|
||||||
行過船、打過仗、一把年紀仲去埋極地旅行嘅馬世民,新搞作係出任今年全球最大隻IPO嘉能可(805)非執行主席。華華都知呢位和黃(013)前大班,精力旺盛,雖然今年72歲已過古稀之年,仲繼續活躍商界。 每家平均7日唔夠 不 過,華華噚日刨嘉能可本初步招股文件時發現,原來馬世民同一時間出任緊48間公司嘅合夥人或者董事,包括長實(001)、鐵江現貨(1029)等。佢嘅坐 唔定程度,令華華「O嘴」!名副其實公職王。須知馬大班嗜好繁多,又識得享受生活,得閒就參加下越野賽跑挑戰自己,每年又會去爬山舒展身心,華華真係好好 奇,到底佢點分配時間? 就當馬大班一年365日都淨係工作,48間公司,每間一年都淨係分配到7.6日,淨開董事會都唔係好夠。嘉能可呢排上市咁多嘢搞,淨係去掛牌兼酒會都hold咗佢1日,唔知嘉能可覺得用860幾萬銀請馬大班返嚟,係咪物超所值呢呵? 部份馬世民出任公職的公司 ‧長實(001) ‧宏力半導體 ‧鐵江現貨(1029) ‧東方海外(316) ‧永泰地產(369) 註:尚有43間未能盡錄 資料來源:初步招股書 |
|
||||||
今年全球集資額 最大新股嘉能可(805)噚日掛牌,港交所(388)當然唔敢怠慢,除咗行政總裁李小加畀面出席,連前日開行會時跣低嘅主席夏佳理都嚟撐場,華華見到佢行 得走得,睇嚟應該冇乜大礙。港交所咁撐場反而集團獨立主席馬世民就冇到,有關方面話佢因為事忙嚟唔到。華華之前都話過,72歲嘅馬世民,同一時間出任48 間公司嘅合夥人或者董事,每家公司一年平均分得7日時間,排唔到期出席上市儀式有乜咁奇。 況且,嘉能可喺倫敦時間24號上午(約香港時間 24日下午3點)喺英國上市仲舉行上市儀式,據集團公關大員講,主席Ivan Glasenberg同埋一眾管理層為咗趕嚟香港嘅上市儀式(25日上午9時),全部都係嗱嗱臨咁喺英國掛完牌後坐私人飛機過嚟。好在冰島火山嘅火山灰唔 係咁嚴重,否則真係私人飛機都趕唔切。 又關艾未未事? 另一方面,究竟嘉能可同艾未未有乜關係?話說正當嘉能可喺港交所舉行緊上市儀式時,一向同資本市場冇乜關係嘅社民連都嚟贈興,仲要無厘頭咁整咗個釋放艾未未同社民連成員姜靈彰嘅示威牌。 搞邊科?據社民連中人同華華講,用嗰兩個牌係基於環保原則,將之前用過嘅示威牌循環再用,前面寫「抗議炒賣商品」先係今次嘅訴求。 嘉能可發言人回應,集團嘅工作係促進全球糧食流動,絕對冇炒賣喎。
|