2010-9-21 AD
|
||||||
|
上星期四講車牌 八卦，其中有一句：「為孟嘗君市義乎？」一位朋友在外國讀書回來，問左丁山點解？唯有請佢讀《古文觀止》內之〈戰國策馮煖 客孟嘗君〉，至於番書仔讀唔讀得明，好難講，相信今天之香港學生，亦未必會讀。自己因此而再讀一遍，發覺此文好有時代意義，今天有人講甚麼仇富、仇商， 呢，馮煖呢位高唱：「食無魚，出無車，無以為家」之人，後來為孟嘗君到薛國收債，召集一眾債仔，當眾宣佈，孟嘗君寬免所有債務，將所有欠單燒毀，羣呼孟嘗 君萬歲。返到去，孟嘗君問馮煖：「同我買咗乜嘢返嚟？」馮煖話：「府上有珍寶，廐外有狗馬，美女不缺，家中少有嘅，就係道義，所以買咗道義回來（竊以為君 市義）。」孟嘗君感到不快，為之無可奈何，只能講：「先生休矣。」至於後來孟嘗君如何「為相數十年，無纖介之禍者。」請看原文。今日唔興養食客三千，但如 有人仿效馮煖為孟嘗君「市義」，相信仍然大有可為，大受歡迎。 上次亦講及記者Ｇ嘆息如果日圓再升，佢就冇資格再去日本嘅咯，記者薪水升幅遠 遠落後於日圓升幅，佢講得幾有可信性。上星期佢就唔夠運咯，在赤柱行街PK咗，右膝頭皮破血流，着住短褲行街，係人都睇到，於是跛吓跛吓咁行到赤柱廣場， 搵一間醫生連鎖店公司求治，好彩見到醫生返工，以為即刻有得睇，唔好彩嘅係，醫生同佢講：「我地三點正開門，現在係兩點九，護士又唔喺度，你等吓啦！」 記 者Ｇ為之無可奈何，在醫務所門口企足三個字，十分狼狽。卒之捱到三點，推門入醫務所，已聽到醫生護士在內說笑，記者Ｇ提高聲音嗌一聲，護士立即走出嚟，叫 記者Ｇ填表登記，記者Ｇ苦住塊面話：「你可唔可以同我止血先呀？」護士先至望到佢流緊血，急忙同佢消毒，止血，包紮。記者Ｇ話以後會記住呢間「做又三十 六，唔做又三十六」嘅醫務所喎。大抵如果係私家醫生醫務所，醫生會緊張啲嘅，但呢間係「連鎖店」，周圍都有，醫生可能係打工仔啫，咁就未必肯搏殺咯！ |
||||||