📖 ZKIZ Archives

舊愛李逸朗短訊問候

1 : GS(14)@2015-02-10 01:07:24





■李逸朗表示會關心蔣雅文的近況。


蔣雅文舊緋聞男友李逸朗（Don）最近唱哭腔版《儍女》人氣急升，昨日他在北角出席一個剪綵活動，重遇十一年沒見過面的舊公司歌手趙頌茹（阿Yu），阿Yu表示知道李逸朗翻唱《儍女》，在場的李逸朗即自嘲說：「我都知《儍女》遲早做到世界級。」


■蔣雅文多年前與李逸朗傳過緋聞。資料圖片


舊緋聞女友蔣雅文嫁人了，但新郎卻不是他，網上曾傳出李逸朗因刺激過度才會哭唱《儍女》，昨日他對此說法沒正面回應，僅說：「其實我有留言畀佢，但我啱啱知佢身體唔舒服，好似話康復緊。我會傳短訊畀佢，關心吓佢，睇吓佢身體狀況點。」問Mandy結婚有否通知他呢？李逸朗笑笑口反問：「佢結婚點解要話我知呀？佢揀得呢個老公，呢個老公一定係好識得關心佢。」採訪、攝影：王連連





來源: http://hk.apple.nextmedia.com/entertainment/art/20150209/19034423
PermaLink: https://articles.zkiz.com/?id=287741

【馮仁昭四圍超】李逸朗真刀拍戲驚險

1 : GS(14)@2016-07-06 07:59:09

李逸朗（Don）最近為網絡電影《迷離夜話》拍一場打鬥場面，因劇組事前冇預備道具刀，所以要用真刀拍攝，Don話：「從未試過用真刀拍，雖然只係一把輕巧叠得埋嘅軍刀，但都好鋒利。現場有武指示範同指導，不過同一個動作要反覆做好多次，揮刀時刀尖要喺特約演員面前畫過。我哋糾纏嘅過程其實好驚險，好驚傷到人，自己又受傷。」撰文：馮仁昭





來源: http://hk.apple.nextmedia.com/entertainment/art/20160705/19681324
PermaLink: https://articles.zkiz.com/?id=302597

【馮仁昭四圍超】李逸朗拖邵音音一年

1 : GS(14)@2016-09-27 08:02:26

李逸朗（Don）噚日到新城宣傳新歌《拾年》，佢話最近忙為下月2號開鏡嘅電影搵景同改劇本。當中嘅三個單元，佢自己執導一個，另一個搵楊思琦合演，阿Don話：「今次邀請到音音姐（邵音音）演出，原本舊年我有個文藝劇本想搵佢演，最後拍唔到，今年呢部驚慄片，佢話收封利是就得，我話唔可以，因為佢等咗我一年。」撰文：馮仁昭




來源: http://hk.apple.nextmedia.com/entertainment/art/20160927/19782653
PermaLink: https://articles.zkiz.com/?id=310302

李逸朗拍鬼片失常

1 : GS(14)@2016-10-12 07:52:35

李逸朗（Don）、楊思琦等主演的電影《夜迷藏》昨日於紅磡開鏡，戲中分三個故事，Don分別主演及執導一個故事：「恐怖片、鬼片係香港文化，我執導嘅故事比較血腥，用咗幾千蚊血漿嚟拍，拍嘅時候冇遇到靈異事件，但係有啲精神失常，開工去錯地方。」楊思琦首次扮鬼，笑言有次沒落妝回家，在大堂叫人不用驚。採訪：張俊銘攝影：仇志德




來源: http://hk.apple.nextmedia.com/entertainment/art/20161012/19797732
PermaLink: https://articles.zkiz.com/?id=311707

傲兒李逸朗啜爆定情

1 : GS(14)@2016-12-03 04:42:48

■何傲兒和李逸朗日前為電影拍攝激咀戲，又攬又錫，表現肉緊。



何傲兒和李逸朗（Don）近日在佛山合作拍電影《後青春之歌》，他們在戲中大團圓結局，有情人終成眷屬，何傲兒與Don一吻定情。傲兒在戲中扮演貪靚女生，她昨日在電話中說：「我個角色好貪靚，會儲錢去整容。」問到何傲兒覺得自己有需要整容嗎？她笑說：「暫時冇咁嘅需要，冇諗過呢樣嘢。」導演臨時在大結局加了何傲兒與Don啜爆戲，她說：「拍時都有尷尬㗎，但好彩一take導演就收貨，其實拍時唔係好激，但啲劇照出嚟，效果好似好激咁。」Don則說：「我同傲兒第一次拍親熱鏡頭，重點唔係親熱位，係嗰日時間有啲趕。傲兒好專業，佢喺開工現場，雖然攰都表現好精神出嚟，我好欣賞佢。」採訪：陳杰




來源: http://hk.apple.nextmedia.com/entertainment/art/20161203/19853342
PermaLink: https://articles.zkiz.com/?id=317957

【馮仁昭四圍超】李逸朗賀網絡電影回本

1 : GS(14)@2016-12-10 03:45:36

李逸朗（Don）首次執導網絡電影《神探茄喱啡》，上月底喺內地網推出，首周錄得400萬點擊率，噚日Don同一班演員張雷、鄭敬基、陳詩欣同黃建東等喺銅鑼灣舉行祝捷會。Don心情既開心又激動話：「好多前輩同行家都同我講一定做唔到，一定會俾人呃晒啲錢，仲有人笑我拍完之後可以揀定樓，唔係買而係跳。」投資七位數嘅佢，暫以點擊率計收入已有千萬，已經回本。撰文：馮仁昭




來源: http://hk.apple.nextmedia.com/entertainment/art/20161209/19859455
PermaLink: https://articles.zkiz.com/?id=318939

李逸朗靠老友積蓄投資

1 : GS(14)@2016-12-31 01:06:40

李逸朗（Don）早前在灣仔受訪，宣傳首部自導自演的網絡電影《神探咖喱啡》，他表示開戲過程艱辛：「搵人投資，人哋覺得我呃錢，最後要班老友將積蓄拎出嚟投資。最記得去北京傾播映批文時，日日都到朝陽醫院吊葡萄糖水。」
Don自言全靠早段日子到北京工作磨練下，尋回入行初衷的熱血：「我做咗好多第一次，《儍女》大家唔覺得粵語歌係咁做，呢兩年唔開心，有支持咗我十幾年嘅贊助商話再放產品掛喺我身上太騎呢，係堅持同相信，唔係做一件錯事，係實踐夢想。」採訪：馬建華攝影：仇志德




來源: http://hk.apple.nextmedia.com/entertainment/art/20161230/19880730
PermaLink: https://articles.zkiz.com/?id=320686
Next Page
ZKIZ Archives @ 2019