2009-04-23 AppleDaily
| ||||||
| 多 年前做過消費者委員會委員，成日出嚟見傳媒嘅阮德添，噚日有新工，時富金融（510）宣佈，委任佢做旗下財務策劃部門──時富泛德財務策劃執行董事。阮生 將會負責制訂時富泛德嘅整體業務發展策略，協助公司喺中港發展財富管理市場。阮德添做咗保險同財富管理超過20年，服務過嘅公司包括怡和保險、保險顧問公 司Marsh & McLennan、新鴻基證券、加怡人壽保險同AIG等，又做過機場管理局，擔任商業服務總經理，可以話身經百戰。 拓中港財富管理 今次證券行時富發大嚟搞財富管理，可能係睇啱近排金融海嘯嘅影響仍未完全擺脫，市場對財務策劃有需求，而且阮生嘅理財規劃師（CFP）資格喺國內獲認可，可幫時富發展內地市場。 | ||||||
| ||||||
| 中國上一代人崇洋崇港，但80年代出生嘅一代就有自己立場，未必睇得起港燦。 不 過內地評論經濟嘅名人，仍以香港人吃香，據中國評論新聞網報道，香港中文大學講座教授郎咸平喺舊年，上半年出席一個為期兩日嘅論壇，酬金12萬銀（人民 幣．下同），下半年喺另一個論壇，只係講半日就袋6萬。今年3月，有記者問佢一條經濟問題，郎咸平拒絕咗，原因係乜唔重要，最緊要係佢話：「你們要知道， 我的出場費是上漲的了，目前是15萬元，不過具體銀價也是可以談的。」 報道冇講一場演講幾多粒鐘，但15萬銀講一場，可以話係內地收費最貴嘅經濟名人。據報道，排第二亦係由香港北上發展嘅經濟學家謝國忠，收10萬銀一場。 謝國忠收10萬排第二 牛 市時，內地金融機構鍾意請有名氣嘅經濟學家講吓嘢，呢個潮流冇因金融海嘯減退，可能啲散戶失晒方向，需要專家指點迷津，所以搞到專家出場費水漲船高。北京 一間公關公司負責人話，請名嘴出場，佢哋有好多條件，好似要帶助理、交通工具要搭頭等、仲要睇同場嘅經濟學家係咪同級數、自己嘅出場次序。 內地經濟名人演講收費 郎咸平香港中文大學財務學系講座教授 每場收費：15萬人民幣 謝國忠著名經濟學家、玫瑰石投資公司顧問 每場收費：10萬人民幣 宋鴻兵《貨幣戰爭》一書作者 每場收費：10萬人民幣 左安龍上海電視台財經頻道主持人 每場收費：10萬人民幣 巴曙松國務院發展研究中心金融研究所副所長 每場收費：3至5萬人民幣 樊綱經濟體制改革研究基金會秘書長 每場收費：3至5萬人民幣 易憲容社科院金融研究所金融發展室主任 每場收費：3至5萬人民幣 資料來源：中國評論新聞網 李華華 | ||||||
2009-07-24 AppleDaily
| ||||||
| 國 際資源（1051）董事局大變動，專業管理團隊全面登場，效果立竿見影，股價即時大升幾成。國際資源「披成」完成後，已消化整固16個交易日，有96.5 億股轉手，佔「披成」130億股的74%，基金大戶明顯已收集完成，借「柯大俠」入局消息刺激，齊齊發力。國際資源裂口高開0.46元，跟住就清風送爽， 仲搶到上0.58元高收，大升16.5仙，升幅39.7%，成交更大增到32.7億股，比本月6日16.45億股高紀錄仲超出成倍，貨源繼續流入強者手 中，升勢方興未艾。集團董事局大執位，劉夢熊辭任主席（僅保留董事職務），由原副主席兼行政總裁Owen Hegarty接任，並委任恒生銀行前大班柯清輝接替副主席一職，原副行政總裁Peter Albert則升任行政總裁，同時委任中國五礦集團前管理層馬驍出任副行政總裁一職。柯氏除任副主席外，同時更出任獨立非執行董事、及擔任薪酬委員會及審 核委員會主席。商界人士多稱呼柯清輝為「柯大俠」，他先後出任滙豐銀行總經理及董事等要職，亦出任多項公職及上市公司董事，今年初榮休前更是恒生銀行（中 國）董事長，現突然加入國際資源，對此新崛起並晉身為本地第4大金礦企業將有莫大好處，並有助集團強化企業管治及財務安排與管理。 基金股東粒粒巨星 國 際資源「披成」後，各基金投資者名單及其持股量陸續曝光，粒粒巨星，包括Blackrock、Bennelong、Franklin、Schroder、 Legg Mason、西京投資、大摩同中國科技（985）等。由於配售時「熱爆」，好多基金「唔夠喉」，仲大手在市場吸納，例如Legg Mason在7月3日就以0.45元增持近3800萬股，而Schroder在6月30日以平均價0.581元增持逾4000萬股。國際資源收購的 Martabe金銀礦項目，礦區面積達1600平方公里，目前僅就其中30平方公里探明儲量，已有黃金約600萬盎斯、白銀6000萬盎斯，設計產能為首 5年（2010年至2015年）黃金年產量25萬盎斯，由於生產成本平均每盎斯只230美元，以現時金價計，毛利達1.75億美元，約13.6億港元，保 守估計每年盈利有12億元，國際資源急升後市值82億元，預測PE都未夠8倍。郭兆誠 | ||||||
