荷葉遮重要部位Don嫌T-back太細 全裸益姐姐
1 :
GS(14)@2016-04-12 18:16:09【剝光豬】■阿Don首次拍裸跑戲，僅用一塊荷葉遮住「小Don」。DV圖片
李逸朗（Don）在其處男執導的網上電影《神探》中有場裸跑戲，片段現於本報獨家曝光！剝光豬的他僅用荷葉遮着「小Don」，露出又圓又好肉哋的臀部，埋位時還要由女工作人員幫忙除褸，阿Don輪住用左右手掩實荷葉下的「小Don」，除褸時才可以保住沒走光，十分狼狽。雖然事前工作人員準備了T-back，但最後Don都選擇全裸上陣，Don昨在電話中說：「其實有將T-back剪成三角形，攞雙面膠紙黐住，但服裝準備咗一條都幾細嘅T-back，剪完三角形之後真係唔夠黐，係條T-back太細啫，唔關我事，所以最尾放棄咗，只係用荷葉遮住行嚟行去，嗰刻都覺得自己幾變態。」
自認優質股
問到Don覺得自己是否擁有「優質股」？Don笑說：「露股戲係會出街㗎，因為同劇情有關，露股跑步唔係為興趣，真係劇情需要，我覺得我呢個都算優質股嘅。開頭都有啲尷尬，不過當take多兩、三次，我覺得快係代表一切，我有嘅嘢現場九成工作人員都有，仲有一成係女工作人員，都係比較年長嘅阿姨、姐姐，應該乜嘢世面都見過晒。」
【護小Don】■阿Don由女工作人員幫忙除褸，又要㩒實荷葉免「小Don」走光，十分狼狽。DV圖片
【優質股】■為了處男執導的網上電影，阿Don犧牲色相露股上陣。DV圖片
冇時間減磅
首次拍裸跑戲的Don，之前想減磅令體形更加好，但最終都冇時間keep fit：「因為自己第一次做導演，每一日都好忙，要早過演員去到現場，又夜過佢哋收工，每日靠係咁食嘢維持精神，都冇話特別keep到好大隻，好彩自己唔係暴飲暴食嘅人。」Don還多謝參與拍攝的多位好友，包括鄭敬基、楊思琦、黃建東等，他說：「佢哋好用心機商量點演好每場戲，令部戲更加好笑好睇。」採訪：皓騫
■雖然工作人員預備了T-back，阿Don卻嫌太細唔夠遮。
■楊思琦（中）和陳詩欣合力搞笑，阿Don多謝兩人落力演出。
來源:
http://hk.apple.nextmedia.com/entertainment/art/20160412/19567292