📖 ZKIZ Archives

雷禮權娘爆壽宴 攞朋友嚟笑

2012-8-23  NM



九巴後人雷禮權，出名愛玩嘢，佢搞嘅party亦有聲有色。上週六晚，他在銅鑼灣富豪酒店搞的五十三歲生日會，請來百五人筵開十三圍，叫齊嘉賓在裝扮上鬥娘鬥富貴，搞到個個都笑到踎低、『手音』心口，達到目的嘅雷禮權笑着說：「大家可以笑大家，已經好笑。」五世祖

當日晚會主題是「勁大娘」，雷禮權（William）說：「我啲朋友尤其西人都唔知咩叫勁大娘，其實係啲嘢貴，但唔識襯得靚。」Dress Code是穿戴任何貴價貨和有牌子的衣飾，「要超貴，超多顏色和超搶眼。」問他圈中名人邊個夠娘？他自嘲說：「我咪係勁大娘。」身為主角的他，其中一個造 型是扮「五世祖」，「一世人最鍾意做呢個造型。」他的頸和手指都戴晒金器玉器，是否真貨？「係朱義盛，如果真嘢要幾億。」不過他和朋友一握手就賴嘢，「唔 好咁大力，好痛！」他又用筲箕充肚腩，「用咕

賭王壓軸壽宴三房猷啟揸大旗


2013-12-05  NM
  
 

 

賭王何鴻燊九十二歲生日，密密食足三餐，上週四晚最後一站，嚟到香港仔珍寶海鮮舫由三房陳婉珍為他賀壽。今年何超雲身邊沒有了小聰子，舉動也較為低調，反而著Dolce & Gabbana紅裙嘅超蓮，與細佬何猷啟於席間滿場飛，代阿媽招呼賓客，搶盡風頭。貪靚捱凍

當晚氣溫驟降只得十三度，但身穿金色背心裙的何超雲抵冷貪瀟湘，寧願食西北風也不著外套，凍到要攬住雙臂等賭王老豆駕到，問她送什麼生日禮物？「我哋夾錢，喺外國買咗隻金雞嘅擺設做禮物。」天氣寒冷，賭王就由頭包到膝頭哥，但可能連日舟車勞頓，他亦明顯有些疲態。

其實之前四太為賭王擺壽酒，何生為免過分勞累，也會先行離席，留低太太主持大局，今次三房設宴，他更是逗留一粒鐘便撤退，三太擔心丈夫，於是陪埋一齊回家，剩低三個仔女招呼客人。

代母宴客

為了代父母招呼賓客，身穿購自北京唐裝衫的何猷啟，孖住超蓮整晚滿場飛，忙着與親戚朋友寒暄、拍照，又要與酒樓部長安排打點餘興節目，相反家姐何超雲就只係留守主家席。何超蓮與細佬每見有長輩離開，即飛奔出去相送，記者問她歡樂滿東華表演排練成點？超蓮竟然話 ：「我尋日先返嚟，仲未開始練習，其實我未肯定發生乜嘢事，無喇喇就叫我唱歌。」會唔會同緋聞男友吳克羣合唱？超蓮聞言即耍太極話：「媽咪搞嘅嘢，我好多朋友都支持。」忽然見到猷啟隻右手傷痕纍纍，原來又係為咗東華表演，「佢（猷啟）好犀利，為表演整親隻手，縫咗八、九針。」以為三太一定好肉赤，超蓮笑話 ：「媽咪慣咗，佢成日都整親。」

 

郭氏兄弟為母擺壽宴

1 : GS(14)@2016-12-04 17:34:20

新鴻基地產郭氏三兄弟郭炳湘、郭炳江和郭炳聯四年來未有聚頭，前晚三兄弟齊到尖沙嘴ICC天龍軒出席郭老太鄺肖卿的壽宴。前晚6時左右，記者拍到郭炳江在四季酒店步出，然後驅車直抵壽宴會場。新鴻基地產發言人昨日透過短訊回覆：「郭夫人在九龍ICC嘅Ritz-Carlton舉行生日會，郭炳江、郭炳聯及不少部門經理都齊齊出席。Birthday party除了開心外，亦具意義的，因為有兩個與我們有長期聯繫的社福機構都有參與，當中一些小片段我們可與你分享。」對於郭氏三兄弟有否同場，發言人沒有正面回應，只回覆：「郭炳江、郭炳聯及新地中高層同事，和一班小朋友等都能一起享用。」採訪：唐如攝影：羅德光、黃曉程、朱志聰




來源: http://hk.apple.nextmedia.com/entertainment/art/20161204/19854228

桃李滿門擺60圍鍾景輝80壽宴　吳孟達強吻

1 : GS(14)@2017-03-24 17:08:00

■鍾景輝昨日80大壽，吳孟達作狀向他送肉嘴獻吻。



戲劇大師鍾景輝（King Sir）昨日80大壽，他是香港演藝學院戲劇學院的創院院長，桃李滿門，一班學生昨晚為他在將軍澳一酒店筵開約60席賀壽，現場放滿King Sir人形紙牌。昨晚6時多，吳孟達、黃淑儀、方力申、劉兆銘、黎耀祥、朱茵、謝君豪、陳寶珠、李添勝、萬梓良、梁舜燕、盧宛茵、魯文傑跟毛舜筠等先後到場。King Sir去年患上大腸癌，現已康復的他昨日精神奕奕出場，嘉賓把握機會跟他合照，吳孟達更作狀錫King Sir一啖，之後賓客們一起唱生日歌給King Sir及切蛋糕，蛋糕上放有四隻紙牌King。


簽名龍袍加身

King Sir稍後受訪時說：「生日願望都係身體健康，知班學生會有表演，但唔太清楚內容。不過入場見到好多紙牌公仔都覺好特別。身體狀況好好，出左咗院四、五個月，都有覆診同行跑步機，等啲肌肉唔好鬆弛。」他又透露近期剛完成一個坐着讀劇本的工作，10月左右會替理工大學話劇表演擔任導演，他說：「唔太辛苦都可以，太多通宵就唔得，TVB未有搵我呀，都等緊。」場內放有一個六層高生日蛋糕，宴會開始時，3月生日的賓客薛家燕及謝君豪等獲邀上台，跟King Sir一起切蛋糕慶生，而劉兆銘則代表各人送了一件附有所有賓客簽名的龍袍給King Sir。



■King Sir昨日獲眾學生唱生日歌祝壽及送上蛋糕。

■劉兆銘做代表向King Sir送上一件簽名龍袍。

■（左起）劉兆銘、李楓及黎耀祥齊齊赴宴。


學生扮King Sir

王祖藍透露今次是自薦做司儀，他說：「會有遊戲同扮King Sir環節，亦都會回顧同分享老師點滴，搵咗黃秋生、杜琪?同教書文化界人士上台，其實所有演藝學院出身嘅同學都會扮King Sir，因為當年唔扮畢唔到業。」被問到是否已成功放售當年裝修爛尾的物業，祖藍說：「係呀，放咗啦，慳150萬印花稅。好在之前搵親戚幫我搞，賣咗之後攞番裝修費賺咗少少，希望下手業主住得開心啦。」採訪：卓寶花、張俊銘攝影：陳慧安


■鄭國江獻上一幅國畫作賀禮。

■獨自到場的朱茵，笑言為老師準備一封大利是。

■黃淑儀盛裝打扮現身。


■張達明跟關寶慧一同出席恩師的80大壽。

■余慕蓮由黃浩然陪伴到場。



來源: http://hk.apple.nextmedia.com/entertainment/art/20170324/19967979
Next Page
ZKIZ Archives @ 2019