維基幫泛民助選超區鄺神係首選
1 :
GS(14)@2016-09-03 23:23:39港台舉行港島區競選論壇，首度出戰嘅王維基有反常表現，喺自由搏擊時間一直寡言，就連對手挑機，佢都簡短回應甚至打叉手勢唔答，唔通係怕講多錯多？原來佢留前鬥後有個目的，專登留低分幾鐘，一輪嘴讀出五區加超區嘅心水推薦名單，當中除黃毓民外無其他熱普城同青政候選人，而清一色泛民同佢自己之外，新東自由黨李梓敬成唯一獲薦建制派。點解咁慷慨用自己發言時間hardsell其他候選人？王維基話喎，真係唔想選民嘥票，如果議會唔夠反梁力量，香港好大鑊，所以推薦名單上係有勝算嘅候選人，希望一齊入議會開展反689大戰！佢甚至之前問過律師意見，會唔會被質疑無獲相關候選人確認支持及招致選舉開支？律師話係選舉論壇，無任何開支，所以無事。原來佢近日搭的士，有司機問佢：超級區議會投邊個好？佢叫司機撐民主黨鄺俊宇，因為佢係有可能砌低民建聯周浩鼎嘅候選人，相信係民主黨涂謹申同街工梁耀忠外最有機會嘅超區第三席。至於點解熱普城中只有毓民獲薦？王維基話睇落毓民都係較有勝算；而其他撐港獨人士，一律非佢心目中嗰杯茶喎。王維基推薦名單超區：涂謹申、梁耀忠、鄺俊宇港島：王維基、許智峯、陳淑莊、何秀蘭九東：譚文豪、胡志偉、譚得志九西：毛孟靜、黃碧雲、黃毓民、劉小麗新東：楊岳橋、梁國雄、陳志全、張超雄、林卓廷、范國威、李梓敬新西：郭家麒、李卓人、尹兆堅、黃潤達、朱凱迪各區其餘參選名單詳見此網站：
http://hk.apple.nextmedia.com/legco2016/region#info-all
來源:
http://hk.apple.nextmedia.com/news/art/20160903/19758852
【超區戰果】鄺神成票王 鼎！佢始終入到局
1 :
GS(14)@2016-09-06 04:35:25立法會選舉功能組別中選民最多的「超級區議會」結果，要到傍晚時份才公佈。最終泛民保住3席，民主黨鄺俊宇、涂謹申，以及街工梁耀忠當選，建制方面，民建聯李慧琼及周浩鼎當選，但工聯會的王國興落敗。9名候選人得票順序如下：鄺俊宇491,667李慧琼304,222涂謹申243,930梁耀忠303,457周浩鼎264,339王國興233,236陳琬琛28,311關永業23,631何啟明17,175
來源:
http://hk.apple.nextmedia.com/news/art/20160905/19761087
收市閒情：facebook打造鄺神
1 :
GS(14)@2016-09-07 21:44:29一個月前，我哋仲笑緊鄺俊宇寫鄺體，搞到「逗號很累」；但你又點會諗到一個月之後，鄺俊宇會成為今屆超區票王。其實，facebook（fb）係其中一個「造王者」。首先，十個有九個港女，都一定曾經喺fb like過鄺俊宇啲港女語錄。然後，十個有五個男仔，都會莫名其妙地俾女仔tag喺鄺神啲post。根據官方統計，截至今年8月8日，鄺俊宇嘅like數係16.79萬個。單以7月8日至8月8日一個月以來，獲粉絲對專頁嘅互動超過12萬次，係參選人中嘅「fb互動王」。鄺俊宇本身嘅知名度就係由fb度嚟。同樣，地區直選票王朱凱廸亦打入「互動最多十大參選人」之一，咁樣反映今時今日，要成為「票王」，一定要識玩fb。多得fb，令大家喺選舉宣傳期早段，已見到「鄺神」句宣傳口號：「讓世代改寫我們的時代。」然後大家雖然會笑一笑，問「到底，你，講緊咩呀？」但最少你知佢出選。然後一眾KOL又開始笑鄺體，令鄺體更加入屋。到真係選嗰日，大家都喺ＷhatsApp、Telegram知道雷動叫人投畀鄺俊宇，結果令唔少人都喺fb出post話「頂走鼎，投逗號」。一時間，fb只有逗號，見唔到句號。喺呢個moment，相信令好多人本來投唔落鄺神，最終喺羊群效應下投「逗號」神聖一票。
