📖 ZKIZ Archives

港視絕路 DaDa前度轉行賣雞 半百艾威全裸賣身

2014-03-20  NM

政府攔路港視開台一波三折，一批由無線過檔投王維基的藝人被迫到走投冇路；當DaDa的前度、大隻仔李雨陽已轉行賣雞！由藝人變雞販，送貨派傳單一腳踢。至於開曬聲要賣錶賣車賣樓套現的艾威，已決定以半百之年拍全裸戲，賣埋身！拖喼送貨 唔想人停口停，李雨陽早於今年初已鋪定後路，聯同三個圈外朋友，合資搞網上雞檔，出售一款叫「原味雞」的有機冰鮮雞。為減低成本，轉做雞販的李雨陽放下身段，親自做埋送貨，希望借自己僅有的明星效應招客。「初頭開檔，李雨陽為咗賺得一蚊得一蚊，客人訂一隻雞佢都照送貨。因為要慳，所以唔租貨車，每次送貨都係自己攞住啲雞去搭港鐵。」知情者爆。還未拍完港視劇《大眾情性》的李雨陽，上週六（三月十五日）趁無通告，即抽空返去位於觀塘區工廈的冰鮮雞工場幫手。過不久，便見他拉住個大喼行去附近港鐵站。原來當日李雨陽約了客人在港鐵站交收，其間又主動教客人如何煮雞，有紋有路。 目標回本 送完貨返工場，轉個頭又攞住一大疊宣傳單張，出動到附近的瑞和街街市派。其間有接過傳單的師奶覺得眼前這個高大「雞佬」相當熟口熟面，一臉疑惑，但李雨陽不單沒有尷尬，反而食住上，落足嘴頭推介。記者上前訪問，李雨陽說用了六位數字投資，包括做宣傳及買密封包裝用的機器。至於一日究竟賣到幾多隻雞？他說：「而家一日賣六、七十隻，今年目標係一日賣四百隻，咁先回到本。每日香港市場可以消化二十萬隻雞，我哋希望將來可以做到佔市場百分之一，即係每日賣二千隻。」轉營做雞販，李雨陽放下自尊還要犧牲健碩身形。「自從做咗賣雞，我成日要向朋友推介搞試食，食到自己都肥咗廿磅。」 名廚代言 有機飲食大行其道，有名廚周中師傅做代言的「原味雞」來自東莞有機雞場，強調無激素之餘，賣點是「雞有雞味！」，售價每隻要八十八元，價錢比市場上普通冰鮮雞貴一倍。 艾威狂操等剝 李雨陽賣雞，身為港視烈士的艾威，在前冇去路之下，亦一股作氣。已經五十五歲的他，決定於下月開拍，與周柏豪合作的新片《陰陽大酒店》中全裸上陣，一脫求生。因為要剝，艾威近日更的起心肝搵老友錢小豪做教練狂操，銳意在一個月內減十磅踢走豬腩；每日操三粒鐘，包括跳繩、跑樓梯、踩車呔及打拳。年過半百仲要賣肉，艾威說：「我要用最佳狀態去面對一生最壞時刻，唔想全裸見大肚腩，我決定狂操展現肌肉，同時亦想話俾人知，有啲嘢係唔受年齡限制。」

輸完又嚟過 DaDa10萬掃股

1 : GS(14)@2011-10-04 21:35:43

http://m.sharpdaily.hk/detail.ph ... =462&category=daily
【本報訊】港股連環跌，昨日收市單日跌770點，觸發小型股災，很多投資股票的藝人均損手變蟹，但袁詠儀、周秀娜、陳靜（DaDa）及蕭若元等均看好後市，DaDa更跟股神畢菲特趁機撈平貨博反彈。
香港股市昨日收市下跌770點，失守17000點水平，跌至28個月來新低，不少有股票在手的藝人均損手爛腳，亦有人膽粗粗趁機執平貨。
百果園E神陳靜（DaDa）早前已在股市損失六位數字，她昨日於電話中說︰「今日我用接近六位數，入咗內房股嘅世貿房地產（813），我覺得地產股穩陣，又見股神畢菲特都開始掃貨，所以跟佢買。」蕭若元亦在微博中分析，股市稍後會有V型反彈，並透露已開始買貨，越跌越買。

