李蕙敏46歲恨生仔
1 :
GS(14)@2016-10-24 06:12:22宣萱、李蕙敏（Amanda）、黃長興夫婦和囡囡、黃婉君夫婦（Rosanne）和兩名兒子昨日在大埔出席「童夢護脊舞動慈善行2016」活動，黃長興兩歲囡囡Paige有點怕醜，全程要爹哋抱住，而Rosanne一對兒子穿上同款T恤，相當可愛。現年46歲的Amanda跟外籍老公結婚3年，坦言正努力造人：「好耐之前諗住生女，不過老公話女好多嘢要擔心，所以改變咗想生仔，而家改食多啲肉同澱粉質，希望增加生仔機率。」此外，宣萱最近狀態回勇，她直言靠朋友介紹新科技去水腫和美白，而稍後到內地拍劇，趁離港前做身體、婦科檢查及洗牙。採訪：馬建華攝影：沈健程
來源:
http://hk.apple.nextmedia.com/entertainment/art/20161024/19810077
李蕙敏技癢諗開騷
1 :
GS(14)@2016-11-08 05:54:1380年代著名Disco荷東為慶祝「荷東音樂」30周年，前晚在亞洲國際博覽館舉行「荷東紀念演唱會」，演出歌手包括80年紅爆的意大利男歌手Gazebo及英國組合Johnny Hates Jazz等，吸引薛芷倫、向雪懷、林志美、唐韋琪、黃德斌、泰迪羅賓、李蕙敏、魏秋樺及關楚耀等捧場。李蕙敏昨日透過WhatsApp說：「好睇，令我想起小時候剛剛開始聽英文歌的時光。當然係鍾意Gazebo的《I like Chopin》，這首歌前奏一響起，全場立即氣氛高漲，而且好開心碰到很多好耐冇見的資深音樂人，技癢都有啲，希望再開個唱啦！」採訪：皓騫
來源:
http://hk.apple.nextmedia.com/entertainment/art/20161107/19824931
復出樂壇 恨生B延遲出歌46歲李蕙敏試管嬰兒失敗
1 :
GS(14)@2017-06-16 01:47:45■46歲的李蕙敏近兩年來試過各樣生仔秘方，連試管嬰兒亦試過，可惜仍不成功。
從小被養父母湊大的李蕙敏（Amanda），4年前嫁給英籍老公Serge Micallef，做了人妻的她很想育有自己的兒女，現年46歲的Amanda已屆高齡產婦界線，兩夫婦試過接受IVF（試管嬰兒）醫學幫助，今年復出的她甚至為造人計劃延遲新歌推出，可惜越努力卻越失望，Amanda豁達面對懷孕失敗的打擊，重拾心情為新歌拍MV。
出道29年的李蕙敏憑絕世慘情歌《活得比你好》、《你沒有好結果》唱紅，曾被封為慘情歌后的她，現實中的身世亦很坎坷，20歲才知父母跟她沒血緣關係，被收養的Amanda曾跟養母關係不好，4年前Amanda嫁給英籍老公Serge Micallef，一直渴望家庭溫暖的她，很想育有自己的親生兒女，可惜婚後經過兩年努力，甚至尋求醫學幫助都未能如願。日前Amanda接受本報電話訪問慨嘆：「我哋都有睇醫生，試過一、兩次IVF，但唔成功！」
■回歸樂壇的李蕙敏狀態大勇，近日穿比堅尼拍新歌MV。
■李蕙敏邀健身教練Luke做MV男主角，她當然有向老公備案。
■李蕙敏以低沉嗓唱《活得比你好》爆紅，被封慘情歌后。資料圖片
■李蕙敏與英籍老公Serge結婚四年，二人都希望有自己的兒女。資料圖片
刻意增肥
