2011-2-11 AD
|
||||||
|
前聯想（992）「鐵娘子」馬雪征、平安保險（2318）總經理張子欣，兩個喺中國名字響噹噹嘅打工皇帝走埋一齊，可以搞啲乜嘢呢？家陣最時髦嘅私募基金是也！ 《金融時報》噚日話，o依家係德太投資（TPG Capital）亞洲地區董事總經理嘅「Mary姐」馬雪征好快就會起身，自己搞一隻以中國市場為target嘅併購基金，而佢嘅拍檔，就係將會喺3月18日正式離開平保嘅張子欣！ Mary姐同子欣哥點解會做拍檔，華華唔知內裏底蘊，之不過大家喺江湖上個朵都咁響，惺惺相惜又得、兩個一齊俾人睇中又得。 暫時嚟講，華華就覺得後者嘅機會大啲，因為華華八到，Mary姐同子欣哥呢個「征子基金」，幕後打本嘅，原來係「黑氣石」Blackstone！ 華華收到風，先排張子欣同「黑氣石」嗰邊傾得好埋，仲以為佢離開平保之後，會過檔「黑氣石」，殊不知原來係「黑氣石」打本畀佢搞檔基金，都幾估佢唔到！ 個名夠響較易傾交易 查實學《金融時報》話齋，家陣好多國產高管，都揀自立門戶搞私募基金，Mary姐同子欣哥呢pair唔係咩新奇事。 華華聽啲內地老友講，o依家不知幾多呢類私募基金，搞手個朵響啲，傾deal都會易啲；但係無乜知名度個啲都有好處嘅，因為好多人費事張揚，所以呢幾年不知幾多人悶聲發大財，然後，咪南下支持香港消費零售同埋地產業囉！ |
||||||
「板上」Griddle Top座落於深水埗桂林街，路過定必會被其落地大玻璃及出自本地插畫家手筆的牆畫吸引而望兩眼。雖然夠搶眼，但卻與旁邊的平價餐廳有點格格不入。「我哋就係想咁！深水埗周圍都賣三餸飯，但賣鐵板燒便當我哋就係第一間。」八十後老闆林峻至（Marshall）與女友梁翠珊（Tracy）同於美國大學畢業，一個讀汽車設計一個讀傳理，帶着留學光環回來，卻沒有成為歎冷氣的白領一族，相反，機緣巧合下到了Tracy的家族菜檔幫手，開始了三年在街市打滾的生活。 二人因一次Marshall與Tracy媽媽興姐的爭拗而離開，在同區開設鐵板燒店，主打外賣便當生意。在別人眼中的「窮人地區」開設非平價食店，有人認為是不切實際，興姐更大罵：「你哋同自殺無分別！」但她同時望「女」成才，終願打本百五萬支持。面對被不停潑冷水及不能辜負家人寄望，二人在開業半年已日售二百五十多個便當，月賺五萬元。最受街坊歡迎的更出奇地並非餐單上最平的套餐，而是售五十二元的雪花一口牛肉飯。「我喺深水埗長大，知佢哋唔再只食平嘢，而係要有心有質素。」 街市打滾學做人創業俾阿媽大潑冷水 有人認為堂堂大學生在街市中賣菜等如浪費青春，但Tracy指每天流着滿身大汗捱着眼瞓地在菜檔工作令他們成長不少。「啱啱畢業嘅我哋好有傲氣，唔識點待人接物，同人講嘢時又寸寸貢。」身為老闆女兒的Tracy並非一般的「太子女」，由落貨開檔到與供應商打交道都親自出馬，連同因人手短缺而一起拋身入菜檔的Marshall什麼也親力親為，做錯更隨時會「俾人抦」，絕不留情。自認火爆的Marshall指：「興姐扎根在深水埗多年，身上種霸氣是無人能及。」他指在興姐身上確是學到很多，但最終因雙方的爭執而決定創業，Tracy認同在家族菜檔中無疑是有種世代之爭。「我對上仲有老闆，而有問題時佢哋未必想改革，所以我哋就選擇自己發展。」 Tracy指男友與母親關係最惡劣時興姐曾下令禁止Marshall踏入菜檔及她家半步。 矛盾累撞板火爆情侶鬥贏師傅 「我哋五姊妹間都係用『事頭婆』去稱呼佢多過叫媽咪。」Tracy指母親口硬心軟最終都願打本支持，但一直做開「話事人」的興姐指深水埗食店應是賣三餸飯才算「正路」，更曾大罵：「你哋咁搞同燒炭自殺無分別！」