章小蕙少與女兒來往
1 :
GS(14)@2016-12-03 05:12:34■阿B與章小蕙所生的女兒鍾嘉晴，與繼母范姜感情要好。微博圖片
鍾鎮濤（阿B）與章小蕙所生的21歲女兒鍾嘉晴身在台北，修讀時裝設計，日前被爆在宿舍因製造燥音與學生鬧紛爭，而她的繼母范姜前晚在活動幫她講好說話。昨日，台灣《蘋果》就訪問了章小蕙密友，指她與女兒沒甚往來，若知有此事，以章小蕙的性格會找阿B投訴。報道指嘉晴本人決定不與生母往來，而她與范姜相處融合，更會叫對方做「Mama」，與兩名同父異母的妹妹關係親密。
章小蕙
章小蕙近年移居美國，在當地進修短期表演、戲劇相關課程，生活靠父親資助，而她的父親於今年6月過世，當時獲分遺產，而她平時亦有從事為中國片商在美加買賣劇本版權，靠抽佣為生，大概一單交易會有5萬美元。撰文：唐如
來源:
http://hk.apple.nextmedia.com/entertainment/art/20161202/19851870
鬧章小蕙破壞人家庭陳小韻馬莎偷700蚊底褲留案底
1 :
GS(14)@2017-01-12 08:03:22今年40歲嘅陳小韻，曾做過model，年輕時有過一段輕狂歲月，當年更因老父陳曜旻（白頭陳）之名，無可避免成為新聞人物。1997年，白頭陳喺57歲高齡下，對當時仍係B嫂嘅章小蕙一見鍾情，為咗同章小蕙一齊，不惜同第二任太太鍾璧澤離婚，二人譜出一段不倫黃昏戀。最後陳曜旻同章小蕙分手，男方破產收場，落得人財兩空，結果要轉戰上海經商，重新開始。當時陳小韻接受傳媒訪問時，鬧爆章小蕙破壞人哋嘅家庭。陳小韻喺專訪中話：「佢(章小蕙)嘅出現，累到我屋企有好多事發生。我爹哋係唔好彩，佢話有好多嘢係整定，但我見到佢突然間老咗好多，破產，身邊嘅嘢冇晒！」父親戀章小蕙搞到一身蟻，陳小韻亦自身難保，曾經同關之琳前男友黃家諾拍拖嘅佢，99年涉嫌喺馬莎百貨偷咗8條共值700幾蚊嘅女裝底褲被控盜竊罪，當時陳小韻自稱食咗藥，魂遊太虛。但目擊過程嘅保安員，就話見到陳小韻將底褲搓成球狀，塞入褲袋。最後罪名成立要留案底！經此一役後，陳小韻變得低調，逐漸淡出社交圈，長駐上海打理爸爸嘅生意，之後又返港做朝9晚5嘅童裝工作。戒夜蒲同戒煙，09年仲同任職銀行界嘅現任老公Kin Chan結婚，仲幫老公生咗兩位公子。
來源:
http://hk.apple.nextmedia.com/entertainment/art/20170111/19893392
章小蕙購物慾冷感
1 :
GS(14)@2017-01-27 07:40:35■前B嫂章小蕙前日現身中環，53歲的她風韻猶存。DV圖片
前B嫂章小蕙跟鍾鎮濤（阿B）離婚18年，久未露面的她前日現身中環置地廣場，年屆53歲徐娘半老但風韻猶存，淺灰外套襯閃爆鑽戒，當年曾豪言「飯可以唔食，但衫唔可以唔買！」風光時每季豪擲30萬買衫，被阿B狠批揮霍無度，惟前日章小蕙卻過名店而不入，只齋睇年宵檔口又沒幫襯。近年長居美國的章小蕙，據知今次返港留一星期，除陪年邁媽咪過年外，還會斟洽新戲投資計劃，惟跟前夫斬纜與女兒嘉晴疏離，原來她前日才返港，阿B舉家已早一步離港度歲，見面無期。採訪、攝影：羅德光
■曾視衫如命的章小蕙過名店而不入，反而流連商場的年宵檔位。
■阿B和范姜帶子女舉家離港外遊，與前妻無緣相見。互聯網圖片
來源:
http://hk.apple.nextmedia.com/entertainment/art/20170127/19910143
生娘不及養娘大鍾嘉晴自爆7年冇見章小蕙
1 :
GS(14)@2017-01-27 07:40:35章小蕙爸爸喺加拿大多倫多創辦中文電視台，所以章小蕙都擁有加拿大國籍，而佢同前夫鍾鎮濤（阿B）就喺加拿大認識，再喺88年拉埋天窗，先後生咗阿仔鍾嘉浚同阿女鍾嘉晴。不過章小蕙同阿B呢段婚姻，只係維持咗11年，兩人喺99年離婚，阿B仲痛斥章小蕙揮霍，敗盡身家。而章小蕙之後同商人「白頭陳」陳曜旻拍拖，阿B就同范姜結咗婚，而嘉晴喺4歲時就開始同范姜一齊生活，感情仲非常好，之後范姜為阿B生咗兩個女，待嘉晴亦視如己出。父母離婚，對子女難免留下心理陰影。阿B同章小蕙離婚之初，嘉浚嘉晴對母親的離開耿耿於懷。2011年，范姜與同住麥當奴道半山樓的章小蕙胞妹章小婉狹路相逢，兩人在大堂嘈交，最後更鬧上警署。嘉浚嘉晴在事件中極力維護范姜，嘉晴更稱已7年冇見過生母章小蕙：「我媽說她回港保護我？？？…我現在16歲，我諗我不需要她任何保護，我至少7年沒見過我媽，她又怎樣會突然為我回來？」。對於有人暗示范姜打她，嘉晴當時回應傳媒就說：「冇件咁嘅事發生過，佢對我好好，不嬲好錫我。」章小蕙與女兒關係疏離，但與嘉浚關係就較好。現年26歲的嘉浚跟章小蕙生活；至於鍾嘉晴，之後喺活動上話其實冇嬲過媽咪，仲貼過哥哥同媽咪嘅合照上社交網，證明親情係可以化解晒啲芥蒂㗎。
來源:
http://hk.apple.nextmedia.com/entertainment/art/20170127/19910282
Next Page