純官會景閣午睡
2015-06-11 NM
新世界主席純官深懂養生之道，喺佢寫字樓有間休歇房可以午睡，叉叉電 ；小宗本週一下晝兩點半左右，就喺佢地頭灣仔會景閣，撞正「飯氣攻心」嘅純官；估計要上樓午睡片刻。咦，佢位紅顏知己王穎妤報住地址都係會景閣喎，兩個打通嘅單位三年前由兩間BVI公司合共兩千幾萬向新世界買入，無須按揭o架。
其實王穎妤個竇都喺灣仔，近幾年熱衷玩藝術，連打扮衣著都好似嬉皮士咁，喺會展商場ARTONE搞藝廊、紅酒生意，公司名真有意思，叫JP Gallery、JP Wine，聽講JP係王小姐位公子嘅英文名，用個慈姑椗作「牌頭」開公司，相信一定水到渠成。觀乎JP Gallery Limited的中文名「慈有限公司」，都甚有玄機。
土豪邊個無「原罪」
游走於中港台併購、私募投資的金融多棲動物，現為多間上市公司主要股東及董事本週最大新聞，是近兩個月內，狂升十多倍至四百多億市值的數字王國大股東車峰被抓。兩三天就暴跌了75%，瞬間股民與這位隱形巨富，同時經歷了冰火兩重天。車峰人稱「豬哥」（國語「車」讀音為「豬」），平頭裝高大威武，一身T恤平民服，腳踩着一對布鞋，已成為佢嘅signature。雖出入私人飛機，講飲講食也只會收埋喺銅鑼灣私人會所，行徑異常低調。逍遙客偶而在朋友酒局中與他交流，豬哥總是客客氣氣，並無港人眼中強國土豪的氣焰。自平安保險大賺百億一役，豬哥將基地轉移香港，在IFC成立基金平台，曾幾何時與肥女股神交集甚深。論投資經驗和風格，豬哥算是紮實，就算數字王國也是收購全球領先特技動畫公司digital domain而來，當今《阿凡達》、《盜夢空間》等荷李活大片，無一不出自digital domain，並首創將鄧麗君復活的演唱會在台灣引起轟動。最近逍遙客「靜靜雞」試埋佢哋來自國防科技的360度攝影神器。戴上模擬實境的特製眼鏡，睇住NBA球賽，猶如置身現場，產品的確大有想像空間。近月連《華爾街日報》也大篇幅報導豬哥家族受查。咁有智慧的豬哥也會冒險回國，聽起來的確令人不解。這個年頭，很多紅二代和企業家都富甲一方，但好少冇背着「原罪」。所謂福禍相依，在習大大認真辦事的今天，真係邊個都唔敢話自己百分百安全，對比起來，香港仍是一片生意淨土，大家應好好珍惜喇！
中環寸嘴
工廈大王楊耀松長子，是各大有名食肆之VIP，喜歡研究城中富豪對食之要求，透過美酒佳餚，來細味人生百態。
侍酒師功力早兩個禮拜去九龍站102樓Tosca飲下午茶，隔籬天龍軒個Sommelier（侍酒師）Benson撲來同我打招呼，話淨係想見吓我一面，真抵死！唔知嘅以為我斷背添呀。呢啲喺舊文華做過十幾廿年嘅人，級數係唔同啲，佢招呼過戴安娜同戴卓爾夫人o架。睇吓人哋魅力，張國榮跳樓前都同佢打個招呼，有次利孝和夫人喺文華落樓梯差啲跌親，好在佢撲上前做人肉地氈咋，嗱，呢啲就係貼身招呼啦！福臨門啲茶居要學吓。今次即管去天龍軒幫襯吓囉，咁啱個廚用1998 Chateau Montrose紅酒設計咗套餐，包埋支酒，個餐每位$1,388，我三條友食，支酒都值三千銀啦，咁樣成支酒都賺返來啦，正所謂，口中冇數，心中有數！咁就開多支白酒啦，個衰鬼介紹我飲支liquid gold Chassagne-Montrachet Vieilles Vignes 2008，仲講埋古仔我聽，話呢支酒啲提子來自15年老葡萄樹，夠成熟，啲根生落較深泥土，味道濃好多，顏色仲似黃金！做食肆，Sommelier好緊要，係酒水先賺到錢o架。鬼唔知自己帶酒去好過喺度叫咩，Sommelier識得神化支嘢，跟佢學吓嘢，當交學費都要啦。
盛世佳人
透過亞視製作嘅《感動香港》，王征認識到華懋慈善基金董事龔中心（Molly），王征最心儀嘅亞視買家就係華懋，只是Molly姐有心無力，華懋慈善基金只係家姐龔如心的遺產信託人而唔係受益人，Molly遂介紹其他潛在買家予在WeChat以「盛世佳人」為名字的王征。
