隔牆有耳：離開TVB做財金界女強人嘉儀BB淚別粉絲
1 :
GS(14)@2015-03-27 00:55:40
■嘉儀BB噚日last day，眼濕濕咁拎住個「主播女神」蛋糕影相。
「今朝係我最後一次喺《香港早晨》同大家見面喇，多謝過去咁多年嚟嘅支持，祝你哋以後每朝都有個美好早晨，再見。」就喺呢一句，傷盡唔少宅男心。現年32歲嘅無綫主播女神周嘉儀噚日last day，告別工作十年嘅TVB，稍後變身財金界女強人，唔知會唔會因新形象有更多粉絲？
■佢fb仲貼咗張着白色短裙嘅揸機相，網民大讚好pure好true！
曾與許方輝傳緋聞
有新工兼且前景咁好，嘉儀BB呢次跳船係好事，難怪噚日着到成個大紅利是封咁主持最後一次《香港早晨》，同朝朝聽完佢把聲先肯返工嘅粉絲say goodbye，更同另一主持陳聞賢鏡頭前握手。佢之後喺facebook貼咗張寫住「主播女神嘉儀BB」蛋糕嘅相，對鏡頭甜笑嘅佢明顯眼紅紅兼有淚光。嘉儀BB喺03年就讀浸大新聞系時，已經喺無綫新聞部做實習記者，畢業後轉為全職主播，因為清純外表俘虜唔少宅男歡心，但前年同已婚男主播許方輝傳緋聞，令清純形象扣咗少少分，之後被調離《六點半新聞報道》同被休假兩周，當時有傳佢想走人。八方噚日問過嘉儀BB，佢證實會轉去興證香港做市場推廣，佢話「好多謝觀眾歷年嚟嘅愛戴」，喺TVB亦獲益良多，稍後會先專注金融推廣工作，如果有其他配合形象又合適嘅工作亦會嘗試。唔少佢嘅粉絲則留言話不捨，但亦恭喜佢離開花蟹掌控下嘅CCTVB。李八方
mailto:
[email protected]
來源:
http://hk.apple.nextmedia.com/news/art/20150326/19090544
不熟財金 被斥未夠班 大堆醜聞 陳茂波做財爺
1 :
GS(14)@2017-01-18 07:57:20■接任「財爺」的陳茂波（左）昨出席活動時喜上眉梢；至於未能坐正的陳家強表示，換人不影響預算案工作。王子俊攝
【特首戰開打】【本報訊】被視為特首梁振英心腹、被劏房囤地醜聞纏身的發展局局長陳茂波昨在爭議聲中接任財政司司長，政務司司長則由勞福局局長張建宗接任。對於民望排尾二卻「升呢」做財爺，陳茂波指會全力以赴，希望大家給予機會：泛民批評陳茂波欠缺誠信、亦不熟悉財金事務，質疑他未夠班，「排隊都未排到佢」。記者：鍾雅宜
政府昨公佈主要官員任命，指中央免除林鄭月娥及曾俊華的司長職務時，接納梁振英建議任命張建宗為政務司司長及陳茂波為財政司司長。現年61歲的陳茂波是「梁粉」，2012年特首選舉時任議員的陳為梁振英助選，有傳梁屬意陳出任財政司司長卻不成事，梁其後擬為陳度身訂做副財政司長一職，但改組政府架構建議卻因立法會拉布觸礁，令陳變「雙失」，及至7月底「執二攤」接替因醜聞下台的麥齊光任發展局局長；4年多後再度「執二攤」接任財爺，任期僅5個半月至今年6月30日。
陳家強未能坐正
陳茂波昨出席活動進場時「笑晒口」甚風騷，會見記者時指榮幸獲提名及委任，感謝中央政府和特首的信任和支持。被問及會否因民望低及無誠信受質疑，他指過去4年半與發展局同事齊心合力工作，希望大家給予機會。會否擔心不能留任下屆政府，他指「是否能夠繼續做，唔係最重要」，會竭盡所能工作。陳茂波又稱人選由中央決定，「我嚟之前同（財經事務及庫務局局長）陳家強傾過，佢全力支持我做好未來工作，相信會合作愉快」。他指認識對方已久，目標都是服務市民，最重要是籌備在下月22日公佈的財政預算案。陳又以司長身份發聲明指準備預算案時會尋求支援新產業，致力維持穩健公共財政。署任財政司司長逾月卻未能「坐正」的陳家強昨與陳茂波同場，多次被問到中央委任對財經不熟悉的陳任財政司長會否感到不被尊重時，陳稱，作為政府團隊一分子，任何情況下都會配合政府工作，財爺換人不影響預算案工作，現與團體着力準備，「會按住時間表順利咁做」，拒回應會否留任下屆政府。
民望低迷排尾二
在司局長民望排尾二的陳茂波被「升呢」惹各界不滿。公民黨黨魁楊岳橋不滿陳茂波的任命，批評對方欠缺能力及誠信，「佢任內出現官商鄉黑醜聞、土地問題又未解決」，質疑是中央「DQ」梁振英後給梁的安慰獎，若陳是財爺合適人選早已獲委任，要求潛在特首候選人交代若當選會否讓陳留任司長。民主黨尹兆堅指陳的任命反映高官馬房文化，質疑其能力，「排隊都未排到佢」，擔心他會延續梁振英路線。民主黨涂謹申亦指陳茂波非最熟悉財金事務的官員，民望長期處於低位，預算案諮詢至今均由陳家強等負責，委任陳難令人信服。民建聯主席李慧琼則指陳茂波有會計背景，相信他有決心為市民服務及做好預算案。
來源:
http://hk.apple.nextmedia.com/news/art/20170117/19899756