| ||||||
裁 員之聲滾滾來，但數碼通（315）阿媽新地（016）上個月講明，唔單止冇計劃裁員，仲會繼續派發花紅同雙糧；個仔數記就更加進取，打算明年會加人工o 忝，不過CEO黎大鈞都好坦白，話加就唔會加好多，但至少追得到通脹。華華相信班夥計聽到都安樂晒，希望其他企業有樣學樣啦。金融海嘯襲港，企業開始緊縮 開支，出差傾生意自然可免則免，黎大鈞話，好明顯睇到打去海外，同埋手機漫遊通話量少咗，咪話對電訊公司生意冇影響。 講番數記，公司往年喺會展搞周年晚 會，今年就由各部門自己搞番，按人頭計每人畀幾嚿水，但要實報實銷，即係唔去就冇得攞。佢話一來慳唔少錢，二來圍內玩開心啲。數口雖然精，但應使則使，數 記噚日同愛立信宣佈推行全球首項MIMO先導計劃，簡單講即係用呢項技術提升傳輸速度同容量，不過o依家啲手機未必支援到新服務，即係話大家又要畀錢換機 先得囉！ | ||||||
| ||||||
| 東 亞銀行（023）噚日出年報，雖然08年賺少九成，但主席李國寶總薪酬有3350萬銀，比07年只係微跌1%。如果淨係計薪金連津貼嗰部份，寶哥哥同副行 政總裁彭玉榮舊年加咗約5%。兩人舊年都冇花紅，但就多咗認股權，所以總薪酬都冇乜點縮水。話咗做多3年先退休嘅寶哥哥，上年薪酬連津貼有830萬銀， 少咗花紅但有認股權補番，多咗151%，加起來總薪酬有成3350萬。 至於下個月退休嘅元老彭玉榮，08年薪酬連津貼加幅多過老細，有5.9%，呢啲時勢 打工仔冇減人工都偷笑，有咁嘅加幅直頭羨慕死人！加埋認股權多咗150%到1200萬銀，喺東亞最後呢一年袋走1610萬銀，比07年多近三成。彭玉榮退 休及時，等後浪（李家兩位公子）嚟頂住個金融海嘯，寶哥哥就冇咁好彩嘞！ | ||||||
| ||||||
| 龔如心千億爭產案男主角、「風水師」陳振聰擔任主要股東嘅宏霸數碼（802），噚日公佈喺香港上市後首份年報，年報風格繼續同上市文件一樣，以搶眼姣紫色做封面，不過華華最想知，作為陳振聰軍師嘅朱偉民，舊年有幾銀人工。 唔計購股權有加薪 據 年報披露，身為主席兼執行董事嘅朱偉民，08年合共得3283萬銀人工，較07年少8.9%，當中包括3195萬薪金連花紅，同埋86.6萬購股權福利 等。朱軍師人工減少，主要係因為公司削減購股權福利，較前年嘅445萬銀，大縮逾八成。其實唔計購股權福利，朱軍師舊年薪金連花紅比前年多36.5萬銀。 經濟不景，宏霸今年都審慎理財，末期息16.5仙，都係以股代息派發，希望留多啲現金「壓袋」。至於主要股東陳振聰因為冇title，所以冇人工收，以佢 持有26.7%股權計算，可以收取價值1023萬銀嘅股份。 華懋基金分股1058萬銀 朱軍師則揸住7.7%權益，可以攞到約 300萬銀股份，比起佢份年薪，唔算係大錢。至於已故華懋主席龔如心旗下嘅華懋基金，就持股27.6%，可以分到1058萬銀股份。宏霸上月中以介紹形式 上市，股價頭兩日一度急升超過兩倍去到23蚊，奈何後繼無力，噚日股價已落番6.82蚊。李華華[email protected] | ||||||
| ||||||
| 次 次睇上市公司年報，大家其實最鍾意睇啲高層究竟幾多錢人工，係咪物有所值，八卦之餘順便睇埋邊個係打工皇帝。今年嚟講，由於和黃（013）年報仲未出， 所以唔知已經幾多連冠、年薪過億嘅霍建寧大班可唔可以繼續「冧莊」。咁暫時邊個係最高人工「新人王」呢？已經唔係陳振聰軍師、宏霸（802）主席朱偉民 （3283萬元年薪），而係利福國際（1212）主席、人稱「細劉」嘅劉鑾鴻！ 爬陳振聰軍師頭 利福年報顯示，細劉年薪總額由 07年嘅1424.9萬，跳升到舊年6397.8萬銀；睇真啲，佢底薪398.8萬其實冇變，係公司以股份作為薪酬嘅部份大增，由前年1024.9萬加到 舊年5997.8萬。至於係咩原因令細劉加人工加到咁勁就無交代。值唔值呢個價，睇嚟要利福小股東評價嘞。講番霍大班，話時話，若果（若果咋！）超人因為 唔likey 3G搞到o依家仲未真正止血，又或者因為金融海嘯要縮皮，又或者業績倒退（啲分析員講咋！）而要減霍大班人工，話唔定一個唔覺意，佢份糧可能同細劉哥睇 齊……睇嚟舊年董事人工冠軍，可能有得爭噃。李華華[email protected] | ||||||
