【馮仁昭四圍超】溫碧霞 王家衛式拍ViuTV
1 :
GS(14)@2016-07-06 07:59:08處境劇《三一如三》就嚟開拍，ViuTV搵嚟多年冇喺香港拍劇嘅溫碧霞（Irene），帶領一班演藝界生力軍游學修、楊淇、陳安立同李靖筠演出，噚日喺葵涌舉行開鏡儀式。今次係Irene自2001年喺大台演出《封神榜》後再喺香港拍劇，新劇暫定40集，Irene話：「好耐冇拍劇，心情興奮，導演手法似拍電影，飛紙仔又每場改戲，好似王家衛電影，劇中我有男友比我年輕，現任男友個樣又同前度好似樣。」
王家衛資料圖片
■陳安立同楊淇亦有份參演。
■游學修（右）會飾演一個出櫃嘅餐廳老闆。
游學修出櫃
講到喺ViuTV待遇同無綫相比，Irene話：「唔可以用錢嚟衡量，我真係好鍾意演戲，可以同新人合作係緣份。」劇中佢同李靖筠有唔少對手戲：「佢係我前愛人個女，我前男友係歌手，我係經理人。佢同我一齊，大家關係好close，戲裏戲外似姊妹。」游學修做一個會出櫃嘅餐廳老闆，佢話：「做過好多次呢啲角色，啲人話我唔似基仔，我最激牀戲都拍過。」仲話今次齣劇會講社會議題，問佢怕唔怕拍啲敏感話題劇，搞到少咗拍電影嘅機會？佢話：「我做唔做ViuTV都冇乜電影拍。」噚日女友蘇麗珊網上晒纖腰靚相，游學修話：「我都唔知佢po出嚟，係我影嘅，仲出賣埋我半裸照。」撰文：馮仁昭
來源:
http://hk.apple.nextmedia.com/entertainment/art/20160705/19681312
溫碧霞凍齡拍Viu劇集
1 :
GS(14)@2016-07-09 06:36:05凍齡熟女溫碧霞（Irene）芳齡50歲，貌似30，保養得宜，穿上低胸迷你裙依然索爆。Irene十幾年後再拍港劇，今棄大台揀ViuTV，是因為劇本吸引：「其實有同無綫傾過吓，睇過劇本，但好似唔係咁啱囉！我之前喺無綫拍嘅，雖然只有幾部，但我真係好鍾意先會拍，唔再拍係想留啲好嘅memories畀觀眾！」溫碧霞何時退隱？她說：「總之我唔會係嗰種甘草演員，做多幾年唔會再做，之後我想去外國讀書，我由細到大讀書唔多，細個入行咁多年都冇停過，所以想去外國過啲好簡單嘅生活。」採訪：勞燕萍攝影：郭賢興
來源:
http://hk.apple.nextmedia.com/entertainment/art/20160707/19684194
溫碧霞生日收70萬名錶
1 :
GS(14)@2016-08-17 08:01:34溫碧霞50歲生日有一連串的慶祝活動，前晚她出席電影《點五步》首映，表示放假回港後便病倒。不過，之前到北京拍廣告時，有一個驚喜派對，生日期間收過一個粉絲送一隻價值70萬的名錶，她說：「唔想粉絲為我花咁多錢，實在太昂貴喇，寧願佢哋去幫一啲有需要嘅小朋友，例如起學校，我會更開心。平時老公都有送啲珠寶畀我，不過有啲戴幾次都唔戴，所以粉絲下次攞去做善事好過。」記者追問溫碧霞送上名錶的，是不是男粉絲？是否靚仔？她說：「係呀，佢屬於穩重嗰啲。」老公會不會因此呷醋？她笑說：「咁又唔會。」採訪：張俊銘攝影：葉君海
來源:
http://hk.apple.nextmedia.com/entertainment/art/20160817/19738957
溫碧霞平着Zara吊帶裙潮襯Choker young得起
1 :
