王弼：兩粒子彈 留歐派無得輸
1 :
GS(14)@2016-06-20 05:26:00【明報專訊】本來，事情大概依着王弼預測的方向進行，15日公布A股入摩不成，春江鴨早幾天開始散貨，恒指自6月9日從近期高位下跌，15日雖然有一點反高潮，入摩失敗港股竟然低開高收，傳言阿爺為面子托市，但無損王弼的部署，反而造就王弼沽空期指的良機。既然預測英國在脫歐公投前必然帶來市場震盪，重槌出擊是也！
果然，又在預計當中，傳言中的阿爺托市只有一天，16日港股隨外圍憂慮英國脫歐而大跌超過400點。根據自己預測的劇本（這個劇本在本欄和其他場合王弼已經重複多次，在此不贅），市場在公投前應該會繼續下挫，因此，我認為沽空了的期指合約可以繼續持有。16日美股開市，延續亞洲歐洲市場的跌勢，道指曾跌160點，王弼滿以為期指的利潤會進一步放大，今次真係肥仔。
事出突然 急平淡倉
16日晚大約10時，英國兩顆子彈，粉碎了王弼的美夢之餘，也取掉一條生命。支持留歐的英國工黨議員Jo Cox，被一狂徒轟了兩槍重傷。狂徒當場被擒，廣泛傳媒報道，疑兇在開槍前大叫British First（可以解釋為「英國優先」，同時也是鼓吹英國脫歐組織的名字），於是槍擊被解讀為脫歐支持者所幹的好事，疑兇更被引述為有同情德國納粹黨的紀錄。雖然調查仍在進行中，未有真相，但上述報道已深深印在英國民眾的腦海，真相為何可能已不太重要。為何脫歐陣營在民意調查領先的大好形勢下，其支持者會開槍射殺留歐派議員，實在耐人尋味。
卡梅倫可因應情况押後公投
無論如何，Jo Cox吃了的這兩顆子彈，可能就像當年陳水扁槍擊案一樣，成了英國脫歐留歐的轉捩點，脫歐陣營的氣焰頓時受挫。根據賭博公司的賠率反映，5月底時脫歐的機率只有20%，但自民調公布支持英國脫歐的人愈來愈多，脫歐的機率就一直攀升到16日最高點的44%，槍擊案後立刻掉頭回落到36%。更快更準的預測，可能就是股匯市，槍擊案發生後30分鐘內，股匯跌勢已減，當Jo Cox的死訊傳出時，英鎊由1.4070水平，立刻爆升近300點（1萬點子等於1元）至上周五收市的1.4360，路透社便乾脆地說是留歐議員被殺令英鎊上升（Sterling rises after pro-EU British lawmakers killed）。
王弼一直以為，市場必然要大跌，才會令英國人恐慌，才會令他們踴躍投票支持留歐，但原來一個兇手，一條人命，也會令選民憤怒脫歐派，繼而支持留歐，令股匯上升，不用大跌。王弼實在棋差一著。
公投倘延期 耶倫有藉口不加息
好了，現在有命案發生，我估計有兩個情况發生﹕第一，留歐派重拾優勢，英國留歐；第二，如果英政府估計支持脫歐的人還是很多，卡梅倫大可以人民因槍擊案需要冷靜為由，宣布押後公投，即政府總有辦法，避免脫歐發生。
幸好，17日港股開市，恒指升幅最多是兩百多點，反彈只有16日跌幅的一半，在恒指升幅約150點的時候，我把恒指淡倉都平掉，開始轉軚看好股市，因為在我看來，以上述的解釋留歐派贏硬，淡友唯有平倉，怎會不利好股市。我現在關注的是，卡梅倫是否會押後公投，他會否把公投延期到7月呢？如果是，耶倫又有藉口不加息，看來跟湯文亮博士的賭局，我的輸面愈來愈大，還是訂定意大利餐廳吧博士！
最新一集「投資．王道」
香港奧國經濟學院院長王弼會在每周主持的《明報》財經節目「投資．王道」，以專業投資者角度分析經濟和股市市况，欲收看最新一集內容，可登入：
link.mingpao.com/44729.htm
香港奧國經濟學院院長
http://fb.com/buytillsuspension
[王弼 投資王道]
來源:
