2001-05-27 AD
| ||||||
長江實業 (001)同和記黃埔(013)嘅股東會今日舉行,下晝兩點九開晒兩個AGM之後,又係超人響紅磡海逸酒店發表「國情諮民」嘅時間,按照慣例,無上市公司 夠膽同佢老人家硬撼,無論咩生肖咩冧巴都要迴避。 估唔到,真係有人個膽比天高,夠膽同超人撞時間爭記者,邊個咁夠薑?咪就係升呢做咗上市公 司(帝通,8220)董事嘅「周董」周星馳囉! 周董處男下海主持發佈會 據周董身邊人講,佢哋真係唔知李生幾時開AGM幾時發 表講話,咁o依家又無理由無厘頭改期o架,所以聽日周董仍然會如期喺下晝兩點半,喺對面海金鐘同超人打對台,實行同大家分享吓佢未來點喺帝通大展拳腳,當 然唔少得show一show佢得意之作《長江7號》套卡通啦……呢勻真係長江7號大戰長江1號咯! 咁班行家又會點樣取捨呢?Well……一 邊係我哋香江嘅首富,一字一句往往觸動香港政經兩界嘅神經。另一邊嘛,話晒係港產「國寶級」喜劇之王,加埋周董處男下海第一次host上市公司嘅發佈 會……你話邊面吸引力大啲嘞? 李華華 [email protected] |
|
||||||
今次係跟中渝置地(1224)去重慶,睇佢樓盤,順道睇當地房地產發展成點;而呢個trip,最後竟然變成地產考察+保健義診團。 話說由飛機降落當地開始,華華已經聽到中渝當地管理層談話之中經常提到「醫生」、「醫生」,起初仲以為中渝咁貼心,為華華同其他團友準備埋隨團醫生,點知最後醫生現身,原來係公司副主席林孝文! 聽班管理層講,林醫生本身真係醫生,中環開間診所。事隔多年,林醫生依然寶刀未老,同行有團友胃痛,痛到面青青,林醫生即時應診,隨身出幾盒藥,第二朝個團友真係藥到病除,生龍活虎,仲大讚林醫生醫術高明。其他行家見林醫生咁掂,個個即刻飯局期間排隊問診,林醫生就卸下醫生袍N年之後,無厘頭重慶再為人義診,相信連佢自己都估唔到! 李華華 |
|
|||
早排改名叫做PNG資源利來(221),因為巴布亞新幾內亞買個樹林,上個禮拜就誠邀傳媒過去實地考察,令華華呢個近期當紅「trip精」有機會深入原始樹林感受一下!大家最關心係食問題,有咩食呢? 巴國地處近赤道,天氣炎熱,自然有利於農作物生長,正所謂「靠山食山,靠海食海」,當然要食人主糧之一香蕉!勢估唔到,當地土人係會煲熟食物食,而香蕉就係用滾水連皮煲。 土人古法煲蕉(下圖)啦,(仲送多味椰汁煲菜(上圖)o忝),好唔好食?為免「無衣食」,華華一定唔會彈三彈四,只可以講畀大家知,影完呢兩張相之後,華華拎左去請兩隻豬仔食囉! 李華華 |
|
||||||
何鴻燊律師入稟 控告何二太、何三太(所謂二房、三房)及一位董事共十一人,正是Ho vs Ho,好睇過花燈,如果不在庭外和解,要在庭上辯證嘅話,啲打爭產官司嘅大律師就發咯。陳振聰之千億爭產案,因龔如心已逝,死無對證,但今天「何告何」, 何先生仍然健在,識讀字、識講嘢噃,會否被傳召上庭作供呢?呢場肯定係世紀官司,墟冚過陳振聰,國際記者全部識何鴻燊,FT、WSJ、IHT已將故事以大 篇幅報導,開審之日,一定轟動全球。對何家以至亞洲富豪家庭之形象,冇乜好處,香港更有可能得到一個花名:「亞洲爭產之都」! 為咗呢單分產 新聞,記者做到氣咳,在賭王淺水灣大宅與二房、三房之間豪宅跑來跑去,站在街頭捱冷風,一位女記在FB與同行「分享」云:「我又係叫做H超×,好多個阿超 有錢分,我呢個阿超就一定冇,在街頭撲來撲去唔知做乜?」