| 股東名稱 | 作出披露的原因 | 買入／賣出或涉及的股份數目 | 每股的平均價 | 持有權益的股份數目（請參閱上述＊註解) | 佔巳發行股本之百分比（％） | 有關事件的日期 (日／月／年) |
| Hong Kong Health Check and Laboratory Holdings Company Limited | 102(L) | 442,220,000(L) | HKD 0.024 | 15,591(L) | 0.00(L) | 03/07/2009 |
| Hong Kong Health Check and Laboratory Holdings Company Limited | 103(L) | 987,740,000(L) | 442,235,591(L) | 5.00(L) | 02/07/2009 | |
| Hong Kong Health Check and Laboratory Holdings Company Limited | 103(L) | 1,690,000,000(L) | 1,429,975,591(L) | 16.18(L) | 30/06/2009 | |
| Hong Kong Health Check and Laboratory Holdings Company Limited | 115(L) | 3,119,975,591(L) | 35.31(L) | 12/06/2009 | ||
| Hong Kong Health Check and Laboratory Holdings Company Limited | 103(L) | 110,000,000(L) | HKD 0.029 | 3,119,975,591(L) | 36.36(L) | 27/05/2009 |
| Hong Kong Health Check and Laboratory Holdings Company Limited | 103(L) | 662,780,000(L) | HKD 0.030 | 3,229,975,591(L) | 37.64(L) | 26/05/2009 |
| Hong Kong Health Check and Laboratory Holdings Company Limited | 103(L) | 65,000,000(L) | HKD 0.031 | 3,892,755,591(L) | 45.36(L) | 25/05/2009 |
| Hong Kong Health Check and Laboratory Holdings Company Limited | 103(L) | 300,000,000(L) | HKD 0.032 | 3,957,755,591(L) | 46.12(L) | 22/05/2009 |
| Hong Kong Health Check and Laboratory Holdings Company Limited | 103(L) | 180,000,000(L) | HKD 0.032 | 4,257,755,591(L) | 49.61(L) | 18/05/2009 |
| Spring Biotech Limited | 102(L) | 371,000,000(L) | HKD 0.033 | 358,955,240(L) | 4.18(L) | 14/05/2009 |
| Town Health Bio-Medical Technology Limited | 102(L) | 371,000,000(L) | HKD 0.033 | 358,955,240(L) | 4.18(L) | 14/05/2009 |