http://www.mpfinance.com/fin/dai ... 8956&issue=20160620
【屋企打邊爐】食家教用兩種蕃茄做湯底 配海鮮無得輸
1 :
GS(14)@2016-10-21 05:29:08買了靚火鍋料，也要有靚湯底才算完美配搭。以奇特靚海鮮做主打的廣東飯莊老闆廖承之擅長用清鮮湯底來突出火鍋配料的鮮味，他店中最受歡迎的番茄蟹火鍋湯底便是以此番茄茸湯底製作，阿之說番茄味清，所以配搭牛肉或海鮮也很適合。這次加上了來自荷蘭的黑番茄，番茄味更見濃郁，是普通番茄湯底的加強版。記者：謝翠玲攝影：王國輝
TAG:
雙番茄湯底食譜卡
來自荷蘭的黑番茄，在紅磡市政街市亦可買到，番茄味濃，果肉質地較滑，除了做湯，亦可生食或做沙律。$32一磅（鍾記菜檔，紅磡市政街市S33)
冬蔭功湯底食譜卡
泰式辣椒膏味香但沒冬蔭功醬濃和鹹，用來煮湯會較清。
來源:
http://hk.apple.nextmedia.com/su ... t/20161021/19807356
擺pose打碟樣樣掂關楚耀韓籍model女友冇得輸？！
1 :
GS(14)@2016-11-10 07:39:51關楚耀出道10年，為人所知嘅感情就有三段。第一段就係同衛詩，不過就喺2009年分手。翌年佢就同圈外人Megan Lee拍拖，當時Kelvin仲話女友已經過咗父母嗰關，仲認定對方做結婚對象，可惜相戀兩年後分手，之後就keep住單身。直至今年初爆出關楚耀同韓籍model Miu Kim拍拖，講起呢個Miu Kim就真係犀利，今年30歲，來港兩年幾仲拍過唔少廣告，佢仲有做埋DJ打碟，不過佢最出色都係擺pose，喺IG同fb都開心share好多相。
來源:
http://hk.apple.nextmedia.com/entertainment/art/20161109/19827461
智取大市：年底冇得輸劇本
1 :
GS(14)@2016-12-07 07:56:27年尾流流，戰友倉位隨住股票價格喺海中央浮吓潛吓。不過，未來一個月較大機會發生嘅兩個劇本，第一係繼續浮潛，第二係慢升，排面睇坐和望贏。經歷過美國總統大選、意大利憲法改革公投，兩隻所謂黑天鵝出嚟都隊唔冧個市，年尾前美國加息又已經全面反映，點解跌嘅機會細？第一，悲觀嘅人理應喺黑天鵝過程之中沽咗貨避險；第二，今後一個月，可謂今年內少有毫無不明朗因素嘅時期，大戶理應好好把握炒上機會。弱極，咪又係唔上唔落咁，拉勻都係和。意大利公投後嘅周一，港股普遍下跌，明顯試探外圍股市反應，所以當日有點沽壓，點知夜晚外圍唔跌，港股周二就收復失地。銅鋁鋼繼續係主力，細價股為副。現貨銅喺每磅2.7美金出現阻力，但11月嘅14連升、急漲三成之後，再三反覆上試2.7，向上動力非常充裕，除銅價之外，睇嚟貴金屬價格向上機會亦較大。鋁股周二比起江銅（358）更明顯發力，中鋁（2600）喺特朗普當選頭兩日，有資金湧入炒上破頂，其後以反覆上升取代整固，嚟緊似發動第二輪攻勢。俄鋁（486）槓桿比中鋁更大，一樣可取，4蚊可成首個目標。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20161207/19857136
七級偽術：善待員工無得輸
1 :
