【星之綠葉】揭開笑匠臭寸之謎奔雷手：星爺好自閉
1 :
GS(14)@2014-10-18 22:50:12
■經常飾演奸角的鄭家生，日前接受專訪時殺手上身，揸槍擺chok甫。攝影：陳慧安
80年代電視台是香港電影業搖籃，在搖籃茁壯成長的周星馳離巢後不忘一班舊同事，造就兼任武指的鄭家生有更多演出機會。雖然只是牡丹旁的綠葉，在《破壞之王》演奔雷手文泰萊的鄭家生，於圈中打滾30多年，他認為一般人誤解周星馳：「好多人話佢寸，叫佢都唔睬，其實唔知佢諗緊嘢，佢喺現場好自閉。」撰文：藍文浩周星馳電影《賭聖》、《審死官》、《濟公》、《破壞之王》都有鄭家生出現，更多當然是當年的無綫劇集。前年毅然離開服務30多年娘家轉投香港電視網絡（HKTV）的鄭家生，惡形惡相，專演壞人殺手，拍電影卻有更多機會發揮，如《破壞之王》演星爺和林國斌拳賽裁判奔雷手文泰萊，一句「當我奔雷手文泰萊流㗎」，加上爆衫騷肌最為搞笑。
■鄭家生在《破壞之王》中飾演奔雷手文泰萊，在擂台上突然爆肌保護星爺。劇照
加入港視大開眼界
講到與星爺合作的緣起，日前鄭家生受訪時說：「我哋喺TVB已經識（編按：89年與星爺合作電視劇《蓋世豪俠》），佢出咗去拍電影都有搵舊同事幫手，當時佢嘅電影好多都係同一班人做，好似達哥吳孟達、林雪咁。嗰時我有幫杜Sir做武指，所以《審死官》我有份做殺手，不過大家記得最多嘅，應該就係文泰萊啦。」對近日有關星爺的批評，他說：「佢喺現場好自閉，一個人坐埋一邊自己諗嘢，半日都未拍到，好多人話佢寸，叫佢都唔睬，其實係唔知佢諗緊嘢。以前喺電視台迎面行過叫佢，佢都唔知，因為佢自己不斷諗緊嘢。」鄭家生轉投新勢力王維基旗下的港視，猶如進入大觀園，雙眼透着光芒的他說：「本來冇諗過要傾，因為TVB就好似屋企咁，但係佢任我開嘅條件都即刻應承，冇辦法抗拒。」
■鄭家生維護星爺，指思考時的星爺好自閉。
無綫欠衝勁似亞視
放下半生人的感情，只因新東家的熱誠：「好認真、大家都好有衝勁，完全係兩件事，係拍電影嘅感覺。相比之下，嗰幾年嘅無綫拍嘢就好似亞視咁。」可惜熱情不能當飯食，牌照失落、合約明年初完結，他希望繼續為香港的電視業效力：「我梗係希望香港電視業好，全世界都識啦！幾十年前大家初初都係睇日劇，之後輪到我哋香港，仲威水到衝入美國，我覺得當時香港係第二個荷李活。我都唔明點解整整吓香港會跌到咁，好似冇人睇嘅咁。」對電視製作肉緊非常的他，下年2月就會約滿港視，而尚有兩年就滿60歲，前路如何計劃，鄭家生也說不準：「我又唔憂嘅，個仔都大喇，兩餐冇話搵唔到，
一個笑匠的誕生方東昇大起底
1 :
GS(14)@2015-10-13 07:36:35■近日因主持《世界零距離II》而彈起的方東昇，在節目妙語連珠搞爛gag，被網民封為「昇爺」，接棒星爺做搞笑高手。設計圖片及對白
想搞笑，觀眾會想起「星爺」周星馳，近年星爺產量不多，不過大家上周扭開電視，就會出現另一個同樣搞笑的「昇爺」——無綫新聞主播方東昇，此昇當然不同彼星，但他一反嚴肅形象，以搞笑手法主持資訊節目《世界零距離II》，觀眾笑爆肚皮吸收知識之餘，同時揭開他神隱的笑點，已離巢的新聞之花周嘉儀、黃紫盈和黃婉曼等更齊齊大爆昇爺絕密笑料。
平日出鏡老正到爆的無綫新聞主播方東昇，近日孖兩女主播黃曉瑩和陳沛珈主持資訊節目《世界零距離II》，該節目上周開始播出，先後介紹了南美法屬圭亞那、列支敦士登、委內瑞拉和開曼群島等幾個冷門國家，發掘當中鮮為人知的小秘密。方東昇大講爛gag增加資訊趣味，令觀眾看得輕鬆易明。
