陳法蓉夥謝賢拍賭劇
1 :
GS(14)@2016-03-30 14:42:08■陳法蓉（右）和向海嵐昨日宣揚禁毒。
向海嵐和陳法蓉昨日代表慧妍雅集，接受網上平台直播節目訪問，宣揚禁毒訊息，陳法蓉透露慧妍雅集之前向保安局成功申請禁毒基金，製作了由向海嵐、曹敏莉、劉倩婷等成員擔任主持的特製節目《解毒》，訪問曾吸毒及戒毒人士。向海嵐和陳法蓉皆由無綫選美出身並已離巢，陳法蓉表示5月會返無綫接拍新劇《賭城群英會》，她透露：「有謝賢、佘詩曼、馬國明，我係其中一位，而飾演我另一半暫時唔講得，係德高望重好有卡士男星，聽講大部份內地取景。」向海嵐於2008年離開，仍未考慮回巢，她表示要遇上合適工作才會考慮。陳法蓉亦說：「真係要啱先，酬勞以外仲有角色、古仔、拍檔。」採訪、攝影：卓寶花
來源:
http://hk.apple.nextmedia.com/entertainment/art/20160330/19549317
【愛到永遠】80歲謝賢戀CoCo11載
1 :
GS(14)@2016-12-28 08:12:16謝賢（80歲）
人生去到70歲已是古來稀，不過愛情可以超越一齊，拍拖並非後生仔的專利。
謝賢（80歲）
跟狄波拉離婚後，跟年輕49年的女友CoCo拍拖至今11年。
趙世曾（80歲）
身邊女伴車輪轉，亦越來越年輕，近期陪伴在側是內地佳麗Dora。
林建名（79歲）
前年跟何傲兒傳爺孫戀，試過傲兒不接電話，傷心得在記者面前淚流滿面。
李國章（71歲）
去年被爆跟年約40歲的dbc電台高層何婷媚拍拖，行街癡纏程度媲美後生仔。
來源:
http://hk.apple.nextmedia.com/entertainment/art/20161228/19878502
謝賢提霆鋒離婚想喊
1 :
GS(14)@2017-06-25 11:26:58■謝賢（左）表示不會過問霆鋒會否再婚一事。資料圖片
謝賢（四哥）甚少談論兒子謝霆鋒與張栢芝離婚的事情，不過日前他接受周刊訪問，提到霆鋒一段婚姻，感嘆每次說起都想哭，心想為何自己離婚，兒子又這樣。但當問到想不想看見霆鋒再婚時，四哥就說不是自己想不想，最重要是兒子自己喜歡，因拍拖是霆鋒的私事，他不會過問太多。至於女兒謝婷婷是否真的與謝洛美維納（Jeremy Renner）拍拖？四哥沒正面回應，只稱女兒的感情事也不到他去憂心。講到兩個孫兒，他說大約一兩個月見一次，他又讚栢芝好，經常安排他和霆鋒看兩個孩子。撰文：鍾國仁
來源:
http://hk.apple.nextmedia.com/entertainment/art/20170625/20067697
一個人住2,000呎豪宅謝賢：有可能趴低冇人知
1 :
GS(14)@2017-06-25 11:26:59笑言與霆鋒「唔熟」的四哥謝賢，已屆八旬，最近獲子送贈8,500萬淺水灣道怡峰向海單位，兩層合共近二千呎。約9月左右就可以入伙。新居好大，但住嘅得四哥一個。大吉利是話自己「好快俾番(間屋)」霆鋒嘅四哥，百無禁忌，在昨日出版的周刊訪問中，不時話自己「嗰頭近」，所以依家乜嘢都會做，除咗壞事。唔怕死。四哥話嘅。遲早都去，有乜嘢好驚？都係四哥話嘅。飲食隨己好惡又唔戒口，Body check都唔做。之前拍《賭城群英會》撞車致肋骨骨裂，四哥在訪問中稱，依家背脊仍然會痛，但佢又唔去睇醫生。「我都差唔多啦！」又係呢句。一個人住，工人煮完飯就走。拍拖十年又細佢49年嘅女友CoCo亦都唔係成日見，四哥嘅理由係，見得多唔好。但家陣四哥覺得自己開始有啲失憶，啱啱擺低嘅嘢轉頭渾忘，搵都搵唔番。於是四哥又話，自己都係「嗰頭近」。間屋咁大又一個人住，這位佻皮長者又打趣謂可能有晚「趴低都冇人知」。不過四哥都係冇句真。佢平時四圍走冇時停，周不時行山，或相約竹戰。成日郁，延年益壽。最大心願，四哥話就係想見到仔女同孫兒好。仲話自己會繼續拍劇，不過係大陸嘅網劇。你話死唔死！四哥都北上搵人仔，香港觀眾其實有冇諗過可能未到2046已經冇本地製作欣賞？
來源:
http://hk.apple.nextmedia.com/entertainment/art/20170625/20068216
甄珍為劉家昌棄1年婚姻前夫謝賢：佢哋傷得我好深
1 :
GS(14)@2017-07-07 01:33:02劉家昌同甄珍情路崎嶇，當年劉家昌對16歲、已是電影紅人嘅甄珍一見鍾情，更到國聯影業見夢中情人，惜當年甄珍年紀太細。後來甄珍介紹好友江青俾劉家昌認識，66年劉家昌同江青閃婚。但劉、江婚姻只維持4年。離婚後，劉家昌曾搵甄珍，指一定要同佢結婚。不過，73年甄珍同謝賢拍國語片《一簾幽夢》戲假情真相戀，翌年結婚，但結婚僅1年就離婚，有指係因為劉家昌做第三者介入。謝賢當年曾向傳媒說：「劉家昌與甄珍傷我很深。」甄珍日前喺訪問中，認為自己當年同謝賢結婚1年就離婚；同劉家昌結婚後，同樣離婚，為咗面子，犧牲咗後半生婚姻，過着假面生活，「我不願一次婚姻再一次失敗，感覺好像跟謝賢剛分開，輿論都是對我們不是那麼有利，結果去了美國又離婚，唉，都是我個性害的。」
來源:
http://hk.apple.nextmedia.com/entertainment/art/20170706/20080757
Next Page