袁詠儀揸交行港交所
有藍籌在手的袁詠儀輕鬆說︰「我都唔驚！我手頭上只有交通銀行（3328）同港交所（388），一日未賣都唔算輸，每年有息收，我當買股票儲錢。」周秀娜出席活動表示用過五位數買股票，用的是閒錢，故跌市也不怕。

---

2 : MrYeung(15476)@2011-10-04 22:06:45

內房咁多壞消息都話穩陣

---

3 : GS(14)@2011-10-04 22:07:41

2樓提及

---

內房咁多壞消息都話穩陣

佢那個老細想賣D蟹貨畀佢吧

---

4 : 龍生(798)@2011-10-05 02:14:04

噢....股市真黑暗....

佢聽周老師買反而可能仲安全少少....

---

5 : GS(14)@2011-10-05 10:51:32

4樓提及

---

噢....股市真黑暗....

佢聽周老師買反而可能仲安全少少....

周老師都跟到佢D人脈的，就只怕佢有無心

---

6 : 龍生(798)@2011-10-05 13:34:50

周老師同施念慈小姐咁熟....又點會未食過丫.....

---

7 : GS(14)@2011-10-05 16:43:25

6樓提及

---

周老師同施念慈小姐咁熟....又點會未食過丫.....

爆埋人地的媒人身份呢

---

8 : 龍生(798)@2011-10-05 16:57:35

係喎, 佢上次咁爆法, 真係靠害

---

9 : GS(14)@2011-10-05 17:02:15

8樓提及

---

係喎, 佢上次咁爆法, 真係靠害

點會呢，應該會更好生意至是

---

10 : 龍生(798)@2011-10-05 17:18:30

你對...試問我仲有咩野講呢....

---

11 : GS(14)@2011-10-05 17:28:22

10樓提及

---

你對...試問我仲有咩野講呢....

咁有無女會自動找C小姐?

---

12 : 龍生(798)@2011-10-05 17:38:25

下? 佢地個生意模式應該係....

C小姐找女女, 老闆找C 小姐吧

---

13 : GS(14)@2011-10-05 17:41:02

12樓提及

---

下? 佢地個生意模式應該係....

C小姐找女女, 老闆找C 小姐吧

C小姐佢會主動?

---

14 : 龍生(798)@2011-10-05 17:43:21

喂喂喂...我唔係局內人黎架.....我都係估架咋.....

---

15 : GS(14)@2011-10-05 17:50:17

你咁叻仔，有前途

---

16 : 龍生(798)@2011-10-05 18:15:56

---

17 : GS(14)@2011-10-05 18:21:06

點解呢，叫你做老細呀

---

18 : 龍生(798)@2011-10-05 18:24:58

若然有呢日, 我都唔介意駛多少少...
但而家咁環境, 我諗國金離我近少少....

---

19 : GS(14)@2011-10-05 18:27:39

國金大把人快過你啦，人數正快速增加中

---

20 : 龍生(798)@2011-10-05 18:30:19

唔好跳住呀....我要做第一個呀.....

---

21 : 亞力士(1473)@2011-10-08 03:03:21

dada 咪周生好buy個位

---

22 : 龍生(798)@2011-10-08 05:20:26

係呀係呀

我岩岩係老蘭, 撞到賤娜tim呀, 我居高臨下咁睇

個波似乎好堅硬....

---

23 : GS(14)@2011-10-08 09:06:34

21樓提及

---

dada 咪周生好buy個位

都是群埋那堆人吧

---

24 : GS(14)@2011-10-08 09:06:46

22樓提及

---

係呀係呀

我岩岩係老蘭, 撞到賤娜tim呀, 我居高臨下咁睇

個波似乎好堅硬....

