【先煲為快】5GB數據卡睇大台 夠睇幾耐？
1 :
GS(14)@2016-03-17 14:53:40早前3香港在街上派5GB的4G數據儲值卡，讓電視迷觀看myTV SUPER，但到底5GB的容量代表可以睇幾耐呢？夠唔夠看一整套的劇集呢？記者特意做了一個測試，發現一張5GB卡睇得6小時左右的myTV SUPER劇集！記者先將手機的數據用量歸零，然後看了一小時myTV SUPER的節目，整體來說都算流暢，但到底用了多少數據？以今次為例，觀看一小時節目大約用了835MB數據，以SIM卡身提供的5GB來計算，大約看6小時8分鐘左右便會用完5GB；如果以本地節目，每集大約45分鐘的話，則就可看到大約8集左右。此外亦要留意，此儲值卡只有數據，並不能通話。不過如果只是為看大台的myTV SUPER，每次都要換一張不能撥電話的SIM卡，會否很傻呢？覺得傻的話，不妨嘗試將卡放出，記者於網上發現此卡有輕微炒價，大約炒到100元一張，不過暫時未知有冇成交喇。記者：方健銘
用家需要用手上的SIM卡去做啟動，才能登入myTV SUPER。
記者實試觀看一小時節目大約用了835MB數據，卡身本身有5GB來計的話，大約看6小時8分鐘左右便會用完5GB。
此儲值卡只有數據，並不能通話。
來源:
http://hk.apple.nextmedia.com/su ... t/20160317/19532521
數碼通旗下自由鳥推5GB免費試用
1 :
GS(14)@2018-02-04 20:57:59【明報專訊】自從殺價超人嘅出現，唔經唔覺香港嘅電訊商已經斷斷續續打咗十幾年減價戰，而噚日再有新兵加入戰場！「新」電訊品牌自由鳥Mobile宣布，進軍本地流動電訊服務，仲提供免費試用數據優惠，直言主攻千禧世代。
不過，自由鳥Mobile 其實係上市嘅數碼通電訊（0315）旗下嘅新品牌，自由鳥Mobile總經理劉理國（圖右二）強調，兩個品牌係姊妹公司，獨立運作，不過數碼通會提供本地網絡支援畀自由鳥Mobile。劉理國仲話，用戶可以全程網上上台同處理帳戶，SIM卡會直接寄畀用戶。值得留意嘅係，用戶即日起至2月24日登記，可以喺1月26日至2月25日、同埋2月26日至3月25日期間內，每個期間可以免費用5GB 嘅4G數據（21Mbps）同1000分鐘通話；至於之後係點就冇講嘞。
[小琴密語]
來源:
http://www.mpfinance.com/fin/dai ... 8505&issue=20180130
【新電訊商參戰】登記即送3個月5GB流量 無合約互傳分享數據
1 :
GS(14)@2018-02-04 23:21:09一間全新電訊商「Birdie」啱啱喺灣仔搞咗個記者招待會，公佈將會加入香港嘅電訊商市場！
官方強調「Birdie」暫時會有三個賣點，分別係：「無合約」，「無行政費」同「數據P2P」。不過點樣無合約同無行政費但又有咩服務，官方就話要賣個關子，等遲少少先可以再公佈，但「數據P2P」就有詳細解釋。簡單來講係可以將用唔晒嘅Data，經過「Birdie」嘅App過給你嘅朋友。最低限度要轉移0.5GB，但就無上限，同一般開行動熱點Share網絡給朋友不同，係真真正正唔需要經你手機，就可以分享Data給朋友用喇！
Speed Test平均速度上下載都有18Mbps。
登記流程：先上官網或者App Store搵「Birdie」嘅Apps。
進入App後登記。
硬料講完點都會派少少糖吸引人試用嘅，由即日開始直到3月25日，只要登記成為會員同使用「Birdie」嘅Sim卡，就可以每月免費使用5GB流量(4G LTE21Mbps)，方法都幾簡單！只要Download佢哋個App（暫時iOS可於App Store下載，但Android就需要上官網搵喇)，以身份證同Email進行登記，再去Email核實身份再依指示綁定Sim卡就可以開始試用。只要在登記時填上地址，官方就會將Sim卡直接寄給你，門都唔使出添。
自行選擇隨機出現號碼為你手機號碼（可以設定隨機出現電話必須包含一個自選數字，如8)。
填上各人資料就完成
登記方便不復雜，只需要簡單個人資料就可以，不過大量記者於登記後收不到驗證電郵，需要手動要求電郵再次寄出。而速度方面，記者於同一地方做了7次Speed Test，除了第一次沒有記錄的測試上載速度為6Mbps之外，其餘6次上下載速度平均都有19Mbps，相當不錯。不過有一點需要留意，因為「Birdie」賣點之一「數據P2P」服務的出現，咁係咪「Birdie」將唔會有無限Data Plan？官方就話暫時無可奉告，連之後嘅收費內容都唔講，只係話會有震撼價推出，大家拭目以待喇！
App內容都清楚，淨番幾多Data，同朋友間嘅Data轉移都一眼睇晒！
仲有推薦朋友優惠，不過暫時免費期間推薦只係會記名，而不會當作成功推薦，要兩個月之後朋友真付款使用，才算推薦成功！
文：Zero全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180130/20289464