【動畫●每日健康】男人過三十力不從心？舉鐵刺激睪丸胴抗衰老
1 :
GS(14)@2016-10-22 22:29:25公司有些男同事，兩年前還是精力充沛，又跑又跳，不過三十一、三十二歲開始就每況越下，覺得身體不夠以前有力量，容易疲倦，到底咩因由？一切都是睪丸胴影響。註冊中醫師兼健身教練徐澤昌就說，睪丸胴是種荷爾蒙，雖然有睪丸兩字，但其實男女體內都有，不過男性就比較多。它可以幫助合成肌肉，延緩衰老，保持性能力。
隨着年齡增長，三十歲過後，睪丸胴的分泌就會減少，所以去到三十多四十歲，好多人會出現腰酸腳軟或者性功能低下等情況，都有可能是睪丸胴減少的象徵。睪丸胴逐漸減少，很多男性會感到肌肉減少力量減弱，人因此很憂慮等，有所謂男性更年期的情況出現。有研究證明，我們做一些阻力訓練，一些重量運動，尤其做一些比較重的重量，可以刺激比較多的睪丸胴分泌。尤其是深蹲、推胸、引體上升這類動作，做的重量夠大，同時牽涉到全身不同肌肉，就最有效。不過怎樣為之夠重，又不會太重，傷到身體？一個重量，如果你盡力做到8至10下，就為之一個合適的重量，有助肌肉生長和睪丸胴分泌。另外，註冊營養師李龍家麒亦說，睪丸胴減少，男士除了體魄上，性功能都會有變化，製造精子量會少一點，活躍度都會低。不過只要飲食方面，每日有足夠優質蛋白質，例如新鮮豬肉牛肉，雞蛋雞肉豆腐，都有幫助。蠔，蝦蟹等甲殼類，都含豐富的鋅，可以保持精子數量和活躍度。另外果仁類所含的維他命E，都對生殖能力有幫助。記者：李聰
想輕輕鬆鬆健康?，記住留意健康蘋台
http://health.appledaily.com.hk/
來源:
http://hk.apple.nextmedia.com/su ... t/20161022/19808359
【當街摷手袋】女仔拎手袋日日舉鐵韓妹呢支嘢都攞出街？
1 :
GS(14)@2016-12-30 02:58:14「重」字同好多女仔有關，唔係講體重，係講絲打們日日拎住嘅「重揼揼」手袋！
【三個粉絲追韓劇】韓國藝人李聖經今年都算豐收年，先喺《奶酪陷阱》做貪錢女，夠出位吸引觀眾目光，再喺《Doctors》同朴信惠鬥氣，令人印象深刻。踏入年尾，佢更加榮升女主角，喺《舉重妖精金福珠》飾演舉重選手。女仔鍾意玩舉重真係好少見，不過個「重」字，其實同港女韓女都有關！唔係講體重，係講各位絲打日日拎住嘅「重揼揼」手袋，究竟裏面裝啲乜？
受訪者中手袋最重嘅有2.19kg，等如拎住3支770ml嘅礦泉水出街。
不過都唔夠阿仙個手袋重，2.33kg，真正舉鐵！
究竟各位絲打嘅手袋裝啲乜？
三個粉絲喺韓國同香港街頭做調查，磅一磅各位女士嘅手袋究竟有幾重，結果由1.34kg至2.19kg不等。受訪者之中以港女Zoie嘅背囊最重（已經無計部手提電腦），有2.19kg，等如拎住3支770ml嘅礦泉水出街，Zoie自己都笑住話：「個袋有好多垃圾。」調查發現，女仔手袋除咗有日常用品好似銀包、散紙包、充電器等，最重嘅都係扮靚用品！咪以為講緊化妝袋，帶化妝袋只係基本，好似韓女Kim Song Ei就隨身帶住一對全新絲襪，連男朋友都忍唔住問：「絲襪唔係喺屋企着咗先咩？做乜要帶出嚟？」女友就尷尬咁笑住話，「絲襪容易勾爛，女生要時刻做好準備！」
韓女Kim Song Ei尷尬咁笑住拎對全新絲襪出嚟。
男朋友見到都忍唔住問點解要帶出嚟呢，女友就話女生要時刻做好準備！
韓女Lee Si On就係「做好準備」之冠，佢竟然喺手袋拎個電髮夾出嚟！
講到「做好準備」，韓女Lee Si On應該係呢方面嘅冠軍，佢竟然喺手袋拎個電髮夾出嚟！唔係迷你型，係正常size！佢帶住又大又重嘅電髮夾，只係為咗keep住啲瀏海夠「空氣」。為咗靚，重，真係唔算得係啲咩，咁最好梗係有個男朋友仔幫手啦！好似《舉重妖精金福珠》劇中，減肥專科醫生鄭載一好心幫福珠搬梳妝枱，就令福珠陷入愛情，努力搵錢參加減肥療程，都係為咗見多醫生一面。韓女Kim Go Yun嘅手袋重1.66kg，最重就係用嚟selfie嘅專業相機，佢大讚男友Park Jun Yeong成日幫佢拎手袋。不過韓男Kim Chong Sok就認為，雖然理解女仔手袋點解咁重，不過如果唔係十分之重，就未必會幫手拎，因為有啲尷尬。當然，有啲絲打都好識做，港男Icey就話自己唔介意幫女友拎手袋，只係女友唔想佢拎咋。
拎重嘢唔緊要，最緊要有壯男幫手，好似減肥專科醫生鄭載一好心幫福珠搬梳妝枱，冧死福珠。（《舉重妖精金福珠》截圖）
港男Icey就話自己唔介意幫女友拎手袋，只係女友唔想佢拎咋。
主持：動主播阿仙、viu韓劇導賞員Ruby和阿愁記者及繙譯：卓惠媛(Joyce)攝影：李錦鏵、馮峰、Neo《舉重妖精金福珠》片段由Viu提供：
https://goo.gl/7etgRS【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161229/19879947