23場個唱結束不捨山頂歌迷學友感慨：再開都62歲
1 :
GS(14)@2017-01-05 08:07:15■學友前晚完成23場騷，更籌到60萬善款捐「快樂港仁」助長者睇中醫。
歌神張學友於紅館舉行的23場「A Classic Tour世界巡迴演唱會2016」前晚落幕，吸引楊千嬅夫婦、舒淇、梁詠琪、林嘉欣、譚詠麟等朝聖，學友在台上依依不捨：「四面台係一樣好經典嘅嘢，特別係『山頂嘅朋友你哋好』，呢句說話係香港人先會有反應，其他地方觀眾係冇反應。」
■楊千嬅孖老公再睇學友演唱會，握手時笑到四萬咁口。
■梁詠琪陪完大肚婆楊采妮後，返港即到紅館看學友尾場騷。
■學友舉行尾場騷，吸引了舒淇和譚詠麟等朝聖。
■學友被讚個唱水準高，對其他歌手造成壓力。
「返香港做好緊張」
完騷後學友在後台舉杯慶祝，瘦了很多的他說：「好多人問我點解要辛苦自己，其實自己想做好啲，所以就算辛苦都係開心嘅，證實我又真係做到，已經過咗半百，再唔做都做唔到。每次返嚟香港做都好緊張，?家鬆咗一口氣，之前喉嚨有少少發炎，仲要食消炎藥。」 前晚送畫環節揀了一家三口觀眾，當時學友跟女孩說：「多啲時間陪父母，唔好激佢哋。」問到是否經常被囡囡激？學友睩大眼說：「佢哋好錫我，錫到我不得了。」他坦言太太羅美薇看了兩場，囡囡就看了三場。
「做騷係同自己比」
問到以後還會開演唱會嗎？學友說：「今次同自己講要做得最好，因為人係會衰退，體力會減，兩年後完咗巡迴都57歲，等多五年再開都已經62，到時大家見到我跳，都唔想我咁辛苦。」至於今次香港站獲眾星朝聖，陳奕迅、鄭秀文、容祖兒等都讚好睇，有指學友對其他歌手造成壓力，將演唱會的底線拉得太高，學友坦言：「做騷係同自己比較，而唔係互相比較。」對於有網民將他的騷和王菲騷比較，指王菲走音，學友說：「咁比較唔係太公平，佢唱得一場，得就得，冇得操，我有咁多場就可以調整嘅。」採訪：馬建華 攝影：仇志德
來源:
http://hk.apple.nextmedia.com/entertainment/art/20170104/19885354
【容哥復出●1】反口再開小菜王賣$1288茅台雞 容哥喊爆：有錢冇命享
1 :
GS(14)@2017-04-04 08:59:52容哥去年退休，相隔一年和三位朋友夾份投資400萬，四月在太子重開容記。
易偉容（容哥）是深水埗容記小菜王，是四大小炒皇之一，綽號「牙擦容」。還記得去年退休的最後一夜，不少熟客街坊歡送容哥，場面浩大。相隔剛好一年，容哥最近重出江湖，和三位朋友夾份投資400萬元，在太子重開容記小菜王。
新店有6000多呎，賣昔日容哥做的小菜，如燒腩仔、瑤柱扒魚膠扒等等，新店還有新菜式，重頭戲是賣$1288的箒箒茅台雞煲。訪問期間，容哥還哭訴，「我賺到銀紙都無命使，好後悔簽了紙重出江湖。」想知原因睇片啦！容記小菜王太子太子道西123號記者：何嘉茵攝影：伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
箒箒茅台雞煲，容哥會在客人面前即席煮，每次要煮半小時，肉嫩酒味帶苦香。$1288
阿媽炒白菜仔，容哥稱要預訂才做，可能是全港最貴的白菜仔。$98
來源:
http://hk.apple.nextmedia.com/su ... t/20170403/19978193
黃寶欣賣撻再開茶記
1 :
GS(14)@2017-06-18 22:07:17■黃寶欣昨日在兩間舖內不停穿梭，自言是邊學邊做。