| Town Health International Holdings Company Limited | 102(L) | 371,000,000(L) | HKD 0.033 | 358,955,240(L) | 4.18(L) | 14/05/2009 |
| Hong Kong Health Check and Laboratory Holdings Company Limited | 104(L) | 4,437,755,591(L) | 51.71(L) | 13/05/2009 |
| 股東名稱 | 作出披露的原因 | 買入／賣出或涉及的股份數目 | 每股的平均價 | 持有權益的股份數目（請參閱上述＊註解) | 佔巳發行股本之百分比（％） | 有關事件的日期 (日／月／年) |
| Top Act Group Limited | 102(L) | 8,986,800(L) | HKD 0.600 | 9,756,097(L) | 2.88(L) | 23/07/2009 |
| Town Health (BVI) Limited | 102(L) | 8,986,800(L) | HKD 0.600 | 9,756,097(L) | 2.88(L) | 23/07/2009 |
| Town Health International Holdings Company Limited | 102(L) | 8,986,800(L) | HKD 0.600 | 9,756,097(L) | 2.88(L) | 23/07/2009 |
| Top Act Group Limited | 103(L) | 11,000,000(L) | HKD 0.600 | 18,742,897(L) | 5.53(L) | 22/07/2009 |
| Town Health (BVI) Limited | 103(L) | 11,000,000(L) | HKD 0.600 | 18,742,897(L) | 5.53(L) | 22/07/2009 |
| Town Health International Holdings Company Limited | 103(L) | 11,000,000(L) | HKD 0.600 | 18,742,897(L) | 5.53(L) | 22/07/2009 |
| 有關事件的日期 (日／月／年) | 上市法團名稱 | 買入／賣出或涉及的股份數目 | 作出披露的原因 | 每股的平均價 | 緊接在有關事件之後的股份數目（請參閱上述＊註解) | 佔巳發行股本之百分比（％） | 相關法團股份權益 | 債權證權益 |
| 14/03/2007 | 香港體檢及醫學診斷控股有限公司 | 102(L) | 105,000,000(L) | 4.59(L) | ||||
| 12/03/2007 | 香港體檢及醫學診斷控股有限公司 | 55,000,000(L) | 101(L) | HKD 0.148 | 105,000,000(L) | 5.02(L) |
| |
||||||
2010-11-22 AD
|
||||||
|
點解財經版搵楊天命師傅做訪問？無他，皆因佢已晉身為上市公司高層─進軍墓園業嘅仁智國際（8082，前稱訊通控股）嘅顧問，大家都想知佢扮演咩角色。 幫仁智老闆擺風水而起 「我係顧問咋，唔係咩高層！呢個Business Model好新，o依家我想做好規劃先，就好似個總規劃咁囉！」 楊 師傅話係第一次規劃墓園，「做每件事都係講緣份，我同Andy（仁智主席徐秉辰）識咗好多年，佢初初都唔係好信玄學，後尾幫佢擺風水，佢見啲嘢好咗，有進 步，傾傾吓佢問我有無興趣合作，咁我咪合作囉。」不過，仁智個名唔係楊師傅改嘅，合作之前，佢亦無算下同Andy夾唔夾，「個人心地好我就會合作啦！」 剛有份帶完隊去上海考察仁智個墓園嘅楊師傅話：「即將規劃嘅Project賣點係山明水秀，啲水係有收嘅，即係有山擋住唔會一望無際，西南有水，旺八運，早葬早發，2023年之前葬入去仲當八運葬，運氣會快發啲，會旺財但唔係旺官……」 聽落唔錯，不過，華華就仍然唔希望咁快幫襯嘞！ |
||||||
|
||||||
|