GS(14)@2017-01-05 07:59:38唔好成日鬧葉劉，有時佢都幾直幾抵死，前兩日話汲取教訓後，第日政府做嘢毋須咁「滴水不漏」，就搞到Mary笑咗。政府唔使樣樣嘢保密到滴水不漏，但講到事故處理或者品牌建立，就點都不可以不心細如塵，事事照顧周詳。有了互聯網、社交媒體，stakeholder早已趨向一體化，所謂持份者管理早已不能見人講人話，見鬼講鬼話。以前就話可以對公眾封口、前線記者拒評、對老總放風、對議員游說，今天不可能再行得通。反正任何溝通一展開，下一秒即可在社媒上曝光，你封到當事人把口，都封唔到佢老死，講完。所以企業怎能不善待員工呢？一個大企業，員工閒閒地以萬計，每個人都向自己圈子講你一句壞話，效力都咪話唔宏大。美國的Walmart近年有一經典案例，證明待員工好啲，有助提升營業額。
已有好幾年了，Walmart顧客怨聲載道：貨架混亂缺貨、厠所污糟、付款處慢如蝸牛……只有16%分店服務水平達標。終於，管理層痛定思痛，2015年年頭作了個重要決定——不是換血，而是加薪！因為這個英明決定，人心都回歸了，士氣都不一樣了，不足一年，已有75%的分店做到服務水平達標，事實是顧客都感受得到分別，營業額應聲上調。品牌成日要搵代言人，危機又話要跪求第三者endorse你，其實最有力的見證人根本就在眼前，你善待他們，他們就是你最好的品牌大使，為你走在最前線，也為你守在最後方。人心肉造，懂嗎？彭瑪莉
mailto:
[email protected]
來源:
http://hk.apple.nextmedia.com/financeestate/art/20170103/19884699
沈月倒模邱淑貞冇得輸霆鋒同囝囝又型又愛車
1 :
GS(14)@2017-04-13 00:24:00袁詠儀(靚靚)同張智霖嘅囝囝魔童，話咁快都已經10歲大喇！魔童盡得爸爸媽媽優良基因，年紀少少已經係靚仔一名；唔單止夠靚仔呀，眼大大十足靚靚喺《金枝玉葉》入面反串時個樣o添呀！其實圈中都有好多餅印星二代㗎，去相！邱淑貞沈月第一個要數嘅，就緊係近期曝光甚多嘅邱淑貞囡囡沈月啦！o依家15歲嘅沈月婷婷玉立，又識得打扮。而且佢盡得媽咪邱淑貞嘅真傳，樣子甜美，身材又好，絕對係唔少宅男嘅女神。譚詠麟譚曉風譚校長囝囝譚曉風，眨吓眼就已經大個仔，其實早年已經報道過佢成績優異係十優狀元，而且入讀英國牛津大學，真係不得了！除咗成績好，曉風相貌仲好似校長後生時o添！羅敏莊陳禛4歲大嘅陳禛表情多多，眼仔碌碌，而且經常面帶笑容，實在討人喜歡！除咗夠可愛，陳禛同媽咪羅敏莊成個餅印咁，真係唔怕會走失！謝霆鋒謝振軒謝振南霆鋒係靚仔又夠型就眾所周知，其實佢囝囝謝振軒（Lucas）、謝振南（Quintus）都盡得佢真傳，不單止十足餅印都係靚仔，而且興趣都一樣鍾意玩車！所以話，有啲嘢係打風都打唔甩嘅！
來源:
http://hk.apple.nextmedia.com/entertainment/art/20170412/19988271
【打卡冇得輸】千萬泡泡將我包圍 尖沙嘴免費玩
1 :
GS(14)@2017-08-02 06:15:55吹泡泡唔只係童年玩意，唔少大人其實都好鐘意。想唔想試試被千萬個泡泡包圍？嚟緊有機會喇！尖沙嘴海港城8月4日（周五）開始，會舉行Bubble Up活動，由日本引入泡泡機及專用泡泡，每場發放約1,000萬個泡泡，讓觀眾穿梭其中。維多利亞港美景，映照飄雪般的泡泡，夠晒夢幻。
是次活動由日本當代藝術家大巻伸嗣策劃，大巻先生於2008年設計出每分鐘可發放10,000個泡泡的泡泡機，以及研發對人體無害的專用泡泡，創作了名為Memorial Rebirth的裝置藝術表演。曾先後於日本多個城市、台灣及澳洲舉行，今次是首度來港。屆時一個共6層、高3米、共45部泡泡機的泡泡金字塔，會於不同方向和高度齊齊發放泡泡，畀大人細路一齊沉浸於泡泡世界裏簡單快樂的時光。
每場可發放約1,000萬個泡泡。
