📖 ZKIZ Archives

馨馨細語：唔鬧得

1 : GS(14)@2012-03-31 00:00:40

http://www.sharpdaily.hk/article/index/38065/20120330/73709
上星期勞工處舉行招聘會。有記者訪問咖啡店負責人，佢話：「對比五、六年前，依家十七到廿五歲嘅求職者不但怕辛苦，而且唔鬧得，不論男女，均會一鬧即喊。」
佢講得啱，我都見過—有個朋友開咗間小酒家，為表支持，專登訂咗間房，請咗幾個朋友去食飯試菜。個部長知我哋係老闆嘅朋友，已經打醒精神，但人手唔夠，搵咗個後生女侍應嚟招呼。
其中兩個朋友各自帶咗來自唔同酒莊嘅紅酒嚟，我叫個後生女先倒一支紅酒落decanter度透吓氣，到上菜便斟酒。佢照辦，斟了一巡，decanter仲有一小半酒，個女侍應一聲不響，手快快就將另一支酒倒入個decanter度，嚇得我成個彈起，但要阻止已經來不及，兩支唔同酒莊嘅紅酒混在一起，眾人看到目瞪口呆，幾千蚊一支紅酒，報銷了！
見個侍應係後生女，可能未受過訓練，便平心靜氣對佢講：「你睇兩支紅酒個招紙唔同，唔可以倒埋一齊，好似你飲可口可樂，都唔可以飲飲吓倒支百事落去，雖然大家都係可樂！」你一定以為佢會講句「sorry」，或者「唔好意思」又或者見我袋錢落佢袋會講「多謝你教我」，唔係呀！佢望我一眼，嘩一聲喊咗出嚟，掉頭走，從此全晚不復見。

電郵：[email protected]

葉潔馨

---

立會鬧得多 議員建樹有幾多？

1 : GS(14)@2013-07-19 00:10:19

http://www.hket.com/eti/article/ ... a0-891807?ref=ak8fs


立法會首年會期即將結束，議會內的吵鬧聲不比上屆少，罵得多不等如建樹多，遲到缺席致流會一而再發生，有缺席率高的議員自認「當兼職」。政府官員評分創新低，惟議員表現亦五十步笑百步，究竟他們有否做好這份工？

新一屆立法會首年會期將結束，議員過去一年表現如何？這張成績表上最易計的一項是出席率，有傳媒翻查紀錄，指大部分議員整體出席率逾9成，但亦有部分被點名指在財務委員會出席率低，如鄉議局劉皇發及醫學界梁家騮以出席率47%及45%包尾。

梁家騮出席率低 坦言兼職

出席率低，對公眾也並非太意料之外，但梁家騮昨日向傳媒承認自己是兼職議員，若不涉及重大議題，又或出席不能改變結果，會選擇缺席，「多自己一個唔多」，寧願多研究醫療政策。

議員如此看待這份工，結果惹來監察議員組織炮轟，指不接受議員把議會工作當兼職，又指議員若事忙或寧願做醫療研究，不如讓位。

議員月薪逾8萬元，一般市民寄望議員享高薪後，會全心全意為公眾服務，若只視之兼職，固然易惹反感，其實新西蘭、新加坡或加拿大等外國議會制度，也如香港般，容許議員同時有其他受僱工作，也無不可。事實上，公眾更應關注的，議員表現是否稱職？有否做好這份工？

再細看今屆議員的成績表，在遲到缺席一欄，很多議員都會是「黑豬」。過往向有議員被形容為「失蹤王」或「三點不露」、部分委員會出席率僅約10%，在任職四年間從沒提任何質詢的大有人在。

新一屆立法會「執位」後，議員整體出席率有所改善，截至上周三，35次立法會大會，大部分議員出席率逾90%，最少的劉皇發也有83%。

遲到導致流會 市民氣結

不過，議員遲到問題仍然是難以令人收貨。本屆立法會發生多次因議員遲到缺席致流會事件。

去年12月，議員要求政府徹底解釋特首梁振英的僭建事件，發展局長陳茂波出席委員會解畫，但有23名議員缺席遲到，最終人數不足流會，部分議員解釋手機壞了、要食藥等，令人氣結。

