Soler勸G.E.M.多溝通
1 :
GS(14)@2015-04-22 22:40:22樂隊組合Soler昨日到商台宣傳新歌《一樣》，預計明年推出唱片，細孖Julio透露太太證實再懷孕，雖然大仔年紀小，不過感覺到將會做哥哥。提到憑《我是歌手》而爆紅的鄧紫棋（G.E.M.），現時由曾與他們搞到不歡而散的張丹做其經理人，更搞到是非纏身，對此Soler說：「去到邊都辣着？好似燒橋樑咁？同我哋以前情況都相似，關係同表達方式都似，曾有人講因為咁而唔搵我哋做嘢。我哋都有見過類似情況，當時覺得佢可能初初做未必明，但咁多年都係咁就唔知乜事。如果因為咁而影響G.E.M.就好可惜，有時態度、語氣可以揀，會有好啲嘅處理。我哋唔踩亦唔讚，但係覺得G.E.M.可以同公司多啲溝通。」採訪、攝影：王連連
來源:
http://hk.apple.nextmedia.com/entertainment/art/20150422/19120575
Soler邀中學生開騷
1 :
GS(14)@2016-03-06 03:14:41Soler昨日去到美孚Roadshow為下月27日於九展舉行的音樂會錄影宣傳，今次演唱會聯同林曉培及關楚耀合作演出，Julio指數年前曾與林曉培合作，而關楚耀是他們好友，所以促成今次演出。
Dino透露音樂會將以廣東歌為主，他們將會演繹張國榮一些經典作品，希望擦出火花。Soler正在一間中學教授合唱團，Julio說：「學生玩合唱團完全冇壓力，同時畀佢哋認識音樂，畀個環境佢哋發展，多接觸音樂上知識，希望有機會安排佢哋入我哋嘅騷演出。」採訪、攝影：張俊銘
來源:
http://hk.apple.nextmedia.com/entertainment/art/20160305/19516932
歌手唔易做蔣雅文移居台灣 Soler毁約破產
1 :
GS(14)@2016-10-27 06:02:40樂壇每年都有一堆新人冒出，好命嘅順風順水愈做愈紅，但事實有幾多個，紅到可以去紅館開騷？05年出道嘅側田，由06年至15年期間，先後6次踏足紅館開騷，相比起同年出道嘅歌手，側田呢張成績表算係好亮麗！但更多例子係，做咗幾年，撈唔起，自動人間蒸發，從此消失娛圈天與地！
Soler毁約破產澳門土生葡人組合，05年獲港台男新人銀獎同商台新人組合金獎。06年4月仿傚側田，出咗第一張唱片後，喺紅館開演唱會。年底同經理人公司要求解約，之後同經理人張丹不和對薄公堂。09年高等法院判Soler毀約，要向經理人公司賠償506萬元。12年由於Soler冇還款，被經理人公司申請破產。應昌佑做售貨員曾經係黎明旗下歌手嘅應昌佑，05年獲港台新人優異獎。但06年打後冇出過碟。事業上渾渾噩噩等運到嘅應昌佑，12年結婚14年做老竇，為咗搵奶粉錢，試過喺朋友時裝水貨店做sales同幫人設計網站。林苑側田舊愛05年獲港台新人優異獎。06年俾雜誌影到同側田喺屋企玩煮飯仔後，就冇乜聲氣，08年無聲無息下出過EP《我不快樂》。同側田甩拖後，09年有報導指佢喺大陸拍劇。但之後不知影蹤。蔣雅文移居台灣前英皇女子組合3T成員蔣雅文(Mandy)，曾獲新城勁爆新登場組合獎。但之後發展唔如意，08年5月離港，到台灣讀設計同做兼職。之後長居台灣，開設自家服裝品牌"Little Secret"，舊年元旦喺facebook宣佈已嫁生意拍檔鬍鬚男。
Kellyjackie一曲歌后當年憑一曲《他約我去迪士尼》成名，仲同陳慧琳合拍MV。但外人對佢嘅印象，止於此曲。14年打算轉型跟黃秋生學戲，又學雙節棍做「打女」，但樂壇成績暫時依然交白卷。
來源:
http://hk.apple.nextmedia.com/entertainment/art/20161027/19813410
Next Page