被泡泡包圍的快樂。
大人細路同樣滿足。
除了泡泡裝置，大巻伸嗣亦帶來了一系列以色彩繽紛的重複圖案，繪畫以成的藝術作品，同期於海港城美術館展出。
同場亦有「愛心泡泡」慈善義賣，義賣收入將撥捐「思覺基金」。泡泡樽（HK$20），泡泡棒（HK$40），開放時間內可免費重新添加泡泡水。
室外玩完漫天泡泡，室內亦有泡泡工作坊。詳情留意海港城官方公佈。
海港城Bubble Up 日期：2017年8月4至20日（逢星期五至日）時間：下午2時30分及晚上6時30分（每場表演發放泡泡時間約15-20分鐘）地點：海港城海運大廈露天廣場費用：免費註：如天氣惡劣表演將會取消記者：李珮禎2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170801/20107694
【科技籽】悉尼直擊 Xbox One X 4K畫面冇得輸
1 :
GS(14)@2017-10-09 03:47:31【科技籽：新G測試】Microsoft在今年6月E3遊戲展時正式發表當今最強遊戲主機Xbox One X，當時已宣佈11月7日會在歐美發售，到底亞洲市場又會幾時推出？早前Microsoft就在澳洲悉尼舉行專為亞太地區媒體而設的Xbox One X體驗活動。
是次活動共分兩日舉行，Microsoft共邀請了香港、台灣、中國、日本、新加坡、新西蘭及澳洲等地媒體參加，而主角當然是新遊戲主機Xbox One X！Xbox Core Platform Group Program經理Kevin Gammill介紹時說：「新遊戲主機會有三大目標，包括毫不妥協的遊戲性能、兼容性和工藝。」毫不妥協遊戲性能是指新主機能對應原生4K及支援HDR遊戲，硬件性能比現時任何一款遊戲主機都要超前40%以上；兼容性方面是指能對應一般Xbox One遊戲，目前亦公佈了逾100款遊戲可透過升級功能，在新主機上得到更出色的聲畫體驗。活動上不單提供原生4K遊戲《Forza Motorsport7》試玩外，亦可玩到不少原Xbox One遊戲升級後版本，當中以《Quantum Break》優化效果較明顯。新主機在加入強勁硬件下，運用到水冷系統散熱，絕對是工藝表現，操作時機身亦不會太熱。不過要享受到Xbox One X的卓越性能，先決條件是需連接至4K HDR電視。到底Xbox One X何時會在香港推出？官方剛公佈Xbox One X將會跟美國同步於11月7日在香港推出，連帶特別版Project Scorpio Edition亦將會一併到港發售，兩款主機都是定價$3,880。相對Xbox One時，香港以至其他亞洲市場推出時間比美國遲了10個月，今次Xbox One X香港發售日期能做到跟美國同日發售，對亞洲玩家來說絕對值得鼓舞。新加坡GameAxis記者Ade Putra說：「以往遊戲公司較着重美國及日本市場，今次Xbox能兼顧到亞洲其他地區市場的需要，絕對值得欣慰。」
原Xbox One遊戲《Quantum Break》經升級後，用Xbox One X玩可看到畫面質素顯著提升。
活動現場可試玩到多款經Xbox One X enhanced功能升級的遊戲。
Xbox One X港售日期預訂日期：10月19日（只限特別版）推出日期：11月7日（標準版及特別版）售價：$3,880查詢：
https://www.xbox.com/zh-hk/
記者、攝影：布偉倫編輯：施明慧
來源:
http://hk.apple.nextmedia.com/su ... t/20170923/20161073
Next Page