除咗鄺神外，仲有數據可以反映出，識玩fb對選情有正面影響。截至今年8月8日，地區個人專頁最多like嘅前十位參選人，以及一個月內十位最多interaction嘅參選人之中，同樣都有八位成功當選，至於剩番兩位唔能夠奪議席嘅，分別係同樣出戰港島嘅王維基同「四眼哥哥」鄭錦滿，兩人都係高票落敗。兩項數據同樣各只有一個參選人，係有中央選舉機器照住，分別係葉劉同周浩鼎。值得留意係周浩鼎雖然打入「互動最多十大」，但佢得到「嬲嬲」嘅數目，亦佔好重比例。至於周浩鼎最新fb like有1.65萬個，王國興fb like只有3,000個。雖然唔能夠話fb對兩人選情影響好大，但至少牌面上係，睇嚟fb like緊要過午餐肉。千頌C
http://www.fb.com/winbigwok本欄逢周三刊出
來源:
http://hk.apple.nextmedia.com/financeestate/art/20160907/19762552
【成功交棒】立會新世代能歌善舞 鄺神有勁敵
1 :
GS(14)@2016-09-09 05:11:56立法會新舊更替，未開會先起舞，鄺神，你有勁敵啦！
立法會選舉完畢，好多人都話今屆立法會係新舊更替，係正式由年輕人接捧的一年，議政方面大家都未有頭緒，不過唱歌跳舞方面就絕對接得住！
舊屆－曾鈺成：曾主席成日獻唱，仲話自己唱羅文比較耍家，首本名曲有《小李飛刀》，之前喺餞別立會主席晚宴就演唱咗改詞版嘅《忘盡心中情》寸盡一眾議員。新屆－陳志全：成功連任嘅慢必都係唱得之人，一早同快必譚得志做兒童節目時已經合唱過兒歌，之前同財委會主席吳亮星多次因撥款事宜搏鬥後，佢就upload咗首自己試唱的改詞版《陀飛輪》－《陀衰家》上網，都算接到主席又唱得又幽默呢支棒啦！舊屆－譚耀宗：令人最難忘嘅一定係佢嗰首《舊歡如夢》啦！紅色閃閃西裝加紅色煲呔又唱又跳咁，你都咪話唔殺食！新屆－鄺俊宇：鄺神，又寫愛情小說，又作曲作詞，人人以為，佢係，逗號王、票王，嘅時候，原來，佢唔係文青，係舞王！因為，鄺神未當選，點票之際就俾人回帶，睇返佢九年前嘅跳舞片，嘩吓，跳埋moon walk
非建制新生代談合作鄺神，有咩搞作？
1 :
GS(14)@2016-09-11 05:21:18立法會下月復會，多名新晉候任立法會議員昨早在電台節目談及非建制之間的合作時，均表示持開放態度尋求合作空間，青年新政梁頌恆表示，會盡量持開放態度面對合作，亦會持「鋪鋪清」態度面對，不想出現因某政團退出一個議題，而影響另一議題的合作。小麗民主教室劉小麗認為，可以成立平台就政策理念做內部溝通。土地正義聯盟朱凱廸表示，可以盡量一起尋得政策上的最大公約數，思考在多元化的抗爭上如何保持團結。民主黨尹兆堅認為，議會合作就如踢波一樣，有人前鋒、協調、守後衛，希望各施其職，例如丁權處理有人用司法覆核，有人循土地規劃方面想像土地使用方法。香港眾志羅冠聰被問到與建制之間是否有合作的可能性，他指非常歡迎非建利之間求同存異，但建制派是代表建制本身的利益，他認為並非天生與建制派作對，但兩者理念南轅北轍，對兩邊陣形有幾多合作空間存疑。朱凱廸指，要解決既得利益者的問題，是要思考如何把市民和村民的力量重新引入鄉議局，他認為一是透過立法會改變部分鄉議局委員由特首委任的方式，二是改革力量由下而上改變，他指不少新界人對現況不滿但無力改變，但原來連村代表也不登記，今次選票中不乏鄉郊票，他希望從社區做起，目標是2018年可以有鄉議局選舉。梁頌恆被問到現階段是否贊成港獨，他坦言「未夠膽答住」，想等待宣誓完再算，「我都唔知佢會點做，政府權力無限大架嘛！」入議會後首要的行動是就選舉期間有參選人被篩選及一系列選舉舞弊與不公平事件作出質詢。至於未來拉布與否，尹兆堅指不會說無底線抗爭，但在高壓的政治環境下，不排除會有如掟水樽等出格行動，劉小麗認為一定環境下也可能會有肢體行動大，但必須要承擔自己的行為。羅冠聰指，個人不害怕衝突，可否做更多及如何去做，都要有當中的意義，不是單純符合英雄主義去做。
來源:
http://hk.apple.nextmedia.com/news/art/20160911/19767419
Next Page