黃婉曼爆隨身孭打印機
從來新聞主播出鏡都給人嚴肅形象，但方東昇這次主持《世》卻大玩搞笑風格，僅播出五集，網友連日熱烈討論，還封方東昇做「昇爺」。這個來自新聞部的笑匠，原來鏡頭背後經常腦筋急轉彎，隨時隨地都有幽默感，已離巢的新聞之花周嘉儀、黃紫盈、黃婉曼、陳珍妮和新聞王子柳俊江昨日均異口同聲爆料，大起昇爺底。當年同樣以跳脫口脗報告天氣的黃婉曼，大爆師兄私下愛講爛gag，她昨日在電話中說：「佢會㗎，東昇係我前輩，佢為人好風趣，做新聞好勤力，仲會做足功課，睇到呢個節目，完全係佢真性情，搞笑得嚟又帶出好多資訊畀大家。」黃婉曼表示當年離職，昇爺不忘送上爛gag勉勵：「佢知我轉去中移動雜誌，佢話：『恭喜我由一間巿值幾多錢公司，跳去另一間幾多幾多倍嘅大公司，前途無可限量』，佢嘅賀辭好風趣，至今都記得。」黃婉曼爆料昇爺的勤力史，她說：「我聽聞佢孭住嘅書包，裏邊有部打印機，方便隨時印出資料備用。」
【勁講爛Gag】■方東昇主持《世界零距離II》，大玩食字爛gag，與平日報道新聞時的嚴肅形象，來個一百八十度大逆轉。電視圖片
【嚴肅老正】電視圖片
【主播大讚】■一班前無綫主播黃婉曼、周嘉儀、陳珍妮和伍家謙等都大讚昇爺有幽默感。資料圖片
黃紫盈：內容抵死又到位
新聞雙花黃紫盈和周嘉儀都非常欣賞昇爺才華，黃紫盈先說：「佢外表好似好嚴肅，但講嘢有內容好抵死，又到位，寫稿文字好活潑唔死板。其實《世》呢個節目好東昇，或者平時啲人睇新聞冇咁留意到。」黃紫盈大讚昇爺有智慧，深入淺出令觀眾消化資訊：「佢啲嘢唔係隨口噏，唔係廢話，句句到位，佢講笑，都唔會自己嘻嘻哈哈笑先，佢會皮笑肉不笑。」黃紫盈難忘昇爺傳她的搞笑短訊：「佢會叫我大姐前，大姐後，你會睇到笑咗先，佢仲會留言『有勞大姐』，我係妹妹啫，睇落好窩心。」
■柳俊江大讚舊拍檔寫稿有心思，不會搬字過紙。資料圖片
■黃紫盈大爆方東昇每次通短訊時留言非常鬼馬。資料圖片
陳珍妮：佢鍾意玩食字
嘉儀BB昨亦指剛入職時早留意到昇爺愛用押韻風格，她說：「佢創出嚟，幾funny，佢轉數好快。」嘉儀BB細味《世》的內容有別傳統旅遊節目，她續說：「佢介紹幾個地方都唔係港人熟悉，除講飲食，仲會搵到當地僅有嘅華人做訪問，有娛樂有資訊，又有教育意味，拿揑好好。」而曾出位鬧爆無綫的前主播陳珍妮，她對昇爺最深印象是對方寫稿的風格：「佢鍾意玩食字。」柳俊江談舊拍檔說：「佢寫稿一定會諗，唔係就咁搬字過紙，我可以講好多新聞部同事其實都愛搞爛gag，有風趣一面。」對於被網友封為爆笑昇爺，昇爺昨透過WhatsApp回覆：「非常抱歉，由於公司規矩，不便接受訪問，請見諒，謝謝。」昇爺主持的《世》，該節目上周平均收視有21點，約136萬名觀眾收看，昇爺發出的笑彈令收視對比上周的《活得健康嗎？》微升了1點，多吸納約64,000名觀眾。採訪：劉敏
帶師妹遊世界
方東昇成功上位，被他形容為疑似淑女的兩位拍檔陳沛珈及黃曉瑩，其實都是記者出身，兩位更是方東昇的中大小師妹。其中黃曉瑩是11年加盟無綫做實習記者，陳沛珈則是12年開始擔任記者，兩人上一輯《世界零距離》已經跟方東昇四圍去，今輯最出位行為應該是在法屬圭亞那的女士之夜畀仔圍！
來源:
http://hk.apple.nextmedia.com/entertainment/art/20151013/19330469
盧大偉笑匠殞落遺孀：傳承歡樂精神
1 :
GS(14)@2016-03-06 03:14:29【1945－2016】■以廣東話爛gag為觀眾帶來無限歡樂的盧大偉，昨日上午因癌病逝，享年71歲。