Amanda今年再戰樂壇，坦言之前為了造人計劃，刻意增肥10磅，甚至延遲新歌《再度》的宣傳：「因為都過咗一段時間，連呢首歌都係為咗呢件事延遲plug，?家已經年中，冇辦法再等。」問到造人失敗是否很失望？她坦言：「當然希望有梗係好啲，但自己今年幾隨心，因為越緊張越難有。」由於Amanda已經46歲，明白自然受孕的機會較低，所以近兩年來，夫婦四出尋求生仔秘方，更向醫學方法求助：「我哋結婚4年，都係呢兩年開始造人，因為大家都忙，佢又要出trip，我哋都係上兩個月加緊（造人），自己仲將工作延後，我哋都有睇醫生，試過一、兩次IVF，但唔成功，我哋都好平常心，盡力而為，冇得心急冇得介意。」問到出碟是否要暫停造人計劃？她表示：「都唔係嘅，順其自然。」收拾心情的Amanda開始專注工作，為新歌《再度》破戒着火紅比堅尼拍MV，46歲的她風情萬種身形甚弗，她笑說：「出海着比堅尼好合理，但其實都有壓力，自己第一次着比堅尼拍嘢，喺一個禮拜內都有捱過吓餓，主要食雞肉同菜，唔食肉我會死，盡量6點後唔食嘢。」老公知道着比堅尼拍MV？Amanda表示：「佢知道我試衫，冇話批准，佢好文明仲興奮過我。」
猛男陪曬
Amanda更邀專拍同志電影的導演雲翔跟她聯合填詞，還請外籍猛男健身教練Luke做男主角，兩人坐遊艇出海依偎曬太陽嘆香檳，Amanda說：「呢首歌講情人知己，感覺有少少曖昧。」問到為何找雲翔一齊填詞？她說：「佢係導演，之前搵我客串過電影，佢知我出新歌有興趣寫，佢未試過填詞㗎。」採訪：皓騫
來源:
http://hk.apple.nextmedia.com/entertainment/art/20170614/20054742
【歌手之苦】李蕙敏聲帶生繭開刀
1 :
GS(14)@2017-06-23 01:44:34聲音是歌手的生命，不少歌手都受過失聲之苦，甚至被迫轉行。
容祖兒
02年容祖兒因喉嚨問題影響事業，曾憂不能再唱歌，四出尋名醫根治，甚至飛到南京做針灸。14年再出現聲沙，醫生指聲帶爆血管勒令休息3個月。
林欣彤
於《超級巨聲2》奪冠的林欣彤，12年因失聲患抑鬱，加上厭食及焦慮症嚴重，激瘦至84磅，其後獲容祖兒介紹南京醫師，情況才好轉。
李蕙敏
李蕙敏在97年開始經常失聲，其後承認聲帶生繭，動手術後令聲線比以前更低沉和沙啞，今年宣佈再戰樂壇。
大AL
資深歌手張武孝（大AL）於80年代因喉嚨生繭不能唱歌，轉行任的士高公關經理，某日因掛單問題被3大漢追斬，肺、背中刀及左手斷了幾隻手指，幸好能駁回。
來源:
http://hk.apple.nextmedia.com/entertainment/art/20170619/20060474
李蕙敏狂試造人方法
1 :
GS(14)@2017-06-23 02:58:32李蕙敏（Amanda）昨日現身新城宣傳新歌《再度》，講到新歌的MV內，Amanda大晒比堅尼泳裝，相當性感。問到老公會否介意她性感演出？她說：「老公知，佢仲睇得好開心，佢都係麻甩仔嚟，平時鍾意踢波打機，又鍾意睇《星球大戰》，骨子裏都係一個傳統麻甩仔，因為咁所以睇到開心。」
Amanda透露老公晚上會搞party，她說：「佢都唱得幾好㗎，而且好欣賞佢玩就玩得好投入。」談到兩公婆的造人大計，Amanda說：「順其自然啦，?家保持住一個好relax嘅狀況。」她坦言兩人已試過多種造人方法，但仍未有好消息，惟有隨緣。採訪、攝影：曹家誠
來源:
http://hk.apple.nextmedia.com/entertainment/art/20170622/20064053
李蕙敏人工受孕會變腫
1 :