(並非原文,大意如此)做得辛苦,發吓牢騷啫,人手多嘅報館,咪體貼僱員,分兩更記者嚟做囉,最 弊係星期三晚上又爆出殼王陳國強與台灣王永慶二房千金王雪紅及美國私募基金收購邵氏(香港)手上之TVB 26%股權,財經版編採人員更加做到死。左丁山在馬場聽到呢單消息,立即打電話問大編輯攞料,大編輯話:「你繼續賭馬啦,我死都要唞啖氣至得o架!」 諗 深一層,陳國強老早已經為無綫捱義氣,接咗無綫衞星電視(收費電視)一啲股權,明知蝕都肯制,應該係方小姐之忠心朋友喇啩,既然邵氏有意沽售無綫股權,同 碧桂園楊生,恒基李生傾極埋唔到欄,陳國強心生一計,去傾埋一份,不算意外。殼王精於財技,身邊謀臣多,老友多,憑各方關係搭通天線搵到王雪紅、 Providence Equity Partners入股,唔算係冷門。 |
|
||||||
「殼王」陳國強 (圖)喺上個禮拜買咗邵氏兄弟,從而入主電視廣播(TVB,511)之後,唔少人都想知道殼王點樣可以擊退碧桂園(2007)老闆楊國強,仲打贏埋四叔大 公子李家傑,買到TVB返嚟。咁有話題性嘅新聞,自然有唔少傳媒去「殼王」經常出沒嘅地方守候,希望當事人出嚟解吓畫。 記者等呀等,「殼王」就一直唔多理,上個星期尾仲搵人出咗份新聞稿,話陳博士(新聞稿裏面對「殼王」嘅稱謂)除咗就TVB所發表嘅聲明之外(份聲明26號出嘅),無任何資料補充,直到交易完成之後先會安排傳媒發佈會。換句說講,即係叫傳媒唔好去等佢。 不過咁,話說喺單交易公佈之後第二日(即係27號),陳博士就已經選擇性咁搵咗三間媒體做訪問。唉!就係因為無份做訪問先去等,o依家陳博士仲連記者去等都要發份稿嚟趕人,真係厚此薄彼嘞! |
||||||
http://overseas.caing.com/2011-04-16/100249059.html
【財新網】(記者 何華峰)這週三和週四,雅虎在美國開例行的董事會。市場傳言,董事會可能會定下來,2013年,現任CEO卡羅爾·巴茨(Carol Bartz)的合同到期後,不會與她續約。改由雅虎的新董事、Akamai總裁大衛·肯尼(David Kenny)出任這一職位。
如果我們盤點一下過去兩年巴茨的工作,不難看出,這種傳言多半是真的,董事會留給巴茨的時間已經不多。
關鍵是,巴茨沒能為雅虎找到一條明確的出路。對於希望雅虎重新崛起的股東們來說,對巴茨的耐心已經差不多用完了。
兩年前,61歲的「硅谷女皇」巴茨接替楊致遠,出任雅虎CEO。兩年間,她的主要精力放在雅虎瘦身上,讓其更專注於主業。
她向雅虎臃腫的機構開戰,果斷地數次裁員,還賣掉了一大堆雅虎過去收購的企業。據媒體統計,當年雅虎買這些企業時,花了48億美元。
她還把搜索業務外包給了微軟,讓自己更集中注意力於內容。
巴茨幹了這些髒活累活,但對股東來說,卻不夠。
去年11月,雅虎的月訪問人數被Facebook超過,在美國的排名從第二位滑落到第三位。第一名是谷歌。
去年,雅虎的收入僅增長2%。
目前,雅虎的市值是220億美元,與她接手時並無區別,甚至還有所下降。這還考慮到雅虎持有日本雅虎35%股權,還持有阿里巴巴40%的股權,這些投資是值錢的。
去年,巴茨錯過對團購網站Groupon和地圖商FourSquare的收購,受到批評。
巴茨在上任時意氣風發,但在過去兩年中,媒體,股東,公司對她的壓力日漸變大。去年,她被評為「高薪低效CEO」,十多名高管相繼失望而去。
今年初,在一次媒體見面會上,巴茨說,自己的成果要到2013年才會顯現,但這樣的辯護顯得蒼白。
雅虎賬上還有35億美元的現金,如果能做一次非常成功的收購,也許未來還有機會。
從這個意義上看,巴茨可能只是一任過渡的CEO,她為下一任打了基礎,但自己恐怕享受不到了。■