賤娜一向都賤啦

---

25 : 亞力士(1473)@2011-10-08 11:15:03

22樓提及

---

係呀係呀

我岩岩係老蘭, 撞到賤娜tim呀, 我居高臨下咁睇

個波似乎好堅硬....

龍兄 個個週五去玩咁開心

濺娜有名係不倒胸

---

26 : 龍生(798)@2011-10-09 08:50:43

咁岩同朋友去RELAX姐...

個間似乎係喜愛夜蒲既唔知乜乜, 又蘇民峰, 丁子高

都幾多人....

---

27 : 亞力士(1473)@2011-10-09 18:58:38

上次剩睇 今次有冇收穫

---

28 : 龍生(798)@2011-10-10 00:54:18

無....都係去企左一晚而己....

---

29 : 亞力士(1473)@2011-10-10 23:23:31

企足一晚 仲話無收穫

---

莊家豐背正印偷食DaDa爆乳師妹

1 : GS(14)@2015-02-16 17:52:24

[table=100%][td=3,1][table=100%]2015-02-12 NM
[td=3,1]

現年三十歲，家族擁有逾八十億資產的莊氏集團二少莊家豐，一二年被踢爆一腳踏兩船，背正印○八年紐約華裔最上鏡小姐郭萱彤，偷食音樂才女林天愛，知衰莊家豐其後撇才女速飛美國箍煲。積習難改，莊家豐劈腿癮起，早前偷食DaDa模師妹、34D羅子喬，就算事後買定十二卡鑽戒求婚補鑊，難以再忍的女友都要走人。飛美箍煲

莊氏集團太子爺莊家彬，唔理老豆反對，跟年紀比自己大十一年的傅明憲姊弟戀多年，愛得專一，相反細佬莊家豐就見一個愛一個！一二年被爆劈腿，背正印郭萱彤（Katie）撻音樂才女，偷食斷正，為免影響形象，幫老豆打理家族生意，身為公司執行董事的莊家豐即時斬纜，重投正印身邊。「Katie次嬲到飛返美國，家豐知衰，即刻放低手頭工作，漏夜飛美國道歉，Katie見佢咁有誠意，覺得應該俾多一次機會佢，所以都原諒佢。」知情者說。

屋企短聚

定性兩年，直至早前在友人介紹，認識由澳門來港拍戲的模羅子喬，鑽石盤近在眼前，擁有34D導彈身材的羅子喬即抄牌，交換微信保持聯絡，不過莊家豐今次十分小心，甚少在公開場合見面，多數到女方香閨短聚。「Katie今次真係忍無可忍，家豐又出面搞搞震，之前次就話係才女，但原來男友同其他男人冇分別，只要大胸就手就得！知道女友收到風，家豐又出撒手，Katie媽咪面前發誓，話以後會好好對Katie，仲買隻十二卡戒指求婚。不過Katie話要hold住先，因為佢舊年年尾幫本雜誌影個好性感封面，跟住內地接多job同埋接到劇拍，Katie話會專心內地發展，同時睇家豐係咪有誠意改變，先決定仲係咪一齊。」被指介入莊家豐與郭萱彤，小三羅子喬表示遭鬧爆才被逼分開。「家豐同我講佢冇女朋友，如果我知佢有，都唔會同佢來往。後來有人instagram鬧我，叫我唔好纏住佢男朋友之類，我先知道佢應該有女朋友，於是就冇再聯絡。（佢有上去你屋企？）都上過一次，佢因為趕去一個event，我借地方俾佢洗頭。家豐係好善良好上進男仔。佢得閒會請我食飯傾心事，生日又會送禮物。不過件事之後，大家都冇聯絡，費時影響人感情。」羅子喬說。

