受馮敬恩 梁麗幗抗爭啟發社運男 選校委護港大自由
1 :
GS(14)@2016-10-02 12:07:58【本報訊】香港大學校務委員會兩名學生代表之一的研究生代表，其任期將於本年10月底完結。校方即將舉辦新一屆研究生代表選舉，兼讀制及全日制研究生均可投票。4名候選人之一的社運人士巫堃泰，望透過進入港大校委會監察校方，盡力保護港大的自主與自由，更指需保護校園港獨言論或其相關活動。記者：葉偉東
社運人士巫堃泰自2011年起擔任機場發展關注網絡發言人，致力反對機場三跑。巫堃泰本年於港大修讀全日制法律系碩士課程，表示因為看見學生會前會長馮敬恩及梁麗幗的校委會抗爭，令他思考自己「喺呢間學校有啲乜嘢可以參與、可以為呢間學校做啲乜」，因此決定參選研究生代表，「就算未必一定再有翻版陳文敏事件，睇未來校委會要處理嘅事，都值得我出嚟擋一擋，盡力去保護港大嘅自主、自由」。
爭廢除特首任校監
巫堃泰的政綱主要是監察港大深圳醫院賬目及管理，亦會監察校方落實教資會改革建議的細節，「怕校方落實細節時，會出現有啲受歡迎嘅教授，因為研究唔夠而不被續約」，校長馬斐森提出的《HKU Vision》，亦是他的關注項目，「份報告嘅厚度，明顯同之前徐立之（前港大校長）嘅有明顯差異，財政方面都要睇，好好監察校方」。提到港大的校園港獨思潮，巫認為每名學生及教職員均享有言論自由，「大學亦是一個絕對自由嘅地方，（言論自由）係一個不能抹煞嘅理由」，稱學生及教職員無論在學校談論港獨，或是宣揚港獨的行動，「只要唔影響到人，都應該受保障」。巫又望校委會主席李國章勿對學生有預設立場，「咁樣會阻礙咗佢去了解學生、同學生溝通」，稱如當選研究生代表，將聯同其他開明的校委會成員「以理服眾」，盡量表達學生的意見及聲音。不過，巫堃泰亦理解校委會內學生代表有限，諸如廢除特首任校監必然制等議題，要通過有一定難度，「但唔通難就唔做？（廢除特首必然制）我哋係有道德責任去推動及提出，唔會唔做」。據悉是次研究生代表選舉共有4名候選人，除巫之外，尚有一名修讀法律調解的學生、一名社科院學生及連任兩年、現屆研究生代表朱科。
來源:
http://hk.apple.nextmedia.com/news/art/20161002/19788411
黃宗澤17歲選校草自嘲磨轆
1 :
GS(14)@2016-10-21 05:28:06■現年35歲的黃宗澤出道至今都保持靚樣，冧盡不少女粉絲。資料圖片
藝人最怕被翻舊相，容易惹來變臉疑雲，現年35歲的黃宗澤（Bosco）近日被貼出17歲時參加過「YES！98校園花草選舉」的照片，早熟的Bosco當年chok爆放電卻落敗收場，不過網民仍讚他靚仔，而Bosco就自嘲當年成個磨轆。
雖說英雄莫問出處，現年35歲的無綫小生黃宗澤最近被翻舊相，有facebook專頁日前貼出他於98年參加「YES！98校園花草選舉」的照片，當年只有17歲的Bosco已勁chok，事隔18年，Bosco更具男人魅，與胡杏兒甩拖後，身邊女伴換不停。
■黃宗澤當年17歲時被同學出賣，報名參選校草。互聯網圖片
■黃宗澤（右）出道時曾與張栢芝面貼面拍檸檬茶廣告。互聯網圖片
落敗發展好
學生時代的Bosco輪廓分明，天生明星相，他火併其他11位參賽者，其中一位參賽者竟是男版「翠如BB」。早熟的Bosco大擺回眸chok爆甫士，發放強勁電流，令人不禁想起梁朝偉在《無間道》中經典回眸一幕，遺憾他當年未能摘冠。不過塞翁失馬，焉知非福，同年Bosco跟張栢芝合作陽光檸檬茶廣告，翌年加入無綫，獲網民大讚他當年今日都沒走樣。
Bosco前日直認是相中人，他在電話中說：「呢張陳年舊嘢都畀你搵到，之前啲同學貪玩，幫我掟上去。」不少網民大讚Bosco至今都保養得宜，保持靚仔樣，他講笑說：「吓！唔係嘛，成個磨轆咁喎！」雖然他在眾參賽者中算標青，但最後竟然落敗，至於當年冠軍屬誰，Bosco說：「唔記得啦，咁多年前。」
Bosco雖然口口聲聲自嘲17歲時磨轆樣，但相信仍緬懷當年的青春無敵，他昨日在微博轉貼這張陳年舊相，並留言：「看到這張照片，就想起劉德華大哥的一首名曲《17歲》！」
■陳展鵬當年的青澀樣也曝光。
獲邀出閃卡
90年代《YES！》舉辦的校花校草盛產靚仔靚女，變相是明星搖籃，藝人樂於擁有自己的閃卡。澳門商人徐明華去年以7位數字買入《YES！》，繼續推出藝人閃卡，最近更印製好Super Girls的閃卡。徐明華昨表示有意替Bosco出新閃卡：「如果佢肯，我都想再同佢影，我哋係有個『校花校草同學會』，而家構思幫大家出一輯新相，有埋新舊對照相仲好玩。」此外，陳展鵬當年為《YES！》做model的青澀樣曝光，他昨短訊回覆：「證明冇整過容，食咗幾年死貓。」對被指造型MK，陳展鵬續說：「係木村拓哉風。」採訪：鍾國仁、楊定
來源:
http://hk.apple.nextmedia.com/entertainment/art/20161021/19807078