【天氣涼了】熱朱加薑加威士忌記者試飲：出奇地幾好味
1 :
GS(14)@2016-11-25 07:37:38今個冬天，大家應該試試獨特口味熱朱古力，唔好再係加棉花糖咁悶。
冷鋒殺到，又係時候享受下熱朱古力嘅溫暖。你仲飲緊熱朱加棉花糖咁out？記者今次就搵左幾個試食烈士，試下幾款新奇口味熱朱！
Level1：熱朱+百力滋做法好簡單，放幾支你鍾意嘅百力滋落熱朱攪啊攪，百力滋上面嘅朱古力就會溶入熱朱。喜歡的話，仲可以削幾塊朱古力落去，增加風味。試食記者Ellie：有咬口，因為有啲百力滋碎，整體來說好match，好飲！
Level2：熱朱+薑記者用新鮮薑刨出薑蓉，加你喜歡嘅份量落杯熱朱度，薑味熱朱就大功告成！試食記者Amy：嘩好難飲！試食記者Daisy：幾好味啊！薑和朱古力本來就好夾，朱古力嘅甜，會減輕薑嘅辣味。
Level3：熱朱+辣椒粉墨西哥人其實好鍾意加啲辣椒落熱朱古力，飲落有少少辣幾過癮。我哋就做個簡易版，加辣椒粉攪拌，再放兩片新鮮辣椒。試食記者Daisy：睇落似足一杯cocktail又幾搞笑！雖然話係辣，但都仲飲到朱古力嘅奶香，加上朱古力甜甜地咁，中和咗辣椒嘅辛辣。
Level4：熱朱+威士忌打大佬，加啲酒啦！先預熱適量嘅威士忌，加啲楓糖漿調味，再加啲肉桂粉添！暖入心啊！試食記者Vincent：真係幾好味，朱古力同威士忌原來好夾，仲好易入口。各位睇過評語，今個冬天可以試下新嘢啦。記者：黃凱婷
熱朱+百力滋：做法好簡單，放幾支你鍾意嘅百力滋落熱朱攪啊攪，百力滋上面嘅朱古力就會溶入熱朱。喜歡的話，仲可以削幾塊朱古力落去，增加風味。
熱朱+薑：記者用新鮮薑刨出薑蓉，加你喜歡嘅份量落杯熱朱度，薑味熱朱就大功告成！
熱朱+辣椒粉：墨西哥人其實好鍾意加啲辣椒落熱朱古力，飲落有少少辣幾過癮。我哋就做個簡易版，加辣椒粉攪拌，再放兩片新鮮辣椒。
熱朱+威士忌：打大佬，加啲酒啦！先預熱適量嘅威士忌，加啲楓糖漿調味，再加啲肉桂粉添！暖入心啊！
試食記者Vincent：熱朱加威士忌又真係幾好味，朱古力同威士忌原來好夾，仲好易入口。
來源:
http://hk.apple.nextmedia.com/su ... t/20161125/19844812