---

DaDa賣冰菠蘿儲錢結婚

1 : GS(14)@2015-05-21 09:02:58

【準備嫁人】■DaDa的演藝事業半紅不黑，明年沒突破就叠埋心水結婚生仔。資料圖片


周秀娜僆模師妹、現年25歲的盧頌之（DaDa）和年長兩歲的同門猛男趙勁皓（King），前年合作電影《爆3俏嬌娃》撻着，相戀兩年多甜蜜蜜，她在今年情人節在Instagram貼出左手無名指戴上戒指糖，並留言：「Yes I do.」昨日她又自爆會做猴年新娘，在Ig留言：「想從前，想現在，想未來。我決定一年後嫁人去。」



■沒有工開的DaDa，昨日到青衣做小販賣冰菠蘿。互聯網圖片

■DaDa準備明年嫁給男友阿King即生B。資料圖片



記者昨致電DaDa，她直認恨嫁：「我都適婚，好想生小朋友，我同阿King都鍾意細路仔，不過我仲好鍾意演藝事業，我畀多自己一年時間睇吓有冇突破，一年後出嫁係我嘅目標，我希望結婚對象係阿King。」阿King是否已求婚？她說：「未呀。」DaDa雖不介意奉子成婚，但表示盡量不會太大意。阿King近年埋首健身院生意，他昨在電話回應：「我都鍾意小朋友，同DaDa有共識。」問到是否努力儲老婆本，他說：「盡力而為。」DaDa趁近期沒工開，到青衣戲棚做小販賣冰菠蘿，昨還把照片貼到Ig。採訪：比華利





來源: http://hk.apple.nextmedia.com/entertainment/art/20150521/19154599

---

陳達仁下月行禮　唔請DaDa

1 : GS(14)@2016-03-14 01:43:50

僆模盧頌之（DaDa）去年醉駕，當日同車的陳達仁不幸在意外中右手臂骨碎裂，最終要接受手術，死過翻生的新城電台主持陳達仁去年決定康復後即娶圈外女友Sonia Wong，原定去年11月在蘇梅舉行婚禮，但由於他手傷康復緩慢，被迫把婚期延到下月底，一對準新人日前到了韓國拍攝婚紗照。


■DaDa去年醉駕炒車令陳達仁右手臂骨碎裂。資料圖片


陳達仁昨日在電話中說：「4月30日喺一個私人會所搞，屆時宴請約250位賓客，婚宴開支走唔甩6位數字。」問到陳達仁會邀請DaDa出席婚禮嗎？他說：「未必，好尷尬。我哋已冇再聯絡。」陳達仁婚禮花車，他笑言有前科，沒朋友肯借，他自嘲：「我太惡名啦，租車算啦！」採訪：劉敏





來源: http://hk.apple.nextmedia.com/entertainment/art/20160313/19527332

---

關楚耀DaDa齋拖冇癮

1 : GS(14)@2016-09-17 16:15:52

陳靜（DaDa）、關楚耀、林家棟和孫耀威前晚在尖沙嘴出席電影《此情此刻》首映，關楚耀和DaDa在新戲飾演戀人，但兩人並無親熱戲，問關楚耀會否失望時，DaDa插嘴說：「畀吓面好喎！」關楚耀即識趣笑說：「得拖手，係有啲失望！」孫耀威帶女友陳美詩捧場，又再一次被問到何時結婚？孫耀威說：「婚結生仔我一定會做，有好消息一定會公佈。」採訪：張俊銘攝影：陳慧安




來源: http://hk.apple.nextmedia.com/entertainment/art/20160915/19770855

---

DaDa抗拒長輩湊孫

1 : GS(14)@2017-01-14 07:54:37

盧頌之（DaDa）懷孕7個月，預產期在今年3月，昨日她跟未婚夫趙勁皓（King）到商台接受訪問，表示稍後跟家人到台南旅行，因女兒已在腹中不斷踢腳，她已為女兒改乳名做「踢踢」。
DaDa及King打算在女兒百日宴當日補擺喜酒，更希望買樓，DaDa說：「我抗拒老一輩照顧BB，唔想要傳統思想，想用自己方式湊。」採訪：王連連攝影：沈健程