新地（016）郭氏兄弟決裂、南豐姊妹反目，單單精采幕幕新鮮。全港市民等睇戲，估吓下一家反面嘅係邊個望族。船王之後、自己亦已創一番事業嘅卓能（131）主席趙世曾話，絕對唔希望自己嘅仔女，第日都會係咁。 佢話：「我都有各種準備同分配，做得好仔細o架，三個仔女唔同媽咪嘛，更加小心啲同佢哋做好善後準備，唔可以馬馬虎虎……內容唔講得，而且遺囑隨時可以改得o架嘛，所以做得清楚啲，將來唔會有糾紛。」 做好準備免子女爭產 「每個人都希望自己事業成功，賺多啲錢o架，到咗下一輩就會產生啲爭產嘅問題，如果你無幾多財產，咁咪無人爭囉，大家兄弟姊妹反而和諧啲。」 南 豐陳家發生嘅事，趙世曾形容係「不幸」，「人生就係咁o架喇，你想成功，又賺多個錢，後面就會有啲咁嘅問題發生……o依家唔係淨係遺產嘅問題，係太太要求 離婚喎，唔使睇張遺囑都分咗畀你先喇，有份分遺產嗰啲梗係反對，咁睇吓個官點睇喇。照計太太要求離婚，無理由唔畀佢離喎，只係唔知佢嘅財產，有無做到入基 金入面，如果喺基金入面，太太都郁唔到。」 o依家仲係「單身」嘅趙世曾話，純粹以法律角度睇呢單嘢，因為人哋嘅家事，佢都唔清楚，雖然佢以前同陳廷驊好熟。 離婚後遺多現擁5女友 離婚可以導致俾人分一半身家，呢個可能係趙世曾唔結婚嘅最大理由，「我都有啲朋友係接近啲嘅（指關係親密、穩定嘅女朋友），但結婚機會就細啲，受制於香港嘅法律，如果婚姻失敗，會產生好多後遺症」。 「一個男人可以唔結婚，但仔女就一定要有，有啲人因為唔結婚而無仔女，就唔好……唔結婚都可以好happy，一種種人嘅choice啫，有啲人鍾意結婚，有啲人唔鍾意，我就屬於比較自由嗰種人，但係仔女一定要有！」 趙 生呢套理論都幾多人buy，至少城中兩大鑽石王老五──李澤楷同李家傑都係咁諗，只不過後者搞到有啲論盡。據趙世曾講，男人真係要步入戀愛嘅墳墓，四十幾 五十歲先係「適當死亡年齡」，千祈唔好後生結婚，佢教自己個大仔都係咁；但係open嘅另一面就出乎意料咁封建，「個女就唔同嘞，女仔一定要結婚，仲要越 早嫁人越好！」 單身自由到爆，但係又有仔有女，趙世曾已經做到，佢仲經常拖住唔同嘅女伴穿梭社交場合，咁樣亦係佢嘅養生之道，「做多啲運動，人生開心啲，交多啲女朋友喇……」最後，佢默認約有5個穩定嘅女朋友，其他拖住畀大家影嗰啲，唔係喎！ 對股票專一九成長揸 趙世曾嘅「專一」似乎只適用於股票，而唔係喺女人身上。「基本上，我九成股票係長揸嘅。」但強調無話死古古，「起得快，就賣咁啲；跌得快，就買番啲；如果我揸嘅股票唔到價，就永遠唔會賣，係三個大原則喇！」 有無必殺技呢？「最弊係跌嗰陣，（如果）個個去搶，你又去搶；（如果）跌到嚇親，你又去『揼』，咁係無辦法翻本嘅……除非買到一隻好差嘅股票，否則好難5年10年都唔起嘅，好少好少……總之有得賺我會走，呢個世界無撈底呢樣嘢。」
呢 幾個月股市風高浪急，但係趙世曾話投資策略無乜變，唯一唔同嘅係投資組合，「以前係藍籌多，o依家係紅籌同H股多啲，佔一半以上，香港就買公用股收息，滙 豐（005）就長揸。」趙生最長情嘅，原來係大笨象而非美人，唯一同佢絕緣嘅應該係地產股，「地產股好，即係地產好；地產好，我做地產嘅都好，所以唔需要 揸地產股。」 講開地產，卓能嘅地皮好早買落、又唔係做地產代理，所以趙世曾可以準時5點收工去打波，「政府干預基本上係OK嘅，香港政府同大陸一樣，做緊宏觀調控之嘛，呢次藥就重啲，啲地產代理好唔happyo架，點搞？修正吓囉，加到7%至唔超過10%就夠啦。」 講到發水限制，「發水兩成都OKo架，啲樓起出嚟靚啲之嘛！政府一味出口術，出唔到就落重藥，又嚇你唔減就再重啲……有少少打錯好人，太犀利係會整『彎』個市道……要收手嘞！」 後記 下晝5點做完訪問，74歲嘅趙世曾，趕住由灣仔過海去何文田打籃球；30出頭嘅攝影師，趕住去睇跌打，醫膝頭哥舊患；視年齡如秘密嘅華華，一走出門口就幫發炎嘅左手手筋搽藥膏。養生之道，都係得個聽字。 李華華 |
||||||
|
||||||
|
