小小超女友解凍做《東張》
1 :
GS(14)@2016-08-13 14:59:43■郭嘉文在前晚播出的《東張西望》訪問陳煒。電視圖片
23歲的去年港姐季軍郭嘉文上月被本報踢爆與小小超李澤楷暗撻成功,二人於今個情人節更蒙面在東京拍拖玩遙控車,而女方忽然富貴有名貴房車及司機接送。事後,郭嘉文被無綫高層召見,她藉辭未有空推搪,其主持的《東張西望》也播出她早前錄影的採訪片段,她更潛水未有回覆傳媒。
■郭嘉文今年2月被拍到與李澤楷在東京拍拖玩車。資料圖片
近日郭嘉文終於解凍,前日以主持身份去灣仔美食博覽訪問陳煒,但只得大側面鏡頭。記者前晚致電她問復工一事,她表示:「其實一路都有。」對於有傳她退出娛圈及拒絕工作一事,她表示:「唔係,一路都做《東張》,不過唔好意思,我唔可以接受你哋訪問。」當追問到她與小小超的戀事時,她即緊張兼驚青指不能接受訪問。再追問二人是否拍拖時,她未有回應便匆匆掛線。採訪:嵐山
來源:
http://hk.apple.nextmedia.com/entertainment/art/20160813/19734373
曾偷食謝罪李潤庭解凍重坐《東張》主播位
1 :
GS(14)@2017-06-18 11:18:12大台主持李潤庭去年底被踢爆背住空姐老婆Crystal,偷嗒同是空姐嘅人妻Tiffany,令佢事業直插谷底。當時除咗開記招公開鞠躬認錯,老婆仲堅決離婚,更被大台雪藏,連《東張西望》嘅主播位都冇埋,變成雙失中年漢。最近李潤庭終於解凍,4月正式復工做返《東張》,但仲未可以坐正主播台,要出去跑外景,做吓街頭訪問。相隔兩個多月,即被爆偷食後大半年,李潤庭終於重返《東張》主播位,星期五孖住宋熙年一齊做主持,李潤庭喺instagram上載一張錄影廠嘅自拍照﹕「多謝所有陪我走過這段路的您們。」仲hashtag「感恩」。
來源:
http://hk.apple.nextmedia.com/entertainment/art/20170618/20059874
人妻蜜月大解放《東張》梁麗翹西班牙晒「I」型胸
1 :
GS(14)@2017-06-25 11:26:5832歲嘅《東張西望》主持梁麗翹(Nicole)喺今年2月閃婚,與拍拖僅兩個月、做金融投資生意嘅圈外男友Nic喺美國拉埋天窗。婚後Nicole同老公已經去咗夏威夷蜜月,近日佢哋又再出發去西班牙、巴黎同倫敦等地旅行,喺facebook貼咗好多靚靚旅行相,但老公繼續保持低調,冇出鏡。面對美麗景色,Nicole都唔吝嗇身材,穿上吊帶連身裙,大騷4吋事業線;又穿西瓜圖案泳衣top曬太陽,非常癢眼!
Nicole又放咗一條搞笑片,見佢素顏食杯麵,點知冇筷子,情急智生下,Nicole竟然用兩隻牙刷倒轉用嚟食麵。Nicole昨日接受傳媒訪問,佢以短訊回覆話﹕「西班牙啲嘢都好好食,但日日西餐,都有啲掛住亞洲味道,行超市見到辛辣麵即刻買,但又等唔切酒店員工send攞叉,因為啲麵開始稔。」Nicole直言今次係蜜月假期,問到會否趁機造人?佢話﹕「會生,但冇壓力,順其自然啦。(點解老公唔出鏡?)佢做攝影組組長,哈哈。」
來源:
http://hk.apple.nextmedia.com/entertainment/art/20170625/20068219
Next Page