十年，2012年傳出未婚懷孕三個月，當時Paul默認與朱茵意外懷孕，囡囡叉燒包同年10月出世。
來源:
http://hk.apple.nextmedia.com/entertainment/art/20160706/19682719
認生得細粒自我保護 側田回港三年主力做幕後
1 :
GS(14)@2016-11-12 05:55:04感覺離開香港多年嘅側田，因為大陸真人騷而重現喺大家眼前，而側田早前仲接受《蘋果》訪問，剖白心聲，佢仲好多謝大家支持佢。講到當年佢決定去北京，除咗因為愛情，仲因為孤獨：「因為喺香港好孤獨，覺得做完嘢返屋企，困住喺四堵牆，感覺好難受，試過喺錄音室要睇鐘睇錶等放工，我最緊要係做到自己滿意音樂，但嗰陣時真係可能好多其他因素，令到我嘅靈感冇晒，冇咗嗰種feel，唔開心係呢樣嘢，所以要離開一陣透吓氣，所以去咗北京。」至於o依家佢嘅重心又喺邊呢？佢話：「其實我返咗嚟三年，我都盡量低調，因為一直覺得自己唔適合做幕前。主要做吓幕後工作，自己喺屋企其實日日都有寫歌，擺咗喺電腦自己欣賞，終於依家心態好咗，寫嘅歌有新鮮感，我自然個人又開心番，嚟緊plug第一首歌，畀大家聽吓我新一面嘅音樂風格，重點我係堅持做廣東歌。」講到自身，佢仲自認生得細粒冇自信：「我有好多嘢都唔完美，我好清楚自己嘅缺點，成日同自己講要改要改，不過0依家到咗中年，個人定咗性，真係好難改。其中一樣嘢，就係我份人係好自我保護，因為生得細粒。細細個成日畀人蝦，我又唔識蝦番人，惟有局住自己喺度嬲，咁咪唔開心囉，咁又為乜呢，我會盡量去改善呢樣嘢。」
來源:
http://hk.apple.nextmedia.com/entertainment/art/20161112/19831451
陳爽：兩星期後生得
1 :
GS(14)@2017-01-26 18:08:26■懷孕九個月的陳爽昨由老公梁梓軒陪同到養和醫院做產檢。
同樣臨盆在即、懷孕九個月的陳爽，昨日在老公梁梓軒陪同下到養和醫院做產前檢查，已育有一名兩歲兒子的她說：「今胎陀女，大約兩星期後生得，呢次應該係最後一次做產檢。」預計BB女在雞年出生，陳爽早前已預告陀長腿B女，暫時只改好英文名叫Ashley。
■猷啟透露因煮食時弄傷手到醫院看門診，右手虎口位正包紮着。
另外，賭王何鴻燊三房兒子何猷啟，昨午獨自一人到養和醫院看門診，原來他在家煮食時不小心弄傷手，他離開醫院時，右手虎口位包紮着，問為何不叫家傭幫手煮食？他說：「整啲輕鬆嘢，好小事！」猷啟表示媽咪陳婉珍不知情：「女友就知，因為一班朋友一齊食。」猷啟最後由司機接載離開。採訪：曹家誠攝影：陳俊強
來源:
http://hk.apple.nextmedia.com/entertainment/art/20170125/19907635
過年留家安胎 5月生得翠翠做慈母 囝囝有求必應
1 :
GS(14)@2017-01-31 16:01:54■葉翠翠預產期在5月，她明言休息一年再努力追女。攝影：郭賢興
【《蘋果》專訪】現年35歲的葉翠翠，前年7月嫁拍拖僅十個月的建築師男友周曉東（Raymond），榮升人妻，翠翠講明會積極造人，上年11月宣佈有喜，陀「小雞丁」的她，將於今年5月榮升人母。
■葉翠翠爆老公已幫未出世的囝囝買了兩年的衫仔。資料圖片
■翠翠自陀B後，上圍升級不少。資料圖片
嘗試餵母乳
日前翠翠挺着巨肚接受《蘋果》訪問，她說今年過年跟以往大不同，以前一定會去行年宵，但今年選擇留在家中，她說：「?家好易攰又成日要去廁所，所以留喺屋企好啲。」不過，翠翠新年前已跟老公去了日本旅行，她笑說：「老公血拼能力比我仲強，去程行李15公斤，返嚟80公斤，全部都係BB嘢，阿仔啲衫可以着到兩歲。」問翠翠會否餵母乳？她說：「會先嘗試畀BB飲母乳，但如果冇或者唔夠就飲奶粉，我都係飲奶粉大，?家啲奶粉都好好。」至於，是否已準備好做人母？翠翠哈哈笑：「我同老公講，我會幫你湊大個仔，但係唔會半夜起身餵奶同換尿片、抹pat pat同逼佢做功課嗰啲都交畀佢做。」
追多個豬女
當然翠翠只是說笑，她再認真表示已跟老公分配好忠奸角色：「如果囝囝第時問我乜嘢，我都會話OK，但要佢問爸爸，因為老公會係一個嚴厲嘅爸爸。」雖然囝囝未出世，但翠翠已講明會再追囡囡，笑言因為想生豬年出生的「豬頭」，故會休息一年先再開工。採訪：鄉奈仁
來源:
http://hk.apple.nextmedia.com/entertainment/art/20170131/19913186
月內生得 老公傍實謝安琪挺肚會友 張繼聰呆等接送
1 :
GS(14)@2017-02-02 02:34:11【肚大如籮】■謝安琪（右）腹大便便，日前外出與友人食飯。
【大埔】謝安琪（Kay）還有約一個月生得，臨盆在即的她十分好胃口，日前晚上約9時許，家住大埔的Kay挺巨肚出動覓食，現身同區的雞煲店跟5、6位友人聚餐，由於即將生B的關係，雖然着了一身黑look打扮，但面龐十分圓潤，氣色很好。當晚Kay撇甩老公張繼聰約朋友開餐，見到坐在食店內的她開懷大嚼，全晚和友人有傾有講十分開心，原來愛妻號張繼聰負責做柴可夫，等大肚老婆食完飯後安全送她返屋企。
【大擦雞煲】■謝安琪現身大埔的雞煲店跟友人聚餐。
【雞啄唔斷】■謝安琪（右二）步出店外與朋友依然傾唔停。
路人認出
張繼聰約10時許現身食店附近，他先到便利店購買飲料，其間有路人認出張繼聰，很興奮跟朋友分享發現藝人，但就沒有趁機上前合照留念。當阿聰買完飲品後，邊飲邊行返上座駕乖乖等老婆，沒有入食店打擾眾人聚會，十分識做。約晚上10時15分，Kay和友人埋單後離去，步出店外依然傾到雞啄唔斷，其中一位朋友還陪Kay站在街上，等張繼聰將座駕駛至，此時Kay發現記者，心情靚靚的她友善地揮揮手，之後就上車由老公接載返家。
【早到伺候】■張繼聰先到便利店購買飲品。
【老公接載】■張繼聰負責做柴可夫，專程等謝安琪食飯後護送返家。
化身娘娘
現年39歲的Kay，跟張繼聰育有9歲兒子張瞻，現陀B女湊成一個「好」字，正靜待小公主出世的她，前日大年初三，她在facebook貼化身娘娘的賀年相，笑言開了一個OKTV安琪電視台，祝大家日日開開心心，還逐一回覆網友留言，果然得閒。採訪、攝影：黃曉程、朱志聰
來源:
http://hk.apple.nextmedia.com/entertainment/art/20170201/19913901
Next Page