黃寶欣今年初和友人合資在九龍城開餅店賣蛋撻，不足半年再做老闆，在蛋撻店側開懷舊茶餐廳。昨日本報在九龍城見她不停在兩間舖穿梭，寶欣獲悉記者在場，即坦承有份投資茶餐廳，但不肯透露投資金額。寶欣又說：「星期一（19日）先正式做生意，今日係招呼朋友試食，比吓意見。」事後黃寶欣再接受電話訪問，她說：「都係同餅店拍檔合資，呢間茶檔喺內地已經有，香港就係第一間，主打懷舊風。」有指她不足半年再做老闆，她說自己都是邊學邊做，但之後都會好忙，因為餅店「酥妃皇后」會開分店。採訪、攝影：吳耀輝、徐錦池
來源:
http://hk.apple.nextmedia.com/entertainment/art/20170617/20058563
【iPhone X開賣】先達Lo哥：頭水有望賺一萬 下周六再開預約
1 :
GS(14)@2017-10-30 00:53:47Lo哥看好iPhone X銷售前景。
iPhone X開訂，持續時間14分鐘，不論預約到門市購買（iReserve）或是網上購買付運出貨（Apple Online Store AOS）！先達Lo哥表示情況和iPhone5相約，預計炒風應該會持續一段時間，AOS出貨時間是3至4個星期或者5至6個星期也應該有水位。兩位先達分析員G World Lo哥和流動帝國阿基對市況表示樂觀。Lo哥說14分鐘完售情況似iPhone5：「咁辛苦撳到，我諗頭水加千幾蚊你都唔肯放，放機賺五千至一萬都有可能。」另外他亦估計iPhone X會長期缺貨：「Apple都想部機長期多人講，保守估計炒半年都得。」
流動帝國負責人阿基指頭水應該極度渴市：「大機頭水回收價去到二萬至二萬五，甚至三萬元樓下我都唔會意外。」256GB大機原價9888港元，炒到二萬多，即是Lo哥和阿基都預計頭水有機會賺過萬。不過阿基則覺得Apple不會再像iPhone4年代般玩長期缺貨，Apple Store比以前多了這麼多，預計聖誕後供貨就會穩定，到時炒風應會急速冷卻。
15分鐘後已無供應。
11月3日落舖買機的iReserve難度頗高，先達現場只有1位人士中獎
如果錯過這次機會的話，預約買機會於11月4日早上8時再開放，至於AOS過往慣例會無預警下再開，但預計在11月3日開賣前也不會再次開放。記者：科技組
來源:
https://hk.lifestyle.appledaily. ... e/20171028/20196847
Jollibee擬港再開分店
1 :
GS(14)@2017-12-18 03:31:41【明報專訊】菲傭姐姐最愛嘅連鎖快餐Jollibee又開分店喇，雖然仲未知道會開喺邊區，新店將會係香港第6間分店，睇嚟菲傭姐姐們每個周末又多一個地方聚腳。
唔講唔知，原來Jollibee目前已經成為亞洲最大連鎖餐廳集團，全球同業排第11名，7月仲喺大本營菲律賓開咗第1000間分店，兩個月前傳佢哋有份競購英國間高檔連鎖咖啡店Pret A Manger，遲啲仲會進軍文萊，炸雞界嚟講，真係好威威豬㗎，大家唔好再笑佢係菲傭姐姐集中地喇。
菲開千間分店 晉身亞洲最大連鎖餐廳
之前Jollibee母公司祖樂比高層嚟香港嗰陣披露，原來一向喺港人眼中只有菲律賓人幫襯嘅Jollibee，喺香港係本地客同菲律賓客各佔一半，證明都有香港人粉絲㗎。睇番Jollibee個menu，除咗炸雞之外，仲有漢堡包、蜜桃批，同好有創意嘅漢堡扒飯呀，都算係麥記之外嘅選擇。
[小琴密語]
來源:
http://www.mpfinance.com/fin/dai ... 9752&issue=20171215
Next Page