雨僑韓風造型扮智孝
1 :
GS(14)@2015-07-13 08:44:29宋智孝 資料圖片
雨僑、張紋嘉及張惠雅昨日在土瓜灣出席「童夢慈善基金會」活動。雨僑一身韓風打扮抄足韓國女星宋智孝，她說：「不嬲都鍾意韓風，但我唔係李敏鎬超級粉絲。」談到男友羅力威有意出寫真，她笑說：「入面可以有乜內容呢？都係唔好支持，男仔唔知影啲乜，影相都係留俾女仔做，不過寫真我已經出過，而家唔敢獻醜。」此外，牛雜妹李美琪（Monnie）受朋友所託在場幫手做義工。她之前曾透露正與蕭定一接觸加盟旗下公司，問到進展如何？Monnie說：「會再同蕭生理解後再決定，但近日蕭生都好忙，最快應該兩星期後先會知點樣。」採訪、攝影：卓寶花
來源:
http://hk.apple.nextmedia.com/entertainment/art/20150713/19217314
雨僑、羅力威 窗邊食麵甜絲絲
1 :
GS(14)@2016-03-05 01:26:31【一腳踢】■同雨僑食完麵，即刻飛的返愛巢，羅力威畀錢閂門拎手袋一腳踢。
【大坑】雨僑前年終於承認同羅力威拍拖，但佢哋公開咗戀情之後，孖咇出入依然好避忌，除咗要戴帽頭耷耷，仲唔敢喺公眾地方十指緊扣，拍拖得嚟好低調。現年30歲嘅雨僑同細佢一年嘅羅力威感情好穩定，日前佢哋又拍拖去咗大坑食日本拉麵，佢哋呢次又係做帽子情侶，一齊戴漁夫帽出動。當晚約7點幾，佢哋入咗一間拉麵店，仲揀咗窗口位對住坐，雨僑坐低就低頭㩒電話，羅力威就望實女友，及至侍應將食物送上枱，佢哋邊食邊傾偈，好有電視廣告見多幾面嘅老夫妻感覺，佢哋食咗約20分鐘就食飽飽，為咗慳時間，仲call定的士，等的士到咗門口先走人。
【冧住食】■雨僑同羅力威撐枱腳食拉麵，滿面冧樣。DV圖片
【返愛巢】■返到寓所樓下見到唔少街坊，就冇再拖手。
■雨僑幫新加坡旅遊局拍攝最新一輯旅遊特輯。互聯網圖片
男友拎手袋
羅力威離開嘅時候盡晒男友責任，幫女友雨僑拎手袋，佢哋上咗的士即喺後座hea爆，的士火速返咗佢哋土瓜灣翔龍灣愛巢，羅力威畀車錢之餘仲繼續拎手袋，先落車嘅佢又等埋女友落車再幫手閂車門，非常體貼，臨上樓前，佢哋去咗便利店買嘢飲。不過愛得低調嘅佢哋，本來落車時人少少都有拖到實，但突然有街坊出現，佢哋又甩番手，警覺性真係好高。採訪、攝影：畢紹基、吳耀輝
來源:
http://hk.apple.nextmedia.com/entertainment/art/20160304/19515253
羅力威拖雨僑遊母校
1 :
GS(14)@2016-03-09 16:26:02【爆相爆片】拍拖多年的雨僑同羅力威，雖然已經公開戀情，但每逢拍拖都好避忌，幾日前記者見到他們孖實在大坑食麵，全程戴住頂帽頭耷耷行街。行街驚見到記者，但大前日羅力威帶女友返母校民生書院的開放日，以為學校冇記者駐場，竟然全程十指緊扣拖到實！前日讀者吳小姐透過本報「爆相爆片」，指二人拍拖重遊羅力威母校。吳小姐說：「我見到佢哋有拖手、蹺手，冇乜避忌，冇化妝嘅雨僑冇乜人認得，但見到有好多人搵羅力威影相，好受歡迎！」雖然冇人認得出，不過雨僑就看來沒有介意，不時拿着相機幫男友和fans影相，呢個女友認真唔話得。採訪：王梓嫚
來源:
http://hk.apple.nextmedia.com/entertainment/art/20160309/19521385
雨僑諗定婚後減工作量
1 :
GS(14)@2016-03-13 02:40:30雨僑昨日在九龍灣出席零碳天地音樂會，日前有讀者透過本報「爆相爆片」稱羅力威拖女友雨僑返母校，雨僑說：「係呀，佢重返校園係好事，我間學校拆咗，如果唔係都想帶佢去。影相嗰個係中學同學，我又唔識，冇理由自己攝埋去啦。」感情如此穩定，會否考慮結婚？她坦言未準備好：「我仲係搏殺緊，又結婚又停工，好似好唔上進，都未做夠十年。」雨僑又透露如婚後有小朋友會減少工作，她笑謂：「畀我扮多幾年少女先啦，趁仲可以阿婆扮少女。」另一方面，最愛到米埔觀鳥及觀賞海豚的雨僑，希望可以做更多保育工作。採訪：盧妹攝影：陳志嵐