金牙大狀講嘢
萬惡樓為首香港人早有樓奴之稱，新近有關婚外情之研究又顯示，層樓更加累到唔少人婚姻破裂。何以故？負責研究之郭志英指出「唔少港人為咗『買樓上車』而延遲結婚」，其間感情不難轉淡；加上工時長，夫妻缺乏溝通機會，同事或朋友反而成為傾訴對象。慢吓手，咁就搞出婚外情矣。果如此，無論係為咗促進家庭或社會和諧，官家實大條道路辣招頻出，打擊樓市。只可惜愈係出招，樓價愈升，後果之一肯肯定令人愈來愈遲婚、愈來愈多婚外情。萬惡以樓為首，釜底抽薪，莫非係將所有嘅樓國有化，等啲人從此冇得炒？真係咁做，啲人又肯唔肯過你呢，又？
健康Express醫療新知：午睡20分鐘提升記憶力
1 :
GS(14)@2014-09-16 21:51:26美國有研究發現日間小睡片刻有提神醒腦、改善記憶的功效，但午睡太長則可能加劇失眠，關鍵是只能睡20分鐘。研究將工作6小時的參加者分成三組，第一組人在接受記憶力測試前沒有午睡，第二組在測試前午睡20分鐘，第三組測睡1小時以上。測試結果顯示，第二組參加者比其餘兩組人成績超出20%，當中又以在午睡時能熟睡的參加者頭腦最清醒，記憶最好。研究人員指出，正常生理時鐘在凌晨3至5時及中午過後，會出現較強烈睡意，因為一種調節腦部神經的傳導物質會大量積聚，小睡片刻可迅速清除，但日間睡太多，會令這種物質失調，導致夜晚「眼光光」。
來源:
http://hk.apple.nextmedia.com/news/art/20140916/18867858
【每日健康】午睡咪太長 15分鐘最合適
1 :
GS(14)@2016-05-26 17:29:49日日返十九幾個鐘工，又要面對老闆，又要應付同事，又要招呼客人，不是人人都可以全日維持充足能量。所以中午眠一眠，對部份人非常重要。記者有時太疲累，都會放棄午餐，寧願瞓覺。不過有時午睡時間太長，醒來感覺比未瞓更疲倦，到底點解？
譚醫師說，午睡要睇時間睇鐘數，大約中午11點至1點，是最佳時間。因為這段時間，氣血循行到心經位置，可以補心養心。午睡時間不要太長，大概15分鐘至20分鐘就足夠。因為睡眠時，臟腑處於一個休眠狀態。人有惰性，臟腑功能氣血功都有惰性，如果午睡時間太長，臟腑長期休眠，再醒來時人便會昏昏沉沉，需要一點時間喚起精神。所以午睡15分鐘就最適合，不要貪心多睡，夜晚反而瞓唔着，第二朝又無精打彩，惡性循環。資料來源：廣州中醫藥大學譚莉英博士記者：李聰
來源:
http://hk.apple.nextmedia.com/su ... t/20160526/19627476
世界午睡文化開會「釣魚」代表好勤力？
1 :
GS(14)@2016-09-13 08:04:18午後吃飽如果可以眠一眠，的確是樂事，午睡絕對不是中國人「專利」，歐美和亞洲國家都各有自己的午睡文化。西班牙有著名傳統「Siesta」，即午睡的意思；午飯過後，當地一般店舖都關門；去年，阿多爾小鎮更宣佈，下午2時到5時為官方午休時間，大人要回家休息，小孩不準出外玩。雖然這不是強制規定，但可見西班牙努力捍衛午睡的權利。說到最有霸氣應是日本人，他們有「居眠」文化，隨時隨地在列車，開會、上堂期間睡覺，大家不會覺得是懶惰，還認為這是因為工作太勤勞，所以這麼累。而老闆開會打瞌睡，更是自信的表現。而美國雖然沒有午睡傳統，但近年不少大公司如Google、 P&G等，會在辦公室添置「能量睡椅」。德州大學還整埋午睡地圖，推介午睡好地方。午睡有益身心，不少研究指每天午睡20分鐘，可增加專注力和記憶力，一星期三次，更可減低心臟病死亡率37%。不過，如果睡超過30分鐘，就會進入深層睡眠，醒來迷迷糊糊，狀態比沒有睡還差。
來源:
http://hk.apple.nextmedia.com/international/art/20160913/19769034
Next Page