今年4月政府擬修改限奶令釐清條文，也因議員未足法定人數致流會，限奶令未經審議原封不動通過，也是遲到惹的禍。

出席會議是最基本要求，而坐在議員席時，也要捫心自問，有否以社會公眾利益為大前提，擔任監察、把關的職責？能否多建樹、提升議政質素？

新一屆立法會上，官員與議員在很多政策上對立分明，政治爭拗激烈，議員所言所行，是否建設性的議政辯論？公眾看到的，更多只是指罵吵鬧。

識監督政府 亦須加強自省

最惹爭議的包括近期擴建堆填區議題，各黨為選票利益反對政府擴建堆填區的建議方案，爭取了部分地區人士支持，但有否提出有助解決本港垃圾問題的建議？

又或者拖拉多時，最終被指如「打假波」地通過的長者生活津貼等等，如此議會質素，這一年來，港人又怎不看在眼裏？

未來的政治爭議只會有多無少，例如新界東北發展新市鎮、填海、焚化爐等，統統是棘手議題，若議會內仍然如此吵鬧下去，又豈是港人樂見？

港府官員民望一再下滑，行政機關已經難叫市民放心，立法機關亦如此「空轉」，則也叫人頭痛，兩大機關未能夠發揮作用，市民無奈，社會只會充斥無力感。

立法會在市民心中形象近年已屢屢失分。根據港大民意研究計劃，十大最為市民熟悉的立法會議員支持度，由97年4月時的平均58.8分，降至今年4月的平均49.5分。要挽救立法會形象，議員監督政府之餘，可也會加強自省，好好提升表現？

---

2 : qt(2571)@2013-07-19 21:09:13

梁家騮出席率低 坦言兼職  <===DKLM

---

【男女之間】戀情點保鮮最好？鬧交要鬧得精

1 : GS(14)@2016-08-21 08:11:39

很多時情侶分手，未必因為炒大鑊，而是因為日常生活之中的相處，隨着二人長時間的相處而漸漸變質，於《The100 Simple Secrets of Great Relationships》一書，作者David Niven認為一段好戀情，是基於雙方每天的相處之道，想和另一半長期處於保鮮狀態？大可能要從態度開始。

1.對戀情持好態度

另一半並不是「老奉」，幫忙開門、拿手袋,甚至遞張紙巾這樣芝麻綠豆的事跟對方說聲「唔該」其實無傷大雅。


2.偶爾突破常規

口裡雖說其實平淡也不錯，可是隨兩人相處日子愈長，平淡或者成為關係破裂的致命傷。平淡會令人覺得悶、無新意甚至對於這段關係採取散漫的態度，不妨主動計劃好約會日程，於約會加入新元素，例如試新餐廳，穿一件平常很少會穿的衣服，打點好一切，無失驚無神開口講聲「I love you」其實都可以好驚喜。


3.鬧交都要鬧得精

拍過拖相信都一定試過鬧交，又好怕鬧交會令關係出現裂痕，所以有人話從不鬧交就是最好的關係，非也，其實在乎大家識唔識得鬧交。因為鬧交也是一種溝通方式，想清楚甚麼原因而嘈，忌衝動、尊重對方的理據，假如真的憤怒了就自己先冷靜一下，不然講多錯多，然後分析雙方為何會開火，因為一隻手掌永遠拍不響。


4.保持各自的社交關係

雙方都應該要有個別的社交圈子，有各自的朋友，發掘各自的興趣，然後與另一半分享，以維繫良好的關係。


5.拍拖不忘扮靚

雖說對方看過自己毫不修飾的樣子，可是保持衛生和扮靚也是基本尊重，其實內衣褲也要穿得講究。就算是家中也要常清潔，一個混亂不堪的環境也會間接破壞雙方關係，在家中點燃香薰也有幫助。資料來源：health.howstuffworks.com/記者：畢慧婷




