趙頌茹惹菌入眼
1 :
GS(14)@2016-06-06 03:03:15趙頌茹（Yu）昨日在灣仔接受吳綺莉為dbc數碼電台主持的節目《越界傾情》訪問，阿Yu透露被囡囡傳染，患上感冒，更細菌入眼，已連續發燒5天。提到正辦離婚的丈夫周永恒早前自爆去幼稚園接大女信希放學，阿Yu說：「唔答關於佢嘅嘢，唔想影響小朋友同學校。」此外，吳綺莉早前豪擲1,575萬購入大坑低層單位，她指本月中才收樓。至於大埔的物業，暫未決定租出或賣：「個女兩年後去外國讀書，佢叫我要對自己好啲。囡囡而家要考試，我唔敢煩佢，佢竧到爆，因為上年發生好多事，甩咗好多功課，而家要追番。」採訪、攝影：黃曉妍
來源:
http://hk.apple.nextmedia.com/entertainment/art/20160602/19637163
【馮仁昭四圍超】親身上陣槍戰戲 古天樂玻璃碎入眼
1 :
GS(14)@2016-07-13 05:15:47■古仔吊咗半日拍呢場拯救戲。
導演杜琪峯、游乃海聯合監製，趙薇、古天樂同埋鍾漢良等演出嘅電影《三人行》聽日上映。今次古仔飾演追捕悍匪鍾漢良嘅警察，其中一場講述鍾漢良喺醫院逃走，由高處墮下受傷，古仔基於警察救人天職所以最後都要救佢。嗰場戲講古仔一手捉繩索一邊落手銬捉鍾漢良，至於用嚟救命嘅消防喉忽然下墮，認真驚險。事實上拍攝背後都係好驚險，鍾漢良因為要長時間倒吊充血，搞到塊面第二日爆微絲血管，但點傷都唔夠古仔差啲盲眼咁慘。
■古仔因為拍呢場槍擊戲份，玻璃碎入咗眼而差啲盲。
趙薇虛脫
話說古仔有場同鍾漢良互相開槍戲，仲有玻璃破裂場面，古仔話：「拍完之後好似覺得有啲玻璃入咗眼，我用水洗，過咗四、五日再去睇醫生，要挑起眼皮攞番啲玻璃碎出嚟，醫生話都好彩係幾日，如果唔係會割傷眼球角膜。」唔好以為淨係兩位男主角辛苦，其實趙薇喺倒吊嗰場戲要拉住條消防喉救兩位男主角，之後佢都話好似虛脫咁。另外，今個暑假檔古仔有多部戲同時上映，其中《使徒行者》日前拍攝海報，演卧底釘姐嘅佘詩曼有多款揸槍造型。阿佘戲中又會同上司吳鎮宇有曖昧，不過鎮宇話拍之前話會有激咀戲，點知出嚟效果俾電視劇仲保守。撰文：馮仁昭
來源:
http://hk.apple.nextmedia.com/entertainment/art/20160713/19692147
濕手戴contact lens引蟲入眼咁得人驚？
1 :
GS(14)@2016-09-23 08:09:51為了方便及美觀，許人都選戴隱形眼鏡。惟戴眼鏡時應注意衞生，否則後果嚴重。台灣早前有一名女子，戴隱形眼鏡時因貪圖方便，每次只用自來水稍微沖雙手，未有?乾便拿起隱形眼鏡。女子眼睛未幾感到疼痛，求診後證實眼角膜感染阿米巴原蟲，出現潰瘍，幸好及時發現，眼睛得以無恙。眼科專科譚德祐醫生表示，自來水含不同細菌，如配戴隱形眼鏡期間，濕漉漉的手隨時讓眼部受感染，後果可大可小。因手部不潔配戴隱形需令眼鏡受感染個案屢見不鮮，尤其那些非即棄的隱形眼鏡，如衞生情況欠佳，感染機會更大。譚德祐認為，戴隱形眼鏡除了妥善洗手和抹手外，亦應用手指未端托起戴隱形眼鏡，而不可用指甲拿起隱形眼鏡，為因指甲縫隙一般較難清潔，藏有細菌而不自知。如果眼部不適，應立即求診，因為眼角膜受感染，出現潰瘍，或會繼續擴散，令眼角膜損傷至不可挽求的地步。《蘋果》記者
來源:
http://hk.apple.nextmedia.com/international/art/20160923/19779606
Next Page