【震撼教育】同老人家玩禮義廉骰盅 帶囝囡參加粗口大賽
1 :
GS(14)@2016-09-09 05:11:56相信這幾天大家看着掌心雷、老人院送老人去投票之類的事情，都很激心，那以下這款產品，可能適合你。之前曾推出粗口麻雀的Studio Sorry，新年前將推出禮義廉版魚蝦蟹，玩法和傳統魚蝦蟹一樣，但選項就轉為更現代貼身的蛇齋餅糭，並加入「有報應」作為通殺的骰子組合。
設計總監Sic指，跟老一輩的人講道理，他們有時未必明，但如直接跟他們說有報應，他們可能更加會驚、會去想，至於為何寫着禮義廉、報應又是甚麼？「盡在不言中，唔使講到咁清楚。留番畀大家自己思考。」雖然今屆選舉已塵埃落定，但教育需要時間。香港60歲以上的選民有過百萬，買定一副回家，跟老人家慢慢玩慢慢教，總有用。
Studio Sorry一直緊貼時事，很有本土特色，7月推出的粗口麻雀就熱爆網絡。玩法參考以色列麻雀Rummikub，但將數字變為中文字。周日他們更舉辦了「嗱喳王挑戰賽」，聚集大家一起打牌鬥粗口功力。雖然叫這個名字，但活動其實不嗱喳，更有家長帶小朋友一齊去玩。
Keith帶同三個分別9歲、12歲及14歲的子女出席，「我覺得都係一種教育方法。你可以當係一種經驗、一種文化，你係去認識佢，但唔等於你壞。畀小朋友更加自由去知道呢樣嘢，會更加令到佢哋識睇情況，知道應唔應該講。」另一位4歲小朋友的媽媽Ivy，無帶囝囝出席，但表示如果囝囝問起，都會教他甚麼是粗口，「佢總會知，我帶佢返學，隔離都會有人講。講唔講係一回事，但你要知道有呢樣嘢。」廣東話粗口文化博大精深，這副牌亦不容易玩，用少點腦力都不行。不過創辦人話友誼第一，比賽第二，最重要玩得開心。他們的目標是去足全港十八區，下一站很可能是Poly（理工大學）。想參加，就要留意他們的facebook專頁嘞。記者：李珮禎攝影：許先煜
禮義廉版魚蝦蟹，玩法同傳統魚蝦蟹一樣，但選項就轉為更現代貼身的蛇齋餅糭。 受訪者提供圖片
買粗口麻雀的客人有老有嫩，各行各業都有。 受訪者提供圖片
遮去某些粗口諧音字，你仲睇唔睇得明？
來源:
http://hk.apple.nextmedia.com/su ... t/20160908/19763711