來源: http://hk.apple.nextmedia.com/su ... t/20160821/19744101

---

一路一帶：噚晚Kelly鬧得我好啱……

1 : GS(14)@2017-01-26 18:18:29

噚晚Kelly鬧得我好啱，文化差異係唔應該共融，要保持獨特性，唔係點支煙，飲啖酒就解決到。利申，女主角Kelly，香港人，今年32歲。Kelly自梁振英當選特首後，四年多以來都處單身狀態，親朋戚友怕Kelly成為單身剩女，於是喺馬家村嘅親戚介紹咗個男人畀佢識，叫阿Jack。
Jack係港漂一名，以前喺北京做英文老師，兩人加咗WeChat後好好傾，好快約咗出嚟食飯。Kelly隆重其事，化行妝，襯好衫出門口，去咗事先約好嘅餐廳見面，兩人年紀相近，Jack說得一口流利英語，仲有宏大理想，希望打拼一番事業，Kelly本以為Jack係筍盤，芳心暗許，覺得同內地人拍拖都冇問題啫。食完飯後，兩人埋單，都話有時間再約。但自從見面後，Jack就好似「404 not found」咁，消失於Kelly嘅WeChat，連朋友圈都冇埋。Kelly大惑不解，明明無講錯半句傷害兩地同胞嘅說話，食飯又爭住埋單。過幾日後，親戚來電，大數Kelly不是：「個男仔筍盤嚟，點解你唔好好把握機會？你淨係叫貴嘢食，又着名牌靚衫，化行個妝，人哋會覺得你係大使唔識慳家嘅港女！」
Kelly當堂嚇一跳，然後得啖笑；原來親戚問番個筍盤男點睇，男仔認為女方太貪慕虛榮：「佢又化妝，又滿身名牌，只會點貴菜，完全不懂得節儉，這種女仔根本不適合結婚。」「你估我好恨做馬太？阿Jack你收檔啦！」Kelly聽完覺得晴天霹靂，原來使自己着自己，忠於自己，只係冇按照Jack嘅意願去揀最平嘅嘢，買衫一向幫襯本地牌子，未試過淘寶，咁就係Jack口中不懂得節儉的女人。
Kelly覺得好匪夷所思，女人天生鍾意扮靚，自己化妝都係出於禮貌，着番件靚衫都係尊重場合，至於點貴菜，間餐廳係一齊揀嘅，如果太貴，點解當初唔去食Café de Coral？「其實我都係希望未來50年不變啫！」Kelly覺得要過以往的生活，唔明白點解拍拖、結婚、做咗人老婆，就要降低自己生活，佢認為要高度自治，要財政獨立，婚姻同融合，應該創造出1+1=3，而唔係付出一倍努力，收唔到回報，仲要感恩你送水送糧。Kelly同Jack兩個價值觀不同層次，生活同家庭觀念都唔一樣，夾硬要拍拖根本冇運行。其實過去幾年，香港出現好似Kelly同Jack之間的矛盾，港人底線不斷受到挑戰，未來兩個月對香港命運好關鍵，究竟新特首能否從香港人出發，守住香港的核心價值？3月自有分曉。最後預祝各位讀者雞年行大運。斯郎
https://www.facebook.com/oneroadonebelt/本欄逢周四刊出




來源: http://hk.apple.nextmedia.com/financeestate/art/20170126/19908650

---

邵音音撐阿澤鬧得起

1 : GS(14)@2017-04-15 23:27:57

邵音音、衛詩雅及麥子樂前晚在尖沙嘴出席《狂野時速8》首映，前輩邵音音被問到杜汶澤網上鬧曾志偉寸姜皓文，有不少人指阿澤反骨，她說：「我又唔覺得佢反骨喎！今時今日佢乜人都鬧得起，其實呢個圈鬧係一個改進，我哋呢一行啲人嘅性格都係有偏激，其實做得公眾人物，觀眾可以鬧吓我哋，同事又可以鬧我哋，我哋又會鬧工作人員，唔係啲咁緊要嘅事。」同場的衛詩雅指自己喜歡揸車，現在搬回家住，路途遙遠想買新車，她說：「趁後生我想買一架跑車，上年係咁拍戲，今年係收成期，希望可以買到車，預6位數字，手車OK，但係唔識泊車。」採訪、攝影：馬建華




來源: http://hk.apple.nextmedia.com/entertainment/art/20170415/19990444

---