「歡樂今宵，再會！各位觀眾，晚安！」昔日唱過無數次《晚安歌》的爛gag鼻祖盧大偉（盧David），終於要跟大家道別。去年飽受癌魔折磨的他，昨早因癌病逝，享年71歲。與盧David相伴逾15載的盧太Quiency，昨懷着傷痛謂不捨丈夫離去，但坦言：「我再咁樣沉落去唔係我老公想見到嘅事。」並承諾會繼續經營丈夫生前創辦的教室，將正能量和歡樂傳揚開去。
不懂廣東話的「香港人」，不會體會盧大偉爛gag趣味。70年代開始在《歡樂今宵》搞爛gag帶給觀眾歡樂的盧David，去年2月因患癌致體重急跌，近日傳出病情反覆，要入院接受治療。一直堅強與病魔搏鬥的他，前晚病情急轉直下，情況危殆，醫護人員要為他注射嗎啡針止痛，並一度傳出彌留消息，不少好友紛紛趕到醫院探望，直至昨晨6時，盧David血壓急跌，最終不敵病魔折磨與世長辭，享年71歲。盧大偉與太太Quiency結婚逾15載，盧太一直貼身照顧丈夫，昨日她與好友丁羽、無綫前高層何麗全、ViuTV高層金廣誠及姨甥Jeff等親友，陪伴在側送盧David最後一程。昨早約10時，戴上口罩的盧太在眾親友陪同下在醫院會見傳媒，她懷着傷痛說：「David今朝早上6點49分返咗天家，其實佢自己一直都有盼望，冇放棄過，直至噚日傍晚有少少變化。」問是否打嗎啡針止痛？盧太說：「噚晚有打好微量，我一直有陪住佢，係有啲攰，有痰嗰種辛苦，希望大家focus喺David喺香港畀咗好多正面同歡樂大家，乜嘢病就唔回應，總之唔係傳聞中嘅腸癌。」
■張崇德（右）、丁羽（左二）和盧太姨甥Jeff，昨早陪盧太見傳媒。
■盧太昨午在姪兒陪同下，到她與盧David以前最愛流連的公園坐下懷緬。
在不同的空間合作
盧太表示丈夫生前創辦的教室，她決心繼續經營，並希望發揚丈夫積極正面精神，她說：「期望香港可以和諧同開心，身邊人開心，佢有個教室會繼續做將呢個精神發揚出去。一直係我陪佢一齊搞，自然都係我繼續營運。」為照顧丈夫，盧太坦言自己瘦了20、30磅，又多次強調不捨丈夫離開：「我夠膽講我係好唔捨得David，David都好唔捨得我。但係我哋只係喺唔同嘅空間做唔同嘅嘢，我要更投人去做一啲David喜歡做嘅嘢。David有個同學會，3月13號有個關懷社區嘅行動，如果大家支持社會正能量可以嚟參加。我再咁樣沉落去，唔係我老公想見到嘅事，我都要同自己講，要分工合作。佢就上咗天家嘆世界，我就喺地下執行佢要做嘅嘢。」有關出殯事宜，盧太稍後會與盧David有好友及演藝人協會商議。
■唱過無數次《晚安歌》的盧David，終於要向觀眾道別。
■盧太會延續亡夫的意願，繼續辦好盧David教室。
「佢天生係一個藝人」
之後盧太偕親友到柴灣酒樓午膳，問心情是否平復？她苦笑說：「如果我話畀你聽我呢一刻係完全平復嘅，即係我唔愛呢個男人。」問盧David可有遺言﹖盧太說：「我哋一路有溝通，唔係last minute先問，我哋咁多年婚姻，相處都知道有乜係想我做。佢天生係一個藝人，入到片場就好似蝴蝶飛舞嘅心情，佢呢幾年生命入面最重要係學生同埋教室，最緊要將正面同和諧嘅心宣揚開去。」問盧David移民外國的胞兄蕭亮會否返港送別時，盧太表示未知。說罷盧太在另一姪兒陪同下到杏花邨海旁公園坐下休息，說希望散步唞氣，她在海旁沉思了近一小時離開，並主動向傳媒解釋說：「頭先嗰度係我同David成日去嘅地方。」盡現思念丈夫之情，之後盧太折返醫院為亡夫辦手續後離開。採訪：盧妹攝影：陳慧安、畢紹基、潘冠恩
來源:
