28年前分手 各自離婚後翻撻舞王麥德羅 娶Big Echo老闆娘
1 :
GS(14)@2016-12-18 11:04:22■身在大馬開工的麥德羅與Apple姐，昨日攬攬合照宣佈婚訊。
Big Echo老闆娘劉麗萍（Apple姐）今年東山再起重開卡拉OK，更宣佈與28年前分手的香港一代舞王麥德羅拉埋天窗！麥德羅與Apple姐同樣經歷過失敗的婚姻，如今再婚，Apple姐昨表示：「始終大家都年紀大，有乜嘢都可以互相照顧。」
現年58歲的香港舞王麥德羅，經歷過婚姻失敗，與前妻育有一子的他，32年前曾與劉麗萍拍拖4年，分手後兩人各走各路。Apple姐之後將日本Big Echo引入香港，被喻為一代K后。54歲的Apple姐亦經歷兩段失敗婚姻，育有兩女一子，她曾於高峯期擁18間卡拉OK，更一手發掘容祖兒，亦因為03年沙士一鋪清袋而破產，近日她東山再起於旺角重開Big Echo i-box，事業得意同時感情亦有着落，宣佈後年與麥德羅拉埋天窗。
■麥德羅於1980年曾與林子祥合作拍《摩登土佬》。劇照
■麥德羅32年前跟Apple姐拍拖4年，二人曾於活動上跟秦燕、張南雁和蔡濟文合照。
三喜臨門
昨日有周刊報道，Apple姐在22歲時曾跟麥德羅拍拖，當時認為對方花弗多女埋身及工作忙碌，最終跟麥德羅分手，並各自組織家庭。直至05年，Apple姐擔任企業顧問推出一款水機，邀請肥媽擔任代言人，肥媽在宣傳活動邀請了麥德羅做嘉賓，這對舊情人才再次重遇，Apple姐與同樣已離婚的麥德羅接觸多次後，重拾當年拍拖感覺，二人並於07年復合。訪問中，Apple姐表示從沒再婚打算，反正大家結過婚及離過婚，一紙婚書不再重要，但直到自己一次入院，麥德羅全心照顧，最終打動了Apple姐，兩人決定在後年、麥德羅60歲大壽兼入行40年舉行婚禮，實行三喜臨門。
■麥德羅於今年6月與王維德開騷，58歲的他表演一字馬。資料圖片
■上月28日，容祖兒現身撐伯樂Apple姐重開卡拉OK。
多次求婚
麥德羅現為Apple姐娛樂公司旗下藝人，二人正於馬來西亞做騷，Apple姐昨接受本報電話訪問時多謝大家祝福和關心，並說：「其實我同Robert（麥德羅）都一齊好耐，佢平時成個大細路，成日激嬲我都會買隻戒指畀我，借啲意求婚，不過次次我都當佢講笑，仲鬧佢唔正經，叫佢乖啲先講喇。」問到麥德羅最終打動她是甚麼原因？Apple姐說：「一個月前我胃痛入急症室，其中一欄要填緊急聯絡人，嗰一刻諗好似冇喎，啲仔女又唔喺身邊，嗰陣又嬲佢哋，所以咪答冇喎。但靜咗落嚟諗，如果真係有乜嘢事，好似冇親人幫手安排，當然我冇同佢（麥德羅）講過，點知佢突然有呢個安排。」至於婚禮細節，Apple姐說：「仲未有時間去諗，到時真係有個儀式，始終大家都年紀大，有乜嘢都可以互相照顧同安排。」麥德羅昨在電話則說：「會同60歲生日一齊搞，希望可以畀個求婚驚喜，唔講咁多住！」採訪：何慧斯
來源:
http://hk.apple.nextmedia.com/entertainment/art/20161218/19868803
【翻撻夫婦】Sammi兜轉嫁安仔
1 :
GS(14)@2016-12-18 11:04:23Sammi（左）許志安（右）
緣份的事相當玄妙，有人分手後不再是朋友，有的別離後會翻撻，更會結成夫婦。
Sammi 許志安
91年拍拖，04年宣佈分手，之後安仔分別與助手及圈外女友Michelle拍拖。11年，本報撞破鄭秀文（Sammi）與安仔撐枱腳食豬髀，之後公告復合，傳兩人於13年在峇里秘婚，去年Sammi公佈成為「許太」。
吳雨霏 洪立熙
與網球王子洪立熙三離三合，13年分手後，吳雨霏與余文樂拍拖數個月，掟煲後翻撻洪立熙，去年7月在意大利完婚。
王陽明 蔡詩芸
05年王陽明與中文班同學蔡詩芸拍拖，兩年後戀情就無疾而終。二人分開8年，前年復合，去年底在澳洲完婚。
莫文蔚 Johannes
莫文蔚09年重遇16歲時的德籍初戀男友Johannes，兩人於11年10月返回意大利北部相識地結婚。
來源:
http://hk.apple.nextmedia.com/entertainment/art/20161218/19868807
秘密翻撻麻雀大王後人連詩雅十級戒備保飯票
1 :
GS(14)@2017-02-12 15:42:322017-02-09 NM
去年四月，連詩雅（Shiga）同麻雀大王後人石恒聰分手後，傳被音樂人徐浩力追，早前更被指撻着JW（王灝兒）舊愛Mark Ngai，令她馬上作出澄清：「躺着中槍。」急住劃清界線，全因去年底已同石恒聰秘密翻撻。前度歸位，拍拖去金鐘太古廣場行街，連詩雅戴帽戴口罩，高度戒備，十分緊張。冧爆露出腰果眼
下午茶時間，金鐘太古廣場人流不多，一對打扮夾到似著情侶裝的男女走過，有講有笑，但見女方將cap帽笠到近眼眉，口罩拉到上眼肚，加上露出粉紅色髮尾，更惹人望多兩眼，冇錯！是華納歌手連詩雅，同行男伴並不是新歡，而是去年四月分手的舊愛、麻雀大王後人Anthony（石恒聰）。向商場大堂方向行，見沿路人漸多，兩人默契地打個眼色後，Anthony先自行去吸停車場飛，落單的連詩雅繼續低着頭，電兔般向前走去文具攤檔揀記事簿；但只要有人行近或者拎起電話，她都會九秒九彈開。十分鐘後，Anthony折返，連詩雅攞住心水記事簿問男友意見，cap帽和口罩之間現出一對腰果眼，勁冧！俾完錢走得，連詩雅刻意同男友分開行，其間雙眼還不停四圍掃，十級戒備。
急否認搭上JW舊愛
曾經試過四年有十九個男友的彪炳戰績，連詩雅一四年同識於微時的Anthony重遇翻撻，自此修心養性，還配合男友要求收起性感，直至早年拍落的電影《野狼與瑪莉》上映，因為戲中有大膽裸戲份，惹來男友家長不滿，雙方多次炒大鑊，終於又分手。「佢哋當初都係為啖氣，所以分手後Shiga都冇急住搵拖拍，就係想睇吓有冇彎轉。」連詩雅密友透露。回復單身後，二十八歲的連詩雅桃花旺，除有幫她做唱片的音樂人徐浩埋身，管接管送，最近更被指搭上JW（王灝兒）舊愛Mark Ngai。連詩雅第一時間撲出澄清：「一起身睇到呢單報導，實在太搞笑啦！大家唔好趕走我啲真命天子""」難得可以同Anthony再度復合，連詩雅為了抓緊長期飯票，當然要立刻做嘢，免得男友打翻醋酲。
撰文、攝影、攝錄：娛樂組
Next Page