|
||||||
|
強積金制度實行十年，逾二百二十萬打工仔已供款三千四百億。不過，這個原意幫打工仔儲退休金的計劃千瘡百孔，不但行政費過高蠶食市民回報，寬鬆的監管更造就無良僱主剝削工人。十年過去，基層市民埋單一計，退休金凍過水。 下午一時，英姐疲憊地步出屋苑的豪華會所：「好辛苦呀！好多嘢做！」每天工作十四小時、在馬灣大型屋苑當外判清潔雜工的英姐向記者呻。共有三子一女的英 姐，家住青衣，現年五十六歲，是典型的低薪基層打工仔。兩個大的兒子，在內地成家立室，自顧不暇，幼女仍在職訓局就讀，做裝修的丈夫，又因工傷不能工作。 一家四口，只靠月薪八千的英姐，以及當麵包學徒的三兒子，支撐生活。 記者趁午飯時間訪問她，花了五分鐘扒完大個飯盒的英姐，急不及待取出自己上一份工在滙豐的強積金年度結餘表給記者看，發現日做十四小時的她，辛苦一年，強 積金回報竟然只有一仙！還有數年便退休的英姐瞠目結舌：「得一個仙咋？我唔識睇啲咩年結表，點解會咁嘅？」英姐驚訝的反問。 根據結餘表顯示，英姐戶口內共有四千三百多元的供款，去年外圍股市的交投雖然暢旺，股票基金有一成二回報，但由於英姐所選的是保守基金，加上英姐本身薪酬不高，全年的投資回報只有三元四毫八的極低水平，再扣除三元四毫七的行政費，把僅有的回報蠶食只剩一仙。 四百億供款零回報 事實上，英姐的「一仙回報」，並非極端的個別例子。根據積金局數字，本港強積金有高達四百零二億的供款，與英姐一樣屬保守基金，約佔總數一成二。過去一年，有關供款在扣除行政費後，回報都是零；即使十年來的回報，亦僅百分之一點二，若把通脹計算在內，其實是負增長。 清潔服務業職工會組織總幹事李劍曼指，不少基層工人都是「零回報」的受害者：「基層工友知識水平唔高，唔知唔同計劃的分別，一般揀風險最低，或睇落收費最 低嗰隻，無諗過會俾行政費食晒啲回報！」理大應用社會科學系教授鍾劍華更狠批港府監管不力，「政府當初宣傳話私人管理可以高回報、低收費，不過而家好多保 守基金都收費高過回報，當局都無符！」 年屆五十六的英姐，對退休顯得憂心忡忡：「強積金得咁少錢，唔可以旨意佢！之前人工低啲，個女讀書一年要成三萬，生活就掹掹緊無積蓄。舊年開始返呢份工， 一日做十四個鐘，工時長，但係有八千蚊，唯有慳住使，每個月儲一千，希望到六十五歲嗰時有十幾萬！如果唔係退休都唔知點算！」 無良僱主賤招慳公積金 除了行政費高蠶食回報外，強積金制度的種種漏洞，更容許僱主十年來公然剝削工人。根據強積金條例，若僱主自願為員工設立公積金計劃，可獲豁免遵守強積金規 定。由於限制少，計劃更靈活，不少大機構都選擇公積金，為員工提供更優厚的保障。不過有公司就看中公積金條款限制少的漏洞，向無議價能力的基層員工設下陰 濕條款，令他們實際拿到的供款大打折扣。 「佢叫我哋揀公積金，話淨係公司供，我哋唔使供，我哋聽見咪揀公積金囉。」在輕鐵做外判清潔的阿霞月入近六千，十年前入職時和其他員工一樣選擇公積金計劃，當時還以為公司替他們供款「好着數」，對魔鬼細節毫不知情。 「兩年前要續約，明明佢哋續到輕鐵嘅標，但就無啦啦將我哋調晒去落馬洲、上水站做，我哋做輕鐵嘅個個都係住元朗屯門，有同事嫌遠想辭職，攞番公積金先發現 有問題！」原來在供款條款中有一項列明，五年內離職將不能取回供款，做滿五年可取回一成、滿六年兩成，做滿十年才可全數取回。 類似的條款在清潔行內原來十分普遍，不過就以阿霞工作的「永順清潔」要求最辣，有工人做滿六年後離職，就只能取回兩成、僅二千六百元的供款，血本無歸。 「佢唔會炒人賠錢，但係無啦啦調我哋去咁遠，就係想我哋自己辭職，咁佢就可以慳番嚿供款！我哋做清潔嘅，兩年一約，好少真係做到十年咁耐！」阿霞在工會協助下，兩年前成功爭取原區續約，終於捱到十年的關口，不過可取回的錢仍是少得可憐。 計底薪供款諗縮數 「公司想盡辦法諗縮數，明明我哋就係時薪月計，不過佢就整個『底薪』出嚟，話我哋係底薪三千，之後嗰啲係津貼，然後佢就可以用底薪個數嚟供公積金，六千變 三千，搞到而家我供咗十年都係得兩萬幾！」津貼、車費，巧立名目的招數層出不窮，無良僱主只但求「供少一蚊得一蚊」。 「我等兩個仔大晒先出嚟做嘢，之前淨係靠老公做保安一份糧，本身都無乜積蓄。我今年五十六，出嚟做咗十年嘢，都係得嗰兩三萬，就算做多十年，都係可能多幾萬，點都唔夠退休，到時唯有問政府攞錢囉！政府俾佢哋有權咁樣揀啲計劃，都無計啦！」阿霞慨嘆。 強積金計劃千瘡百孔，強積金可與遣散費對沖，是另一荒謬之處，「老闆炒人可以喺工人強積金度攞錢賠，分明係搵笨！」學者鍾劍華指對沖做法，是當年政府換取 金融界功能組別支持的政治妥協，違背強積金原意，「當務之急係要加積金局嘅權力，監管唔合理嘅收費，處分唔供款、呃員工嘅僱主，打工仔先有保障！」鍾說。 坐收66億行政費 強積金成立十年，累積的強積金總值已達三千四百億，但行政費仍然偏高。股評人胡孟青指強積金市場形成寡頭壟斷局面，雖然認可的基金信託機構有十九間，但管 理基金總值最高的五家已佔整體市場近七成，只要幾家龍頭大行不減價，其他信託人亦無減價的誘因。十年過去，一眾信託人已坐收逾六十六億打工仔血汗錢。 部分基金回報比較 標榜保本的保守和貨幣基金，扣除費用後均跑輸通脹，實為負增長，打工仔還是選擇較進取基金為妙。 |
||||||