GS(14)@2017-07-01 09:53:45李蕙敏昨日在商台宣傳新歌，她跟丈夫結婚多年無所出，坦承試過兩次（IVF）人工受孕不成功，半年過程甚辛苦，要休息後再決定，她說：「因為會改變個人嘅荷爾蒙，人會變得腫，而且太瘦個肚冇肉，拮針落去好困難，人會更辛苦，人情緒冇咁好。」這段時間李蕙敏得丈夫支持，凡事順其自然，更一直有領養打算，她說：「就算生到都想領養，因為老公想有兩個，佢本身有個妹，家庭成長好理想，一家生活好幸福。」兩人不用特別選國籍，有外籍朋友領養香港小孩，之後一齊去英國生活。採訪、攝影：王連連
來源:
http://hk.apple.nextmedia.com/entertainment/art/20170629/20071831
由事業高峰急墮李蕙敏：我真係好蠢
1 :
GS(14)@2017-07-09 12:16:1189年夥拍區帶娣組女子組合Echo出道，活得比你好的李蕙敏(Amanda)，故事這時才開始。單飛後的Amanda，推出兩張個人專輯大賣四白金，加上黃偉文的加持，曾被喻為樂壇天后，但之後一直波折重重，轉投唱片公司又失利，03年聲帶出現問題，加上接踵而來的噩運，令Amanda一度情緒低落，更想過尋死。
Amanda日前接受商台節目《1圈圈星光背後》主持梁泰來訪問，感情工作無所不談。先由98年轉投寶麗金講起。有傳當年轉會費過千萬，Amanda：「算係多，但相比其他公司都係少。當時我唔係只考慮錢，對方好有誠意，因為佢哋係最早搵我傾，之後就算再有其他人找我，我都冇再接洽，後來我發現有啲人因而嬲咗我，可見我當時真係好蠢。」轉會做咗一姐，但Amanda嘅唱片銷量，卻一直未如從前。曾有傳Amanda同環球音樂高層陳少寶不和，一度阻礙佢出新碟，Amanda：「唔算係不和。但都咁大個人，我已經冇嬲喇。」與環球解約後，李惠敏03年一度以為簽約梅艷芳的Mui Music是個新開始，但新歌未錄阿梅已離世。同年，Amanda聲帶出現問題，加上兄長及父親離世，感情又觸礁，種種事情困擾了她數年。「即使最後我做了聲帶手術，但仍然覺得所有事都好唔順利，因為有好多問題都唔係我一個人可以解決得到，令我非常唔開心，於是我開始唔想見人。」談及感情生活，Amanda：「我對於同香港人拍拖，唔係話不好，只係我做呢一行會有包袱，太多忌諱、誤會，要找一個唔care別人的說話的人是很難。」4年前與外籍丈夫結婚，亦係佢第一次正式同外國人拍拖：「我本來以為嫁唔出，但後來我又覺得都可以試吓。」她稱稍後計劃與丈夫返英國生活，以方便照顧對方父母，生BB呢，Amanda表示想就想嘅：「我覺得上天會自有安排，或者可能要危險啲先得呢。」
來源:
http://hk.apple.nextmedia.com/entertainment/art/20170709/20083697
李蕙敏為Wyman再搏殺
1 :
GS(14)@2017-08-04 06:36:24李蕙敏（Amanda）日前接受電視台專訪，為新歌《再度》宣傳，她表示此歌是向70年代致敬，有別於以往慘情歌的風格。Amanda在節目中提到03年因事業停滯、爸爸逝世、感情結束，情緒低落而收埋自己，直至黃偉文（Wyman）邀請她出席作品展，令她對工作團火再度燃起：「當時有一刻唔想做個騷，但覺得呢兩首歌對自己同對Wyman都好重要，而且又咁好朋友，所以要支持。」提到婚姻，Amanda表示與外籍丈夫想生小朋友：「試過人工受孕，但冇壓力，人工受孕過程好辛苦，覺得唔舒服，所以?家隨緣，可能以前受屋企影響，講過如果冇一個穩定嘅伴侶，我係唔會要小朋友，所以咪搞到咁遲囉，唔係一早生咗。」撰文：唐如
來源:
http://hk.apple.nextmedia.com/entertainment/art/20170804/20110678
Next Page