胡孟青：那些年的大行大食會
1 :
GS(14)@2012-05-12 15:20:33http://www.sharpdaily.hk/article/fin/20120511/88839
曾幾何時的那些年，入得投行的天子驕子，被寵得肥肥白白，皆因待遇好。聽說澳資的「麥兜」，以前逢周五有Friday Drinks，員工大食會，美資「花花」亦有Pizza Day，好景時真係唔慳，因經紀係最大資產，惟俱往矣。
如曾效力英資舊舖，每天黃昏六點，同層飯堂廚房仍有員工推出老火湯，讓盤房同事享用。經紀晨早港股未開市已開工做日韓澳股票，做完港股又要隨時候命，因配股活動每每發生於收市後，客戶落盤與否，經紀有責任通知有可能會落柯打的客戶，尤其機構客，輪證發行商較傾向趁重磅股以折讓價配售的機會，一次過承配較多貨源，以對冲旗下發行產品，且較平時在大利市機上排隊或直接掃貨便宜。
如有配股，黃昏後經紀也要回盤房為客戶所分配股份進行分貨，還要即時通知客戶分配情況兼更新資料即入機。遇上早幾年IPO大型招股旺場，更要替專業投資客戶透過國際配售入飛，亦為其他客戶爭取Funding做孖展。遇上金股滙、商品期貨瓣瓣啱嘅客，更要隨時候命，絕非平時大家印象中經紀行可媲美。
讀者問，客戶為何不選網上自行落盤，大家有所不知，好多deal唔係望住個價就可直接落盤，與經紀有商量亦係好多Old Rich及機構客的慣常做法。窩心老火湯，係慰勞日忙夜忙心火盛的經紀降火。
胡孟青
獨立股評人