來源:
http://hk.apple.nextmedia.com/entertainment/art/20160312/19526046
雨僑自嘲逢賭必輸
1 :
GS(14)@2016-04-15 16:30:12雨僑、組合spACE、 Fantaz昨日到荃灣一間學校宣揚反沉迷賭博，自認沒有橫財運的雨僑，表示逢賭必輸，連投資都不敢，反而正正經經做生意就可以越做越大，她更透露最近在荃灣覓得一個辦公室，她說：「近年自己同美容生意可以混為一談，加上又成日拍片放互聯網，而家好似有自己地盤一樣，雖然零售係差咗，但係我唔擔心，因為網上購物仍然有巿場，世界變咗唔一定好似以前咁，電視都多咗選擇同新模式喇！」雨僑亦表示希望與新電視台合作，尤其是旅行真人騷，問到會否情侶檔工作？雨僑說：「我唔抗拒，不過始終我哋唔同公司，要交畀公司處理。」採訪、攝影：卓寶花
來源:
http://hk.apple.nextmedia.com/entertainment/art/20160415/19571414
雨僑爆Fans愛聽鬼古
1 :
GS(14)@2016-05-08 14:54:05雨僑、莊思敏、唐紫睿（Hazel）及張建聲等前晚在銅鑼灣，出席由蕭定一投資的人工智能系統生意舉行的開幕派對。雨僑表示該人工智能其中一項是分析喜歡她的fans同時有甚麼興趣，結果她的fans愛好墳場歷史、陰間資訊還有鬼古。Hazel就相信她的fans都愛靚衫及運動，她又透露自從參加了《G-1格鬥會》後，多了打拳的fans。談到無綫又開格鬥節目，她說：「其實幾辛苦，藝人參加職業賽唔易，我知崔建邦玩過散打，但真正出賽會好易受傷，希望佢加油啦！」採訪、攝影：卓寶花
來源:
http://hk.apple.nextmedia.com/entertainment/art/20160508/19602289
雨僑男友變唐太宗
1 :
GS(14)@2016-09-02 05:49:48雨僑、胡定欣及童愛玲等昨日在中環四季酒店出席韓國護膚品牌的宣傳活動。同樣經營護膚品生意的雨僑特意來取經，她表示近日在維基百科發現惡作劇：「維基寫我男友係創作歌手林則徐，古代燒鴉片人物，好搞笑，而家改到連唐太宗都有，多咗好多古代男友。」同場胡定欣被問到黎耀祥看好她今年再奪視后，胡定欣說：「多謝祥仔，首先都要對自己有信心，希望到時唔會分散數字，因為我今年四套劇存貨都會出晒街，四套都係我BB，我唔會偏袒。」日前胡定欣和一班好姊妹胡杏兒、黃智雯、姚子羚等在杏兒家聚會，飲到醉醺醺，胡定欣說：「嗰晚佢哋慶祝我劇集收視，同埋杏兒搬新屋，飲得好開心，我同智雯仲玩摔角。」採訪：卓寶花攝影：葉君海
來源:
http://hk.apple.nextmedia.com/entertainment/art/20160902/19756939
雨僑睇表妹打拳肉痛
1 :
GS(14)@2016-11-10 07:39:52雨僑的表妹何慈恩（Charlene）現職健身教練，5歲開始習洪拳，是劉家良的徒孫，最近她參加ViuTV的《G-1格鬥會挑戰賽》，前晚播出首集，由Charlene對戰媽咪級的余曉彤（Hidy），兩人火併三個回合，結果由Charlene大熱勝出。前晚雨僑留在家捧Charlene場，見到表妹中拳，她感到肉痛：「係比想像中心痛，都知道Hidy係個好強對手，唔會打得輕鬆，但表妹真係發揮得好好。」雨僑又讚表妹說：「呢個賽事令佢成長咗，武術上又學到啲新技術。」而雨僑亦應ViuTV邀請跟表妹拍訓練片段，節目中她還笑Charlene：「人哋去遊樂場瀡滑梯、打鞦韆，佢係跳上個架度掉番轉搵隻腳勾住。」撰文：栐仁
來源:
http://hk.apple.nextmedia.com/entertainment/art/20161109/19827141
Next Page