來源: http://hk.apple.nextmedia.com/entertainment/art/20170113/19894830

---

【馮仁昭四圍超】DaDa抱外甥女求愛：想快啲生

1 : GS(14)@2017-02-06 07:28:06

陳靜（DaDa）噚日拋胸露4寸事業線現身支持ViuTV活動，同場仲有鄧洢玲（阿旦）、王貽興、梁奕倫、余迪偉等節目主持。好耐冇露面嘅DaDa，帶埋3歲外甥女到場，但佢哋個樣有九成似，唔講仲以為係佢個女，DaDa話：「今個新年都湊女，?家係熟手保母，自己都想快啲生，要有段好姻緣先，我屬蛇，聽講今年姻緣、愛情、工作都好。」上年同台灣男友甩拖後，DaDa一直未有新戀情，佢自爆好心急想拍拖：「都停咗好耐，冇乜機會識新朋友，見嚟見去都係老朋友多，以前緣份都喺外地，?家想搵番香港男仔。」



■ViuTV噚日舉行記招，眾主持都有出席。

■阿旦低胸露bra邊，側邊又見帶。


搬返家飲靚湯


DaDa話想搵個男友可以幫手照顧到屋企人，如果過多兩年仲搵唔到嘅話，就會去相睇。而DaDa近半年搬返屋企同家人住，佢話：「冇個人特別原因，只係純粹可以互相照顧。最初都唔慣，獨立咗咁多年，?家一日三餐好幸福，日日有靚湯飲好溫馨，任何關係都畀唔到呢種感覺我，想儲多啲錢，買間大啲嘅屋同屋企人住。」另外，阿旦主持嘅《啪啪聲太好聽》會繼續拍多半年，節目探討性愛為主，其中一集講梁奕倫去一樓一撳鐘仔，阿旦自爆以前嘅男友曾經出軌偷食：「幾愛都會斬斷，唔可以忍一世，但女人都要自我檢討，可能性知識唔夠又或自己太差，男友先有機會外求。」撰文：馮仁昭




來源: http://hk.apple.nextmedia.com/entertainment/art/20170206/19919071

---

王宗堯蔡潔唔夠半年玩完《夜蒲》肉博舊愛DaDa

1 : GS(14)@2017-03-23 06:27:25

一講王宗堯，相信好多人第一個反應係：「男神呀！」身為男神，38歲嘅王宗堯嘅感情生活一向都大家關心嘅話題，而且佢嘅對象都一個其通點，就係身才非常好。
DaDa陳靜「百果園E神」呢個名係咪好耐冇聽過呢？不過DaDa呢個朵同身材真係一時佳話，佢同王宗堯08年喺朋友介紹底下認識，兩人拍拖一年幾之後就分手。之後喺11年拍《喜愛夜蒲》時，DaDa同王宗堯仲要拍肉博親熱戲，DaDa仲話冇尷尬好有默契o添。陳詩雅陳詩雅身為Angelababy師妹，喺15年就被影到同王宗堯喺街頭打得火熱，王宗堯仲好肉緊咁一手攬陳詩雅入懷，然後就啜啜，淨係睇字都有畫面呀唔係講笑。估唔到肉緊過後，王宗堯接受訪問時好老尷咁話：「認識很久的朋友…了解中！」
Christy黎紀君15年10月，王宗堯就承認「已封盤」同Christy穩定發展中，Christy本身讀書時期已經係ig女神，經常大方晒身材。不過到16年5月，王宗堯出席活動時殘爆認分手，仲話唔想變成敵人。蔡潔王宗堯同蔡潔喺16年7月被爆一齊，仲一齊去到數碼港玩航拍機o添。當時王宗堯仲要起唔到機，睇番都幾搞笑，不過此情此景o依家睇唔到喇。因為兩人拍拖唔夠半年就分手，王宗堯話自己係「被分手」，聯絡唔到對方，仲喺fb留言：「其實消失係咩玩法呢？」睇返咁多段關係，王宗堯都係傳被人飛，估唔到男神都有弱點；不過唔緊要啦，聽日一定會好天嘅。




