|
||||||
|
亞洲金融集團贊 助一本香港舊照片集嘅出版，此舊照片集名為「香城故影」，分中英文版，陳智思兄送了一本英文版俾賓架W，送給左丁山一本中文版。此「香城故影」由歷史遺珍 攝影基金會與亞洲金融集團合作出品，攝影師係Hedda Morrison女士，此圖片集載錄摩理遜女士於一九四六年在香港捕捉嘅香港景象。 一 九四六年，好多香港人未出世，當年香港景貌如何？一幅從山頂拍攝嘅中環銅鑼灣及維港景貌，清楚睇到今天之港島海皮就在香港會門外，皇家遊艇會孤懸於銅鑼灣 海面，今天維多利亞公園是避風塘，而對岸由新蒲崗、九龍灣伸展到鯉魚門，全是荒山野嶺，不見房屋，中上環呢面，樓房就密到插針不入，唔見有空地；在另一幅 圖片見到，畢打街畢打行對面係泊車地段。 遙想1946年，香港人口少，仲未有大量難民來港，戰後生活簡樸，只係香港島已可以容納絕大部份居 民，當年嘅空氣一定好清新，冇空氣污染，冇懸浮粒子問題。但一九四九年之後，一切都改變晒，大量難民到港，令九龍擠逼不堪，港英政府逼得大興土木，興建工 廠大廈及房屋，將九龍灣至觀塘一帶荒地大力開發。忽發奇想，假如當年已經先進到有環評報告，有人膽敢司法覆核，誓死保護九龍東區生態不變嘅話，情況會係 點？不過當年人人掛住生活，掛住在山邊起木屋（其實全是僭建），根本無人理會觀塘有甚麼稀有植物蝦蟹，咪阻住地球轉，否則香港當時如何可以容納一百萬、兩 百萬以及後來增加至六○年之三百萬人？ 今天唔同咯，大家有屋住，有飯食，於是唔再喜歡人地在我附近起路搭橋，引用司法覆核制度阻止之，而且 可以聲大大，拋甚麼數據嚇人。黎廣德在now「時事全方位」講港珠澳大橋，對劉夢熊大聲講：「知唔知道起條大橋，東涌會死幾多人？」左丁山聽到幾乎嚇親， 起大橋為甚麼東涌會死好多人？那一位科學專家，工程專家夠膽提出真實數據？赤鱲角機場已運作十三年，大嶼山有幾多人因機場而死？好心，唔好扮專家嚇人啦！ |
||||||