金手指：搞應肚即飛後果
1 :
GS(14)@2012-08-15 18:45:41http://hk.apple.nextmedia.com/financeestate/art/20120814/16602421
見呢排係業績期，會有好多管理層見分析員嘅業績發佈會，我想同大家分享一個故事。好多年前，孫柏文仲係喺股票行做證券分析員，有次去咗個業績發佈會。
當日，嗰間公司喺晏晝食飯時間公佈嘅業績遜預期，咁我就預咗喺收市後嘅發佈會上，同啲行家齊齊打鑊甘個管理層。原因當然係我哋都建議咗「強力買入」，家份業績麻麻，股價晏晝已跌超過五個百份點，如無意外，我哋唔係俾老細照肺，就係俾啲 Sale屎同客抦。
分析員扮問假到暈
到業績發佈會，管理層開波講話，係咁為份業績耍太極，話有啲「一次性」因素，先搞到咁樣。管理層睇落成個太極高手，無知嘅人聽落，真係會落疊。不過我諗，到我哋分析員發問時，你仲唔露底死梗？
到發問時間，負責指揮問問題嘅交通燈公關姐姐，就揀咗個歐資大行分析員問先。佢一揀，我已覺得怪，因為平時一定揀嗰間隻手遮天嘅美資行。但個行家一開口我就知點解。佢用咗個好似好嬲又好似好失望、但又好假嘅語氣，問咗一條完全接受管理層假設嘅問題。
如果你接受管理層嘅假設，唔使問，管理層自然答得完全有理。正正好似個後生仔，一拳打落個阿叔嘅肚，拳頭啱啱感應到個肚，後生仔已即向後飛，簡稱為「應肚即飛」。
不過對於啲有常識嘅人，就會覺得問嗰個、答嗰個同揀邊個問先嗰個，全部都係想呃人。而喺財經金融業中，差不多最令人反感的，就係俾人感覺你想呃人，僅次於人哋覺得你當佢係白痴。
我心諗除非你只係接嗰條問題，之後問嘅人，冇個會留手。結果真係，個個打到佢瞓低，之後嗰日，除問第一條問題嘅嗰間行外，我哋全部都唔畀面咁降級或調低目標價。
故事教訓大家，有冇料喺呢行最終都會浮面。用啲畀人覺得你侮辱人智慧或擺到明假嘅手法，最終只會害到自己。
孫柏文
獨立股評人
懶理提升應變級別 照搞應援活動金秀賢影迷會 招粉絲冒險飛韓
1 :
GS(14)@2015-06-10 08:42:41韓國中東呼吸綜合症（新沙士）的疫情日漸嚴重，由於命仔緊要，很多粉絲都選擇暫時放棄飛往當地追星。昨日本港衞生署更將應變級別提升至「嚴重」，並發出相當於保安局「紅色」外遊警示的「旅遊建議」，呼籲港人如非必要應避免去韓國。不過本報就接獲讀者白小姐爆料，指金秀賢香港影迷會昨日竟發通告，招募粉絲自費飛往首爾，出席後日為金秀賢新劇《製作人們》的應援活動，質疑做法冒險和不負責任。韓國近期爆發新沙士，確診和隔離的人數不斷飆升，為了健康着想，近期當地很多粉絲見面會和應援活動都取消或無限期押後，就算有音樂節目要逼不得已進行直播，也規定入場粉絲要戴口罩和量體溫。不過韓國男神金秀賢卻惹來是非，被指在高危時期居然要求香港粉絲飛往當地，為他主演的《製作人們》造勢。
■金秀賢香港影迷會昨日發通告，招募粉絲後天飛往首爾為男神打氣。
■有粉絲覺得見金秀賢大過天，令10個名額極速爆滿。
名額迅速爆滿
昨日本報接獲讀者白小姐報料，她透露在本港對韓國的應變級別提升至相當於保安局「紅色」外遊警示的「旅遊建議」後不久，即大約下午2時26分，她在社交平台Line的群組內看到金秀賢香港影迷會發出的通告，招募10名粉絲飛往首爾出席後日的食物餐車應援活動，通告寫道：「本會獲Keyeast公司（金秀賢所屬事務所）通知於今個星期四，為金秀賢及《製作人們》劇組作食物應援。」並強調名額只得10個，先到先得，又表示「未必一定能見到秀賢」、「酒店機票自費」。雖然通告叫有興趣的粉絲要考慮新沙士的風險，並做好防疫措施，不過讀者白小姐就質疑韓方和香港影迷會的做法不負責任，要粉絲冒險。通告一出即引來群組內的粉絲議論紛紛，有人理智地拒絕報名，亦有人覺得見Oppa大過天，令10個名額迅速爆滿。
■由金秀賢主演的《製作人們》，大前日播出第8集。
■去年金秀賢拍攝《來自星星的你》期間，粉絲也有準備餐車為劇組打氣。
■有東方神起的粉絲提出要準備「防疫六寶」去首爾睇騷。
防疫六寶睇騷
此外，東方神起亦將於本周末於首爾開騷，由於今次可能是成員U-Know當兵前最後一唱，所以有中國粉絲就在網上提出要準備「防疫六寶」去首爾睇騷，包括要一定戴口罩，最好是專業防疫用等級，酒精搓手液、消毒濕紙巾也不能忘記，板藍根、維他命C等保健食品「每天吃估計也比不吃強」，最後甚至擔心演唱會人多、容易傳染而推薦大家買「醫用防護衣」，有人甚至提出團購防護衣。有粉絲就搞笑地說：「看個演唱會像要去前線打仗」、「台上的人看見台下這樣還唱得下去嗎？」撰文：江瑚
來源:
http://hk.apple.nextmedia.com/entertainment/art/20150609/19177052