| ||||||
| 07年股市暢旺，基金公司惠理（806），主席兼執行董事謝清海人工鶴立雞群，超過2.5億銀，單係花紅都有2.34億，爬過晒其他打工皇帝，揮低埋和黃（013）大班霍建寧。可惜08年股市大跌，謝清海人工亦今非昔比，花紅勁減九成。 07年2.5億08年得番１億 謝 清海上年薪金連福利得番604萬銀，少咗69%成1318萬；花紅只有331萬，冇咗98.6%成2.3億銀，得番零頭。好彩佢多咗筆價值9606萬銀嘅 「股份基礎報酬」，其實係07年上市時向一眾高層派發嘅認股權，佢嘅人工先有番啲幫補，保持過億銀水平。埋單一計，08年1.05億銀，少咗58.4% 達1.48億銀。雖則謝清海人工勁減，但咁嘅時勢你減人哋都減，由於長實（001）同和黃未出年報，所以謝氏係咪要讓出打工皇帝個寶座，仲係言之尚早。 | ||||||
| ||||||
| 07年股市暢旺，基金公司惠理（806），主席兼執行董事謝清海人工鶴立雞群，超過2.5億銀，單係花紅都有2.34億，爬過晒其他打工皇帝，揮低埋和黃（013）大班霍建寧。可惜08年股市大跌，謝清海人工亦今非昔比，花紅勁減九成。 07年2.5億08年得番１億 謝 清海上年薪金連福利得番604萬銀，少咗69%成1318萬；花紅只有331萬，冇咗98.6%成2.3億銀，得番零頭。好彩佢多咗筆價值9606萬銀嘅 「股份基礎報酬」，其實係07年上市時向一眾高層派發嘅認股權，佢嘅人工先有番啲幫補，保持過億銀水平。埋單一計，08年1.05億銀，少咗58.4% 達1.48億銀。雖則謝清海人工勁減，但咁嘅時勢你減人哋都減，由於長實（001）同和黃未出年報，所以謝氏係咪要讓出打工皇帝個寶座，仲係言之尚早。 | ||||||
| ||||||
| 內地電訊業一哥中移動（941）噚日公佈08年年報，華華第一時間拎上手揭吓。雖然中移動舊年盈利升近三成，但差唔多全體董事凍薪，同小股東共度逆境，董事長王建宙人工更大減38%。 中移動董事凍薪 王 董舊年收入由前年嘅505.5萬減到314.6萬人仔（約357萬港銀），當中認股權報酬縮水近七成，得84.9萬人仔，底薪連津貼就有117.2萬人 仔，同前年不變。舊年年中加入嘅副董事長張春江，就120.6萬人仔（約137萬港銀），當中薪金連津貼及花紅各佔61.2萬同34.4萬人仔。阿里巴 巴（1688）噚日都公佈最新年報，主席兼非執董馬雲繼續唔收人工，只126.9萬人仔（約144萬港銀）嘅股權報酬，但比前年勁升七成，跑贏舊年 25%嘅盈利升幅。首席執行官衛哲收入亦大升67%至5890萬人仔（約6675萬港銀），當中95%係股權報酬，約5616萬人仔，比前年增逾七成。 任正非膺最具影響力商家 咁 啱噚日《財富》雜誌中文版亦公佈「中國最具影響力的25位商界領袖」排名榜，王建宙同馬雲齊齊上榜，分別排第7同20位。榜首係華為創辦人任正非，內房股 龍頭萬科總經理郁亮排第二，內地電腦一哥聯想（992）CEO楊元慶位列第4。李華華[email protected] 中國最具影響力商界領袖 第 1位人物：任正非公司：華為技術第2位人物：郁亮公司：萬科企業第3位人物：董明珠公司：格力電器第4位人物：楊元慶公司：聯想集團第5位人物：馬蔚華公 司：招商銀行第6位人物：侯為貴公司：中興通訊第7位人物：王建宙公司：中國移動第8位人物：張近東公司：蘇寧電器第9位人物：馬化騰公司：騰訊控股第 10位人物：王傳福公司：比亞迪第11位人物：何享健公司：美的集團第12位人物：俞敏洪公司：新東方教育第13位人物：傅成玉公司：中海油第14位人 物：史玉柱公司：巨人網絡第15位人物：劉紹勇公司：東航集團第16位人物：王林祥公司：鄂爾多斯第17位人物：任建新公司：中國化工第18位人物：寧高 寧公司：中糧集團第19位人物：曹國偉公司：新浪網第20位人物：馬雲公司：阿里巴巴第21位人物：李寧公司：李寧資料來源：《財富》（中文版） | ||||||