來源: http://hk.apple.nextmedia.com/entertainment/art/20170322/19966340

---

金像獎紅毯惡鬥周秀娜真空吸睛　DaDa踩裙出醜

1 : GS(14)@2017-04-10 23:35:59

【真32D】■周秀娜以性感deep V真空凸點上陣。



【第36屆香港電影金像獎】由香港電影金像獎協會主辦的《第36屆香港電影金像獎頒獎禮》，昨晚在尖沙嘴文化中心舉行。賽前不少獎項得主都呼之欲出，反而紅地毯各女星鬥性感的角逐，更具瞄頭。封胸多時的周秀娜憑32D、真空凸點技術擊倒deep V的陳靜（DaDa），DaDa更因自己踩到裙腳、要在旁的林敏驄幫手。



年度影壇盛事《第36屆香港電影金像獎》，昨晚在尖沙嘴文化中心舉行頒獎禮。下午5時半紅地毯儀式開始，最先登場的是擔任紅毯司儀的黃宇詩，以性感deep V亮相，之後陳靜、入圍最佳新人的余香凝、周秀娜、湯怡等都性感登場。就連賽前影后大熱的周冬雨及文詠珊（Janice Man）都大晒平胸身材。論搶鏡要數久未性感、32D的娜姐，她一件Valentino黑色deep V皮上衣，搭配黑色長褲，雖略嫌未夠隆重，但性感度十足，成功擊敗同場多位低胸V領女星。


皮衫打底唔靚

娜姐接受訪問時說：「瘦咗咩？不嬲（身形）都係咁，其實套衫自己好鍾意，但因為買嗰時買大咗好多，改咗兩次先fit到身。」她又自爆今次是真空上陣，因為衣服質地是皮，沒有理由反地心吸力出現：「同埋皮嘅衫入面着乜嘢都唔靚，已經黐足膠紙好安全。」而疑似飛釘的DaDa跟林敏驄一同到場，拍照時DaDa踩到自己裙腳，旁邊的林敏驄看似幫手，原來是將DaDa的裙越拉越高，搞笑非常。DaDa澄清並非真空上陣，她說：「今晚件衫好多布，今日好熱，早知着少布啲。」



【抽裙】■DaDa疑似飛釘更被同行的林敏驄整蠱抽起長裙。

【湯碗】■有份演出《寒戰II》的湯怡谷盡湯碗胸，成功搶鏡。

【平板】■Janice Man有份提名女配角，身穿LV的她展示平胸的性感。


章子怡拒受訪

擔任表演嘉賓的章子怡事先張揚不做香港傳媒訪問，但就接受內地傳媒訪問，她表示看好《七月與安生》。同樣以表演嘉賓身份出席、上月涉刑恐被捕的關淑怡，在頒獎禮上唱出《擺渡人》主題曲《讓我留在你身邊》，及《美人魚》的《無敵》。閉關多時的她近日已開始活躍社交網，前晚貼出香港夜景，並獲網友留言鼓勵。



【最V】■衛詩雅力谷微乳，成為紅地毯大deep V女郎之一。

【中庸】■人妻楊千嬅以tube dress配過千萬珠寶首飾。

另外，多位有份擔任頒獎嘉賓的新聞人物如成龍及即將註冊結婚的郭富城，都避上紅地毯，以免在場受記者追訪。就算踏足紅地毯的趙薇，因擔心被問到有關生意夥伴肖建華的問題，亦拒絕接受訪問。任達華跟太太琦琦擔任最佳衣着獎評審，他們分別選出余文樂及金燕玲獲最佳紅地毯衣着獎。採訪：張俊銘、盧妹、馬建華攝影：仇志德、陳順禎、陳慧安


■表演嘉賓章子怡一早聲明不接受香港傳媒訪問。

■余文樂與金燕玲這對「母子」齊奪最佳紅地毯衣着獎。

■周冬雨（中）難得性感跟導演曾國祥（右）、監製陳可辛及竇靖童到場。



來源: http://hk.apple.nextmedia.com/entertainment/art/20170410/19985128

---