Tracy與Marshall眼見鐵板燒在美國大受歡迎，認為款式貴精不用多易處理，因此企硬。因此Marshall特意在職業訓練局報讀相關的廚師課程，而女友則主力入貨及請人，希望一內一外合力打理。二人與上一代的矛盾卻沒有隨着離開菜檔而消失，相反更延續到「板上」，令開店初期屢次撞板。他們指店面裝潢專程找來友人幫忙設計，有別一般老店格局而設有較多面窗及面牆的位置給單身人士。但裝潢師傅卻無視設計圖，以他以往裝潢茶餐廳的經驗作主導，結果嚴重貨不對辦，要大大延長裝潢的時間。「可能佢哋覺得我哋係新人，所以佢哋會有種自傲，認為我哋班後生咩都唔識。」開業初期Marshall成功找來了曾擔任總廚的老師傅駐場，可惜在執行上雙方也各持己見，最終不歡而散。不幸中的大幸是現在的廚師阿文正因欣賞兩名後生老闆的想法，而拒絕跟他的老師傅及兄弟一同離開，助「板上」在半年間站穩了陣腳。 不合港人口味重設菜單救一命 二人在美國生活了一段時間，因此在設計菜單時也按照了那邊口味，結果在開店數天接近食白果。「可能我哋真係太創新，引入墨西哥口味嘅食物，結果反應好差。」而Marshall指營運餐廳與日常下廚是兩回事，當初沒好好定立出餐流程，結果做到「一頭煙」。而「鐵漢柔情」的興姐眼見女兒「落晒形」，於是出口叫齊親朋戚友光顧，以作試菜。「因為佢嘅員工多數係四五十歲，同深水埗主要居民差不多年齡，所以希望得到佢哋意見。」被興姐批評套餐不夠肉、指應要好味又抵食後，二人決定在開業十天後停業五天，重新去設計菜單及流程。「香港人唔接受美國咁濃味嘅食物，墨西哥更加唔使講，太辣佢哋又唔鍾意。」現時「板上」除了安格斯牛肉漢堡餐外，其他的則主打日本風味，如有售四十二元的照燒雞飯餐及四十八元的板燒鯖魚飯餐，小食方面更有港人熟悉的可樂餅及大阪燒，結果大合街坊口味，賺到不少回頭客。在當區居住的食客Gillian指「板上」是深水埗首間主打鐵板燒便當的餐廳，認為多了個全新選擇是好事。 力證鐵板燒便當有市場企穩月賺五萬元 「板上」除設有堂食外，有六成以上的生意是來自外賣。「我哋有提供外送服務，目前只送本區訂單，但未來希望可以擴大去其他地點。」Marshall指在深水埗看鋪的人經常走不開，所以對有便當送到上門的服務很滿意。「我喺呢區大，知道深水埗人唔單只食平嘢，更要食有質素、性價比高嘅餐廳。」Tracy指店內受歡迎的雪花一口牛肉飯，而因要保持口碑，所以在食材上也落足功夫。「牛肉飯雖然賣得最多，但其實食材成本已佔咗售價嘅三成多。」現時板上除了可免費加飯外，也可另加八元要求多肉。開業半年漸有成績，興姐也再沒有潑冷水，對Marshall的觀感也開始改變。「佢以前覺得我得把口，雖然呢刻都無講咩，但感覺到我哋之間氣場有改善到。」訪問當天再到興姐菜檔問其現時看法，她邊笑邊說：「好滿意呀依家！唔使再擔心了，很開心。」看來當初擔心女兒撞板的母親已放下了心頭大石。 營業資料（16年5月）營業額$420,000人工（九名員工）$140,000租金$70,000食材$140,000雜費$20,000盈利$50,000 開業資料（15年12月）租金（2按1上）$210,000裝修$1,000,000廚具用具$200,000食材$60,000總投資$1,470,000 撰文：黃綺敏攝影：關永浩攝錄：廖健昌[email protected] | ||
2樓提及
我認為中大既模擬實戰室好D囉...還點gain到既都唔係自己嫁啦,玩真錢把鬼咩
4樓提及
不知所謂的課程