GS(14)@2016-09-09 05:36:51跌膊look元祖溫碧霞雖然年屆50歲，不過無論身材、皮膚都keep得超好，而且依然愛性感打扮，美魔女之名絕非浪得虛名。經常愛穿Chloé、Valentino等大牌女神裝的溫碧霞，其實並不是只會穿名牌，日前她現身出席電影《幸運是我》慈善首映時，就揀穿了一條平價時裝品牌Zara的吊帶連身裙，索價只需$199，搭配近期必備的choker，再加一個毛毛企鵝手袋，青春少女味十足，就算拍埋後生女身邊都唔輸蝕，絕對是young得起。
來源:
http://hk.apple.nextmedia.com/entertainment/art/20160909/19765185
溫碧霞望再開戲
1 :
GS(14)@2016-09-10 13:54:48溫碧霞（Irene）、石修及陳家樂昨日去到油麻地救世軍總部出席RoadShow與救世軍舉辦的「好嘢大行動」。Irene正忙於拍攝ViuTV劇集，下月又會到荷蘭拍電影，她說：「希望自己嘅工作室再拍一部電影，雖然上次唔係大賣，但係口碑好，經過上次知道有乜做得唔夠好，有機會想再試。」同場的陳家樂及石修為了今次活動，從家中找來二手衫捐贈，陳家樂說：「早幾日搬屋搵咗幾袋唔着嘅衫出嚟，不過首輪係俾我爸揀先，佢成日話冇衫着。」石修笑言亦有穿兒子的衣服：「我勉強可以着到阿仔（陳宇琛）啲衫。」採訪、攝影：張俊銘
來源:
http://hk.apple.nextmedia.com/entertainment/art/20160910/19765919
愛心領養孤兒溫碧霞張慧儀當正親生仔
1 :
GS(14)@2016-09-18 10:51:50娛圈藝人結咗婚，最初都鍾意享受二人世界，然後先計劃孕育下一代，而當中亦有明星由於不育，或者出於愛心而選擇領養小朋友。雖然小朋友唔係自己親生，但佢哋都將收養嘅仔女，視如己出。好似陳美琪，01年同美籍華人忻尚永結婚後，喺08年收養咗一名被遺棄喺垃圾堆中嘅山西女嬰，取名 Lucia，一家三口生活美滿。至於其他藝人，亦對養仔養女照顧得無微不至，付出唔會比親生父母少。溫碧霞現年50歲嘅溫碧霞(Irene)，同何祖光結婚後，最初未有生BB打算，到有呢個決定時，Irene又擔心身體應付唔嚟，2010年喺機緣巧合下，Irene喺內地收養咗一個俾人遺棄喺火車站嘅孤兒，取名何國倫(Xaver)，更治好Xaver嘅皮膚病同咳嗽。自此Irene不時帶Xaver周遊列國，一家三口足跡遍佈泰國、峇里、日本、美國等地，錫到Xaver濃！張慧儀42歲的張慧儀，9年前喺北京做義工時，遇到一個患有嚴重先天性心臟病嘅孤兒，最後決定收養佢，養子取名張晃維（Hanson），多年嚟母子一直相依為命，醫生一早講咗Hanson嘅心臟病好難醫，能夠活到今日已是奇蹟。張慧儀對養子無限付出，個人幸福亦可放棄。去年9月有消息指她與同大陸富商陳偉軍拍拖，近日突傳分手。張慧儀大方承認謂:「都係嗰啲啦。如果對方喺佢嘅家庭、自己仔女，同我呢邊做唔到一個平衡，咁佢就唔係我要揀嘅人囉，所以如果係咁唔需要再嘥時間。」邱瓈寬林志玲經理人邱瓈寬(寬姐)，01年收養咗自殺身亡嘅陳寶蓮初生囝囝Don Don，一直將Don Don視如己出，去到邊帶到邊，不時都有同Don Don去拍戲片場同個唱後台等地方，今年15歲嘅Don Don，有指曾向寬姐講想入娛圈，雖然寬姐講明唔想佢入行，不過喺Don Don11歲嗰年，就安排佢客串演出電影《瑪德2號》，口硬心軟。