栢芝帶仔返港長住「碌昆」九月開學
1 :
GS(14)@2015-08-06 08:46:21栢芝自從2011年同前夫謝霆鋒離婚，一直帶住兩個仔謝振軒（Lucas）及謝振南（Quintus）過住「遊牧民族」嘅生活，前年傳佢同仔仔移居加拿大，又真係生活咗一排嘅，跟住上年就同仔仔再去新加坡住兼喺當地讀書，更不時被網民捕獲野生栢芝，成日帶埋啲仔仔去行街街買嘢，昨日有周刊指，栢芝今次同啲仔返嚟香港停留，係因為栢芝決定由新加坡回流香港，Lucas同Quintus亦順利考入同一學校。據周刊報道表示，栢芝早年曾幫大仔Lucas報讀沙田ICS國際學校，當時張堅庭同鄧萃雯幫手，搵牧師幫Lucas寫推薦信，Lucas都有去面試，最終都PASS唔到，不過今次栢芝想留喺香港長住，又要仔仔Lucas入ICS，今次搵咗鄭明明幫手，Lucas終於成功入讀，與同Quintus喺今年9月正式開學，到時一家三口會搬番香港，據知，呢間學校唔止學費唔平，要入讀都唔係咁易。其實栢芝同霆鋒離婚初期，Lucas當時考到入香港仔加拿大國際學校，不過嗰陣栢芝心情低落，成日帶住兩個仔周圍飛，就連去拍內地外景都要帶住啲仔，2013年喺加拿大國際學校開學日就缺席，校方要求家長解釋，兼落最後報到限期，點知栢芝仲潛埋水，Lucas最後被取消入學資格。目前Lucas同Quintus順利考入ICS，栢芝都決定同仔仔搬番去舊居世紀大廈嗰個過億元單位住，出入安排司機接送仔仔，周刊又指，栢芝一直想搬返嚟，因為家人都喺香港，起碼有咩事都有照應，得閒又可以見下佢教會朋友，返內地做嘢，都可以返嚟見個仔。話晒早前有傳栢芝同大佢12年嘅內地富商孫東海過從甚密，今年初更被內地傳媒影到栢芝喺北京工作，喺對方豪宅住咗2晚，據悉男方係為咗方便栢芝喺北京及新加坡往返，先專程喺機場邊買豪宅，依家搬咗返香港，返嚟似乎更加快。另外，栢芝今年三月仲用咗佢個姓氏，加兩個仔個名嘅單字，成立「張南軒」慈善基金添!
來源:
http://hk.apple.nextmedia.com/entertainment/art/20150806/19244934
【動畫】送仔返學追巴士慈父跑百米猝死
1 :
GS(14)@2016-12-01 08:06:35浙江杭州前日發生一宗致命悲劇。一名中年男子早上送兒子上學時，為追上巴士奮力跑上百米。豈料中年男子成功截車後，卻突然在巴士內倒下，再沒醒來。事發於當日早上接近8時，49歲的余姓男子送9歲兒子上學。據沈姓巴士司機憶述，在巴士站開車前，從倒後鏡看到一對父子匆匆跑上來。二人跑了近100米，終於追上巴士。沈師傅見二人上車始開車。二人上車後，男童坐在司機後面的座位，而余男則抓著扶手站在旁邊。司機當看到余男在口袋找東西，不知道找甚麼。巴士行駛約300米後，司機突然聽到巨響，停車後，看到余男仰面倒在地上。男童則大聲喊爸爸，又指父親的心臟不好。巴士乘客見狀，即時致電召護車，亦有人為余男做心肺復蘇。而余男兒子亦利用手錶電話致電回家。十多分鐘後，余男外父外母趕至，但由於事發時正藉繁忙時間，一直未見救護車出現，巴士司機決定開車到醫院。余男外父途中不停為女婿做心肺復蘇，因情況危急，巴士司機更連衝2次紅燈。經多方努力，余男終被送抵醫院，可惜最終返魂乏術。家屬透露，死者每日都會先送兒子上學，然後再上班。他的心臟一直不好，曾考慮做搭橋手術。急症科醫生根據死者的病歷和症狀，初步診斷為心梗導致的猝死。《錢江晚報》
來源:
http://hk.apple.nextmedia.com/international/art/20161201/19851654
阿仔返學遲到點算好老竇用直升機送咁離譜？
1 :
GS(14)@2017-03-23 06:51:09一般人遲到會選擇搭的士，但烏克蘭基輔一名小孩上學遲到，竟然有直升機送他回校！這名小孩是烏克蘭體育部前副部長帕利切夫斯基（Andrey Palchevskii）的兒子。早前有民眾拍到一架Robinson R22 Beta黑色直升機在停車場降落後，一名小孩馬上從直升機跑下來，並趕回學校。當時他就連校服都未穿好，恤衫明顯未楔入褲頭。直升機降落後，停泊在停車場內，未有即時飛走。事後帕利切夫斯基未作回應。事件引發網民熱烈討論，不少網民指孩子的父親過份溺愛及縱容兒子，但有人叫網民不要妒忌別人，「人們負擔得起又與你何干」。亦有人質疑這是否電影情節。英國《都市報》
來源:
http://hk.apple.nextmedia.com/international/art/20170323/19967606
Next Page