花旗私募基金黑 石集團（Blackstone）有我哋嘅前財爺梁錦松坐鎮，做香港主席係人都知，但實際上阿松負責啲咩，原來大家好似唔係好知喎！尤其係黑石總壇嗰邊，將 會調佢哋駐紐約嘅高層Michael Chae嚟香港，負責亞洲私人股本業務，大家更關注阿松同Michael點樣「分工」！ 噚日阿松現身撐中國動物保健品（940）掛牌，當然畀大家追問呢個問題，阿松係咁講嘅：「Michael係我哋黑石集團合夥人之一，佢會負責亞洲個私募股權基金業務，咁我負責呢個區嘅業務，大家係唔同嘅……」 Michael專睇亞洲私募 咁有幾唔同呀？「因為黑石集團喺香港除咗私募基金，仲有其他業務，包括房地產、財務顧問、對冲基金、市場推廣，同埋第三方嘅基金籌款等等……我睇嘅業務範圍係所有業務！」明晒。即係成個亞洲佢睇晒，唔知係咪仲睇埋Michael呢？ 查實大家關心阿松先問唧，事關呢個Michael實在猛料，42歲嘅佢係哈佛高材生，1997年已經入咗黑石，有黑石「最卓越領導人之一」嘅美譽，威水史一大籮，阿松哥呢，除咗伏明霞、小母牛同偷步買凌志，sorry，真係recall唔到，佢究竟有咩輝煌戰績！ 李華華 |
||||||
|
||||||
|
萬德資源（8163）上星期委任咗葉選基、白葆華同王水龍三個人，做非執行董事（葉選基仲兼任埋主席）。公司話，三個都係有聲望嘅人，可以為公司帶嚟裨益。咁呢三個猛人到底係咩料咁勁呢？ Well，白葆華曾經做過中國冶金進出口公司，有44年冶金業經驗；王水龍就係北京中域中金黃金（香港）極高層。葉選基仲勁，佢係前廣東省長葉選平嘅親細佬，之前做過中信國際投資公司總經理（香港分公司），論資排輩，王軍都可能要嗌聲佢大佬。 華華前幾日有幸同葉老見面，佢話，資源嚟講，佢只認識兩大類：一係能源；二係農業資源。石油同氣有得做，黃金由於係戰亂走難必備救命極品，所以都掂。千五蚊美金一盎斯一定得，將來萬德都可以搞。 |
||||||
| ||||||
發現子宮再有個6CM腫瘤的肥媽瑪利亞，本週一（十一月十一日）晚由老公及家人送入養和醫院進行手術，將子宮、卵巢及部分淋巴一次過切除。 十五年前曾在腸位置發現癌細胞的肥媽，倍感生命無常，早前更立定遺囑，萬一出事，會將身家平均分給子孫。在澳門有不少朋友的她，更獲友人資助十萬幫補醫藥費。割瘤當生仔 週一晚上七點半，準備翌日（十二日）做手術的肥媽，由兄弟姊妹及助手攙扶抵達養和，而一直怪她堅持完成上月演唱會才面對現實睇報告的老公，則拖住行李喼尾隨。入到醫院，肥媽戴上口罩，再辦理入院手續及到付款處繳交費用，在大堂逗留二十分鐘，搭升降機直上病房。 年近六十做大手術，樂觀的肥媽做好準備，事前立定遺囑，將身家悉數分給老公及子女。 「我今次諗咗好多嘢，生命無常，個腫瘤愈來愈大，近排又生多一個細嘅，所以入院前，我諗過搞啲家庭生意，希望所有仔女都有錢搵，但佢哋叫我唔使掛心，話佢哋個個有瓦遮頭，夠食夠住，叫我放心。不過我都立定平安紙，如果有咩事，啲錢留晒俾老公同仔女。 「入院前我已經做好準備，將燉好嘅花膠同黨參一包包分好，等做完手術可以燉番熱嚟食，費事工人唔知點做。我都有安慰自己，當入醫院生BB，將個衰仔生咗落嚟，然後丟咗佢，之後休養就當坐月，等自己唔好亂諗嘢。無綫都預咗我會返去做多輯煮食節目，我好番就會即刻開工。」肥媽說。 兩醫生動刀 為確保接近七個鐘的手術順利完成，肥媽不惜再花多一筆錢，為主診醫生聘請多一個助手。「我問過醫生，佢話個手術要做成六至七個鐘，我覺得一個醫生做會好辛苦，所以主動提出搵多個醫生幫佢，嚿錢由我負責。坦白講，錢可以隨時搵得番，我希望手術可以盡快完成，醫生亦唔使咁大壓力。」肥媽說。是次入院，手術費連一星期住院費用，埋單大概五十萬左右。據了解，一個跟肥媽相識多年的澳門朋友，主動資助她十萬元做醫藥費，對於朋友慷慨援手，肥媽十分感動。「佢叫榮哥，係我澳門一個搞娛樂嘅朋友，知道今次手術費好貴，即刻就話俾十萬蚊我。其實除咗榮哥，好多朋友都送咗好多籮葵花子俾我，話有排毒功能。」交遊廣濶的肥媽事先聲明，叫朋友不要探病。「老公知我朋友多，如果咁多人嚟探病，佢會詐型話要排隊先見到我，其實佢係擔心我唔夠休息，所以大家唔好嚟睇我，等我好番，一定會出嚟見朋友。」肥媽說。 有備無患 不少人視立遺囑為禁忌，但唔怕一萬只怕萬一，為免死後為家人帶來不必要麻煩，現今世代，有病無病，預先安排好始終是上策。 張達明現年48歲的張達明，去年證實患上鼻咽癌三期，心痛老婆既要照顧他又要出外工作，有一子一女的他，先立定遺囑。 關之琳圈中富婆關之琳，生活開心無憂，但卻深信今曰不知明日事，一直負起擔家責任的她，二十歲已經立定遺囑，給家人一個保障，無後顧之憂。 | ||||||