韓紅大陸歌手韓紅喺2000年時，收養咗3歲孤兒潘子灝，仲為佢創作咗歌曲《天亮了》。韓紅之後大方對媒體透露領養孤兒嘅內情，事緣1999年10月，喺貴州麻嶺風景區，突然有纜車墜毀，36名乘客中有14位不幸遇難。而就喺悲劇發生一剎那，一個爸爸用雙手托起自己兩歲半嘅兒子。結果，兒子得救，但佢爸媽全部遇難。韓紅經過多方聯繫，領養咗呢個大難不死嘅男孩。
來源:
http://hk.apple.nextmedia.com/entertainment/art/20160918/19773879
溫碧霞難忘初戀情人
1 :
GS(14)@2016-10-20 08:05:39溫碧霞（Irene）昨日於葵興拍攝ViuTV實況劇《三一如三》，由新演員李靖筠（Gladys）飾演其女兒。Irene表示Gladys於戲中是其最愛男人的女兒，談到自己最深刻的感情，她說：「第一段感情令我最難忘，我17歲識佢，一齊經歷咗7年，佢向我求婚，但因為當時我年紀太細，因為工作而好唔捨得咁分開，而家已經冇聯絡，當時傷得佢好深。」
Irene表示，已不知最愛的初戀情人現在是否已成家立室，她說：「過去嘅事就過咗，唔會特登搵番對方，可能我哋當初結婚，最後都會分開。」採訪：張俊銘攝影：葉君海
來源:
http://hk.apple.nextmedia.com/entertainment/art/20161020/19806030
拍ViuTV劇玩姊弟戀周國賢咀溫碧霞 要接受輔導
1 :
GS(14)@2016-11-11 08:10:32■溫碧霞在拍攝時，深情地望着正在彈結他的周國賢。
溫碧霞（Irene）和周國賢日前在葵涌為ViuTV新劇《三一如三》開工，劇情講述曾是經理人的Irene，與玩音樂的周國賢互生情愫；當周國賢拿結他自彈自唱後，情不自禁錫了Irene一啖。雖然只屬蜻蜓點水，但周國賢卻怕醜頻頻NG，被副導笑：「你個樣好似好後悔。」Irene還爆周國賢擔心到前一晚失眠，Irene說：「我都有開解佢，見佢係有啲緊張，其實自己都有啲。」
■溫碧霞見周國賢表現緊張，主動開解。
■周國賢經過一輪熱身，終於肯真咀溫碧霞。
鍾意熟女
周國賢透露差不多8年沒有拍劇，問到是否螢幕初吻？他說：「咁又唔係，之前拍港台劇都錫過好多次。」他直言最初有想過用鏡頭就位，但最終仍決定「真咀」，他解釋：「為藝術，想效果好啲，最初都諗過用鏡頭就，但諗真啲，一係唔做，一係做好啲。」36歲的周國賢與50歲的Irene年齡相差14年，問到姊弟戀是否有難度？他說：「演繹呢樣唔難，讀書時已經比較鍾意成熟女仔，太太（李美英）都大過我，覺得注重精神上溝通多過物質上，所以好有共鳴。」周國賢讚Irene好肯幫後輩，他說：「第一日開工真係好生疏，又要記對白，又要就鏡頭，反而係Irene令我好放鬆，帶我入戲。」問到是否最有信心唱歌？他說：「應該係演喊戲，因為今次古仔係講band友之間嘅分裂時代，我都經歷過，體驗最深。」採訪、攝影：嵐山
來源:
http://hk.apple.nextmedia.com/entertainment/art/20161111/19829798
Next Page