| ||||||
| 港 股噚日上演一幕股王爭奪戰，沉寂一時嘅「過氣」股王宏利（945）股價發力，同渣打（2888）角逐港股王地位（以每股股價計）。雙方股價早上喺175蚊 至177蚊互相追逐，大家互有領先，宏利最高見178蚊，渣打就最多升至177.4蚊。不過渣打午市後腳軟，股價俾宏利拋離，最後報172.7蚊，宏利就 高收177.9蚊，再度躍升為香港股王。 海嘯後雙雙跌穿百元 曾幾何時，宏利股價風光一時，成為散戶心目中「不倒」股王，股價 長升長有，07年更一度炒上至360蚊歷史新高，奈何一場金融海嘯，股價狂瀉不止，今年3月更一度俾大戶質低至56蚊邊，搞到高位揸貨嘅散戶一殼眼淚。渣 打亦唔失禮，亦係散戶眼中「最佳銀行股」，股價07年大幅跑贏獅子行，升至271蚊，不過，海嘯後股價最低曾見67蚊。 渣打業績牌面勝算高 現 時宏利只係小勝一回合，能否保住股王寶座，仲要睇番嚟緊8月6號嘅中期業績，不過牌面睇就危危乎，點解？因為佢今年首季業績大幅虧損71億銀，好難咁快填 番條數。至於渣打，就比宏利早兩日公佈中期業績，即8月4號，估計業績會勝過宏利，因為佢首季收入已經創新高。李華華 [email protected] | ||||||