http://hk.apple.nextmedia.com/entertainment/art/20160305/19516916
【人人可棟篤1】由音樂教授變棟篤笑匠 熱血大叔：追夢冇遲早
1 :
GS(14)@2016-09-27 07:14:47Kenneth已有9年棟篤笑表演經驗，中英文show都難不到他
有指廿九歲是最接近放棄夢想的年紀，皆因三十歲的你就不再年輕，是時候面對現實。不過前天與Vivek做完棟篤笑表演的熱血大叔Kenneth卻笑言：「追夢冇遲早嘅」記者：余傲芝 攝影：廖達燊、Neo
Kenneth的棟篤笑生涯與與Vivek一起展開，那一年是2007年
台上的Kenneth喜歡化身成為Mr. Rock and Roll，有兩錢麻甩三分粗鄙
台下的他卻是一個大學音樂教授，教古典結他
「其實我係同Vivek一齊開始玩棟篤笑，就係佢贏冠軍嗰屆，嗰時我都行將就木啦哈哈」─那一年是2007年，Kenneth看到報章介紹一個棟篤笑比賽，便糊裡糊塗參加了，豈料玩一次就上癮，就足足做了九年。九年間有無數觀眾笑到拍爛手掌，但令他最深刻偏偏是沒有人笑的那一次。「原來120人嘅寂靜係非常大聲，你只會聽到『你唔好笑呀！』，嗰7分鐘係我一生人最痛苦嘅時間。」想過因此而放棄，不過「喺邊度跌低，就喺邊度起身」，最後還是撐下去。
中學時才開始學結他，結果日夜苦練，最後真的成為音樂家
棟篤笑是Kenneth另一個夢想，他的下個目標是做個人棟篤笑show
Vivek and friends每個月都會有棟篤笑表演
Kenneth在台上飾演的Mr. Rock and Roll有兩錢麻甩三分粗鄙，但台下的他卻是一個大學音樂教授，教古典結他，但一切都得來不易。「第一個結他係爸爸喺我中一時買俾我，因為開始得比較遲，需要後天追趕」，結果有一段很長時間需要每日練琴十小時，除了吃飯去廁所睡覺外，就是練琴。「當年有個校花專程聽我練琴，我覺得佢阻住我練琴，結果我走咗，不過之後後悔咗好耐」，連校花都拒絕，就知道Kenneth認真專注的程度，結果他雖然輸在起跑線，但真的成了夢想中的音樂家，還希望訓練下一代優秀的音樂家。「棟篤笑肯定都係我嘅夢想」，圓了一夢，Kenneth卻沒有停下來。不過對於圓夢的定義卻有一番見解，「係唔係要喺紅館對住萬幾人，做十多場表演先叫圓夢？我唔認同。只要我哋嘗試過，盡最大嘅努力，對我來說已經足夠」。*記得留意明天與後天的【人人可棟篤系列】另外兩位棟篤笑表演者：IT宅男阿添與女記者MARY
來源:
http://hk.apple.nextmedia.com/entertainment/art/20160926/19781881
【歌手變笑匠】扮女人拍戲翻身
1 :
GS(14)@2017-01-29 10:31:35現年44歲的鄭中基，從小喜歡音樂，其父鄭東漢曾是寶麗金唱片亞洲太平洋區總裁及多間唱片公司高層。96年鄭中基最先在台灣推出國語碟，曾跟張學友合唱《左右為難》，及與陳慧琳合唱《製造浪漫》，入行初期被視為最有前途新人。不過2000年他在機上醉酒鬧事，令事業直插谷底。
《行運超人》劇照
其後鄭中基被充滿喜劇細胞，靠拍電影翻身，於2003年在楊千嬅主演的《行運超人》中飾演風水師「斷蟹」，扮女人造型獲激讚，之後再擔正《龍咁威2003》等笑片。
來源:
http://hk.apple.nextmedia.com/entertainment/art/20170129/19911988
Next Page