金融人語：下任證監主席大熱 撐振英
1 :
GS(14)@2012-02-28 00:45:20http://hk.apple.nextmedia.com/te ... 307&art_id=16105874
其中一例，便是剛於去年退下畢馬威亞太及中國區主席的唐家成，一向公職多多的 Carlson， 2006年至 2008年出任上市委員會主席，目前是證監會非執行董事，及行政總裁遴選委員會的成員，更被盛傳是下屆證監會主席的「大熱」人選。
照計上位行情看漲，在這個提名形同埋堆的小圈子選舉中，更加要小心翼翼，不做出頭鳥，不會影響仕途，但埋錯堆卻幾可肯定會行人止步。再者，唐營的支持者幾乎囊括了工商巨賈，當中肯定不少是昔日的大客。
我哋覺得 Carlson的取態 Really Means Something，絕非單純自身利益的計算。我哋收到風，話 Carlson老早便向友人表示，香港確實存在不少深層次矛盾，真的 Due For Change，係到了變革的時候。我哋覺得，提名對佢嚟講，係 Conviction Buy（確信買入），係 Put Your Money Where Your Mouth Is，沒有取巧，值得 Salute。
唐感情缺失 婦女精英說不
我哋仲八到，雖然 CY同唐唐同樣身陷誠信危機，但唐唐因為衰多瓣感情缺失，而且仲兩度要老婆出嚟頂，得失咗唔少婦女精英，所以會計界仍未有提名的 24個選委，不止一名女選委私下表示，日後投票企硬不會投俾唐唐。
其實唔止婦女票流失咗，向來高舉家庭價值嘅宗教界別及教育界別，都有唔少選委擔心投俾唐唐會俾人詬病，所以唐唐要箍佢哋啲票，都幾有難度。
中門大開：振英蛇齋餅糉路線
1 :
GS(14)@2012-08-23 13:23:35http://hk.apple.nextmedia.com/financeestate/art/20120823/16627459
梁振英可以話係真正抽水王，總之有 mileage，就必定出場曝光。大政策做唔到，有爭議就閃開，齋做民生派糖活動。最近巡視行人天橋加裝電梯，擺到明係抽水，上次就巡視老人兩蚊搭車優惠。
振英走蛇齋餅糉宣傳路線，算到好盡，一來用官媒，即使文字記者不滿，就算冷處理有關新聞也好，只要出到免費電視，就有著數。官媒發片或做集體採訪，至少減低文字記者殺傷力，因為一去到現場，記者天職就乜嘢都問，唔會跟住振英劇本去配合，好似巡視天橋 Show，記者去到必定追問「膠波夫婦」吊臂式露台劏房危害公眾安全，應否立即下台，又或者佢本人僭建幾時交代，最後公關 Show變質，正面宣傳效果消失。
蛇齋餅糉路線，一直係政黨地區工作路線，八十年代民主派以居民運動、維權方式介入社區，搞拆遷補償、重建爭取居民支持，奠下民主派地區工作模式。建制派就走社區福利模式，因為要撐政府，政策上冇可能激，所以就多做訪貧問苦、蛇齋餅糉，爭取居民支持。30年來，兩條地區政治路線已合流，民主黨也做蛇齋餅糉，民建聯也非事事保皇，一樣要在地區做維權工作。而政府在地區中的政治角色也轉變成為「球證」，地區專員以分配資源討好各方，家家有求。
截劫建制政黨「功勞」
當振英重拾蛇齋餅糉工作模式，最受影響會係建制派地區工作。起行人電梯 Show劇本應是建制派約見張炳良，大家整色整水一輪，最後張炳良宣佈接受建議，用十億改善全港天橋，再跟手同日建制派地區議員及當區立法會議員將早已印備「成功爭取全港天橋加建電梯」的 banner掛上。家由梁振英中途截劫，佢做咗成功爭取嗰個，動用政府宣傳資源自吹自擂，其他人冇位企。
走蛇齋餅糉路線，短期可以改善振英形象，用溫總式訪貧問苦包裝自己，再活用官媒控制訊息發放。但政治代價是日後與建制政黨越行越遠，利益共生關係消失。
如果政府要堅定不移用蛇齋餅糉對抗公民社會，下一步不如定期落區接 Case，做到盡，抽乾水為止。
添馬男
萬南 二五中環 「振英」闖立會 仲自動當選？
1 :
GS(14)@2016-07-24 17:17:06http://www.metrohk.com.hk/index.php?cmd=detail&id=314803&search=1
呢個欄向來少講政治，主力講金融圈八卦事，但適逢立法會選舉報名期，請容萬南講吓某幾個同金融相關嘅功能組別。首先係金融界，現任議員星爺吳亮星表現麻麻，99巴仙唔尋求連任，由於呢個界別係公司票，據聞協調派中銀香港嘅公司秘書陳振英參選，仲好大機會自動當選喎。
至於代表股佬多嘅金融服務界，現任議員肥佬張華峰應會再砌多一屆，雖然都係行公司票，但C組券商眾多，所以向來有競爭性，尤其舊年大時代之後，好多莊家及有銀仕狂開新證券商，暗手掌握好多票，缸湖傳聞有人近期頻頻拜票，準備報名惡鬥肥佬張，令上屆只險勝6票嘅肥佬有好大壓力。
至於會計界比較簡單，肯肯定Kenneth贏。點解？因為爭取連任嘅梁繼昌，以及已經報名參選嘅陳弘毅(同法律學者同名)，英文名都叫Kenneth。講完爛gag，認真嗰句係陳生喺業界唔多人識，本來非常輸蝕，但盛傳西環非常撐佢，更早喺陳生未宣布去馬之前，已主動向「4大」及「10大」打招呼，或明或暗希望一眾拍檔幫吓手叫夥計支持。會計佬數口精當然識do做信鴿，不過會計界行個人票，相對地有個人意志，高人話要揮低梁繼昌唔容易囉。
陳振英：金管局發開戶指引是好事
1 :
GS(14)@2016-09-13 00:07:46【明報專訊】為解決中小企開戶難的問題，上周金管局向銀行發出開戶指引，釐清其風險為本的監管原則並非要零風險，並新設一份願為中小企開戶的銀行名單，暫有20多家銀行參與；另研究引入開戶KYC（認識你的客戶）中介平台，協助中小企開戶。立法會金融界候任議員、現職中國銀行（香港）公司秘書陳振英稱，開戶指引是一件好事，亦深信銀行可按照指引的要求執行。他認為，現今企業開戶規定較以往確實存在較大差異，對於具跨國業務的銀行來說，規定可能更為複雜。主要是按國際對打擊洗黑錢及恐怖分子資金籌集的要求，銀行對處理新户口申請方面必須非常小心。
[是日點睛]
來源:
http://www.mpfinance.com/fin/dai ... 8021&issue=20160912
Next Page