內地客蝕賣瓏璽佔中後業主減價 上車客趁機買細價樓
1 :
GS(14)@2014-10-06 23:07:59
【本報訊】佔中後，有來自浙江省內地客被「震走」，趕緊在十．一國慶日以1,460萬元蝕沽大角嘴瓏璽大單位；多個新界細價樓則在局勢緊張下，錄得上車客趁業主肯減價，伺機「上車」。記者：湯家明 陳家雄
佔中局勢緊張，曾錄得不少內地買家捧場的瓏璽，在近日佔中啟動後，有業主不惜損手沽貨。美聯關穎賢表示，該單位為8座低層D室，建築1,272方呎，實用995方呎，為一個三房連套房單位，望維港灣及浪澄灣，現時附連租約，每月3.8萬元。據知，該業主一年前已將單位放賣，當時叫價1,680萬元，惟一直乏人問津，鮮見準買家出價，直至今年業主逐步調低叫價，至9月份調低至1,500萬元，直至剛過去十．一國慶日，再減價40萬元，終以1,460萬元沽出，實用呎價1.46萬元。
大興花園減價20萬沽
土地註冊處資料顯示，單位原業主姓陳，2011年中透過私人名義斥資1,417.55萬元向發展商一手買入，報住地址為浙江省永康市龍山鎮，除兩年前向恒生銀行承造一按外，今年4月向康業信貸快遞有限公司借二按達500萬元，佔樓價35.3%，事隔約五個月後即沽貨離場，扣除使貴及佣金等，料損手約25萬元。內地業主沽貨之餘，亦有買家伺機「趕科場」。祥益地產高級營業經理黃振文表示，屯門上車屋苑之一的大興花園2期10座低層A室，建築704方呎，實用544方呎，業主一直叫價370萬元，區內租客心儀單位，最終業主願減價廿萬元，買家即把握機會以350萬元入市，建築呎價4,972元，實用呎價6,434元。單位為「97貨」，原業主當年4月以255萬元買入，賺95萬元。另屯門藍地的豫豐花園，有買家見業主「佔中減價，減至唔使300萬」，立即心動，由原業主索價310萬元，減價15萬元至295萬元買入6座低層A室，建築485方呎，實用361方呎，實用呎價8,172元。利嘉閣傅志雄指出，青衣翠怡花園3座中層G室，建築478方呎，實用368方呎，本地上車客以380萬元承接，實用呎價1.03萬元。
來源:
http://hk.apple.nextmedia.com/financeestate/art/20141006/18890431
【爆相爆片】欣宜老麥萬歲細細粒教買細薯條
1 :
GS(14)@2017-01-07 00:29:01■細細粒日前喺九龍灣排隊買咗兩大袋老麥。讀者提供圖片
陳嘉佳（細細粒）同鄭欣宜都係重量級人馬，佢哋最近幫無綫拍《老表，畢業喇！》，所以有機會合體。讀者盧先生日前就透過《蘋果》嘅「爆相爆片」影到細細粒喺九龍灣麗晶花園嘅麥當勞買兩大袋嘢食，而欣宜就企喺門口等候。
■欣宜近日忙於拍攝新劇，更萬歲請劇組食嘢。資料圖片
買兩大袋走
盧先生話：「其實喺電梯嗰陣已經見到佢哋，當時欣宜仲咬住個包，後尾細細粒入麥當勞再買咗兩大袋嘢食走。」事後細細粒接受傳媒訪問，話當日買麥當勞係因為欣宜「萬歲」請劇組食tea，細細粒話：「嗰日拍劇趁有空檔，咪同欣宜去咗附近麥記買薯條同劇組一齊食。買之前，我已經食咗碗麵，欣宜就食咗個雞尾包。」問細細粒平時鍾唔鍾意食麥記，佢笑笑口話：「OK㗎，方便嘛！平時會買兩個包食，我都知佢哋最近加價，最平嗰個包由10蚊加到11蚊！」一講到食，細細粒即刻講唔停，仲即刻分享買麥記嘅心得，教大家買薯條嘅竅門：「因為大薯條價錢同幾包細薯條價錢差唔多，而且好多入定先，會冇咁脆，仲好多時入唔滿，所以記得薯條一定買細size。」
來源:
http://hk.apple.nextmedia.com/entertainment/art/20170106/19887571