Polynoma de Amor 順叔
1 :
GS(14)@2012-08-14 11:05:13http://caijingcarefree.blogspot.hk/2012/08/polynoma-de-amor.html
聽到「Polynoma」呢個字，千奇咪心邪，唔係潮洲粗口「補你阿嬤」，亦唔係「亂尻咁愛」(Polyamory)。
「Polynoma」呢個字，長江生命科投(0775)管理層掛在咀邊同埋年報，已經好多年，Polynoma LLC聽講做「針對治療皮膚癌之黑色素瘤疫苗研發」，已經得到美國FDA獲准，進行第三階段臨床試驗，預計在歐美招募超過1,000個病者，首名病者已經接受疫苗注射添，最幾個月，仲搵咗件活躍於醫藥風投的「Dr John Chiplin」做CEO。
咁突破性進展，長命當然要搞嚇動作，啱啱出份通告，話Polynoma LLC已經準備在Nasdaq上市。任何一間科研創投，仙女散花買100件嘢返來，其中一件修成正果已經可以回本有凸，但係長命上市超過10年，蛋都唔見生一隻，其他創投風投基金，晨早已經冇命被抄魷。
而家長命終於有可能生仔，，市場當然可以當係好消息，不過，如果參照長命個哎吔「家姐」TOM仔(2383)的經驗，時而Online時而Offline，又分柝又私有化的成長歷程睇嚟，長命分拆Polynoma LLC，即係代表私有化的機會大大降低。
長命當日市值一度高達200個億港元，Polynoma又值幾多個億？
Polyamory is wrong. 係咩？
作為最綜合的綜合企業，長和系小股東，當然希望管理層乜都識乜都愛，地產de Amor，電訊 de Amor， 港口 de Amor， 零售 de Amor， 石油 de Amor， 互聯網 de Amor．．．
Polynoma de Amor，囉。
2 :
GS(14)@2012-08-14 11:06:25http://www.businesswire.com/news ... .D.-Chief-Executive
Polynoma Appoints John Chiplin, Ph.D., Chief Executive Officer
Company Advancing Phase 3 Melanoma Cancer Vaccine Program
http://www.polynoma.com/
網站
3 :
GS(14)@2012-08-14 11:07:48匿名2012年8月13日 下午1:43
CK Longlife is my first and the best stock I have ever bought. I plan to keep it for the rest of my life and leave it as a gift and heritage to my offsprings! With CK, you have longlife!
回覆
PandaBear2012年8月13日 下午3:03
網誌管理員已經移除這則留言。
回覆
回覆
順叔2012年8月13日 下午3:11
PandaBear巴打，我未搞清楚網友留言的法律責任，安全起見，你的留言我刪除了，請勿見怪。
順叔2012年8月13日 下午3:19
PandaBear巴打，涉及醫藥產品安全的問題比較敏感，你的留言我已存底，待我問過朋友有冇問題後，會再Repost上嚟，once again，唔好意思．．．
PandaBear2012年8月13日 下午3:26
作者已經移除這則留言。
回覆
PandaBear2012年8月14日 上午12:12
小弟上次『流言』，吹水後要順叔抹嘴，實在是『不該』啊，請原諒。這次我會比較資料性地吹水，希望唔會令順叔帶來麻煩（請刪除原文）。
癌症藥要在美國審批，臨床測試有三個階段。第一階段看會不會食死人，第二階段看是否有效，第三階段大量增加測試病人。如無意外通過就可以賣。Polynoma 網頁上講有和GMP（代工藥廠）合作，但到了第三階段測試也無和大藥廠合作或注資，有反一般行內做法。
通常開發新藥是非常高風險的生意，未賣一粒藥就已經要用過億開發，如果毒性強根本唔會批或者上貨架後有嚴重副作用也要停賣同打官司（如Vioxx)。大藥廠依賴頭十幾年轉利權，要賣夠本回本同開發下一個藥，如果開發唔到就要收購或合拼其他藥廠。所以你話癌症藥一年療程賣幾萬美金，都有其理由。
Polynoma到第三階段還無賣盤與其他大藥廠，反而搞IPO，有反常規。皮膚癌藥有幾大市場可以賣幾多錢一個療程？有無其他藥或療程更好更平？Polynoma無現成大藥廠的銷售隊伍如何請醫生吃飯灌酒？有無繼續開發其他藥？這些都是該留意的問題。
回覆
回覆
順叔2012年8月14日 上午8:35
哈哈，PandaBear Bro，在乜事力場下生活，唯有這樣了。你的留言，禾已分享到財經茄哩啡的Facebook版面，相信你不會介意。
蝸牛2012年8月14日 上午9:15
趁仲有fantasy的時候做IPO嘛。
4 :
GS(14)@2012-08-14 11:08:44財經茄哩啡 【轉貼】網友PandaBear在Blogger的留言:
「小弟上次『流言』，吹水後要順叔抹嘴，實在是『不該』啊，請原諒。這次我會比較資料性地吹水，希望唔會令順叔帶來麻煩（請刪除原文）。
癌症藥要在美國審批，臨床測試有三個階段。第一階段看會不會食死人，第二階段看是否有效，第三階段大量增加測試病人。如無意外通過就可以賣。Polynoma 網頁上講有和GMP（代工藥廠）合作，但到了第三階段測試也無和大藥廠合作或注資，有反一般行內做法。
通常開發新藥是非常高風險的生意，未賣一粒藥就已經要用過億開發，如果毒性強根本唔會批或者上貨架後有嚴重副作用也要停賣同打官司（如Vioxx)。大藥廠依賴頭十幾年轉利權，要賣夠本回本同開發下一個藥，如果開發唔到就要收購或合拼其他藥廠。所以你話癌症藥一年療程賣幾萬美金，都有其理由。
Polynoma到第三階段還無賣盤與其他大藥廠，反而搞IPO，有反常規。皮膚癌藥有幾大市場可以賣幾多錢一個療程？有無其他藥或療程更好更平？Polynoma無現成大藥廠的銷售隊伍如何請醫生吃飯灌酒？有無繼續開發其他藥？這些都是該留意的問題。」
2小時前 · 1