【話開又唔開】演奏會亂局時序
1 :
GS(14)@2016-12-31 10:18:04【9:05pm】■YOSHIKI兩度鞠躬道歉。
YOSHIKI原定前晚8時於亞博館開騷，歌迷到場後發現亞博館宣佈取消演奏會，但YOSHIKI及主辦單位一度表示如常開騷，擾攘兩小時後才宣佈取消，安排混亂。
前晚
【7:04pm】機鐵站告知持票市民不要再入亞博。傳媒向現場公關查詢取消原因，公關亦表示不清楚。
【7:23pm】亞博館方面正式發聲明，解釋謂由於活動未能取得相關牌照，經與主辦單位磋商後，決定取消。
【7:35pm】
YOSHIKI於Twitter表示如期舉行，籲歌迷不要走。其後主辦機構宣佈演奏會照常。
【7:56pm】亞博館方面堅稱演奏會取消。
【8:25pm】
YOSHIKI再於Twitter撰文重申：「香港，我已預備好去表演，但他們不會讓我（演出），仍然在商討。」
【8:43pm】會負責人稱未入得場原因是票務處尚未重開，並考慮散場會比原定時間夜，所以要確定散場交通才可開始。
【9:05pm】
YOSHIKI現身宣佈因技術上問題及牌照問題，取消演奏會，兩度鞠躬道歉。
【9:32pm】食環署表示沒收到有關活動的臨時公眾娛樂場所牌照申請。而PUFFIN方面承認申請時「做漏咗啲嘢」。
昨日
【8:05pm】
YOSHIKI和主辦單位將演奏會改為「私人派對」，昨晚在同一場地免費演出慰樂迷。
來源:
http://hk.apple.nextmedia.com/entertainment/art/20161231/19882285
【係愛呀】家居自來雀築巢 戶主唔開冷氣免打擾生蛋
1 :
GS(14)@2017-06-16 01:59:46林太形容白頭翁築巢很有計劃，幾日間就築好了一個雀巢。巢身連廁紙都有，十分搞笑。
斬樹變滅雀，康文署簡直係生態殺手。大埔鷺鳥林幾日前巢落一地，屍橫遍野，孤雛哀鳴。官方無情，平民有愛，很多民居提供bird-friendly環境讓雀鳥築巢，戶主保持距離，確保雀鳥生得安心，孵得放心。尊重生命，本該如此。
炎夏沒冷氣，真係會出汗出到脫水。因為有「客」暫住，林太已有十幾日沒開客廳冷氣。未夠兩歲的BB女玥玥每日熱到成身汗，陰公豬。「我哋怕影響雀仔孵蛋過程，所以唔開冷氣。開咗冷氣，外面始終會熱啲，又會有聲，驚對佢哋有影響。」頭頂有白羽毛的白頭翁（又稱白頭鵯）會於四至八月繁殖，牠們被林太冷氣機下那株碌柚葉吸引，上月尾在這裏築巢生蛋。為令雀BB順利出生，林太一家都有應變措施──只吹風扇+狂洗面+沖幾次涼！「仲會出走廊行，因為走廊通風，加上小朋友始終比較嘈，多啲出去，就唔怕騷擾到雀鳥。」非常貼心。自來雀訓練他們這一家的抗熱能力，相信唔係人人頂得順。「呢個係大自然生態，既然佢選擇喺呢度生蛋，就由佢囉，都無影響我哋啲乜。又可順道教小朋友愛護小動物。」記者當日看到雀爸雀媽來來回回叼來昆蟲給雛鳥吃，覺得情境好有趣。林太謂雀仔五月尾開始來探路，再逐點用樹枝、樹皮及廁紙築巢，見證雀仔成家立室過程。林太說：「兩日前，第一隻蛋孵化咗，從未見過咁赤裸裸、無毛嘅雀BB，過程好感動。」對照康文署的無良，尋常百姓家顯得甚有人性。「要將心比己，如果你屋企俾人破壞，仲傷害埋小朋友，你都會好痛心。康文署嘅行為，相信除咗我哋，好多人都反感。」家居同樣吸引白頭翁來築巢的，還有中大新聞與傳播學院退休教授馬傑偉。他對雀鳥很呵護，多次提醒我們拍攝要小心。他笑稱：「其實我都有慾望要影佢，呃幾個like，但我會盡量控制自己。如果驚動到佢，搞到佢整穿啲蛋，甚至踢走孵咗出來嘅雀仔，我會好唔舒服，好唔開心。」原來去年已有白頭翁作客馬家，馬傑偉日思夜想老朋友何時再臨。「佢哋離開後，我一直期待佢哋返來，差唔多六月嗰陣好忐忑，覺得無乜可能。」白頭翁最終在他家露台一盆高掛的植物上再築巢，令他喜上眉梢。「呢種雀仔會喺呢段時間落戶香港唔同嘅友善家居。雀鳥有記憶，我寧願相信呢一巢係舊年嗰對夫婦嘅。一廂情願囉，唔係都當係。」對於與「老友」重聚，馬傑偉笑到四萬咁口。「我覺得城市人太驚，人哋送份禮物畀你，你驚到要戴手套怕佢污糟。有啲樹好近民居，成棵都係雀巢，好嘈，成地雀屎，我好體諒。但如果我呢度有幾堆雀屎，權衡輕重之後，我寧願尊重生命。」僵化冷血的官僚，幾時先至明白？
林太覺得可以藉有雀來築巢，教導小朋友愛護大自然。
採訪當日，馬傑偉一直以為家中只有一個雀巢，翌日才發現圖中白頭翁所在位置附近盆栽還有另一巢。
馬傑偉形容鳥蛋孵化，有小生命誕生，並看到牠們成長後飛走是很美好的經驗。（相片由受訪者提供）
記者：葉青霞攝影：許先煜2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170615/20056092