選舉單張係咁派斬萬幾棵樹真大嘥？
1 :
GS(14)@2016-09-13 07:57:46今屆立法會選舉，郵政署為候選人免費寄出多達5,000萬份競選單張，相當於砍掉12,000棵樹，較上屆郵件多13.6%。選舉事務處寄給選民的選舉資料亦消耗超過1億張紙，環保團體綠惜地球希望選舉事務處為選民提供收取電子版的權利，帶頭推動減廢。綠惜地球環境倡議總監朱漢強表示，有新西選民於同一天收到某候選人五份一式一樣的宣傳單張，在收集到的競選單張中，大部分亦未被拆封。現時選舉事務處推出「住戶」地址標籤安排，鼓勵候選人只投寄一封郵件給同一住址登記的選民，但本屆仍有28%的候選人「大包圍」式寄發一人一信。朱漢強指出，即使選民於登記表上填寫電郵地址，候選人亦可以向選民寄發紙本宣傳。他續說，提供電郵地址的選民近55萬，選舉事務處有一定空間推廣收發電子版的競選單張。他認為選舉事務處應對候選人發放電子版競選單張作支援，選民亦應拒絕接收紙本宣傳品，以電子版代替。選民方先生曾在登記為選民時希望申請拒收郵寄單張，卻發現登記表沒有拒收選項，而需另外書面申請。不過，他在申請拒收後仍收到少部分候選人的競選單張。經查問後，他獲選舉事務處告知即使選民作書面要求拒收郵件，選舉事務處亦會向候選人提供選民的郵寄標籤。方先生質疑處方沒有積極履行責任。綠惜地球與環保聯署網站「撐香港」共同發起網上聯署，要求選舉事務處修訂選民登記表，提供拒收郵寄紙本宣傳的選項，並成立拒收選舉紙本宣傳的資料庫，讓候選人得悉選民意向，減少造成浪費。
來源:
http://hk.apple.nextmedia.com/news/art/20160913/19769516
【馮仁昭四圍超】萬綺雯笑馬仔一滴淚萬幾蚊
1 :
GS(14)@2016-11-08 05:45:58馬浚偉自編自導自演嘅舞台劇《偶然．徐志摩》，前晚喺演藝學院上演尾場。騷後馬仔同萬綺雯（蚊蚊）仲有羅敏莊等演員謝幕，馬仔一出場即刻爆喊，而佢多謝蚊蚊時，蚊蚊又忍唔住狂喊。馬仔好感慨咁話：「希望大家多啲支持舞台劇，原來舞台劇難生存，唔好講話賺錢，連食飯都唔夠。」
■馬仔話雖然場場爆滿，但因成本高，連一餐飯錢都冇得賺。
4場超時罰錢
馬仔之後受訪，問佢做乜嘢咁感動，佢話：「回想番當日籌備呢套舞台劇時點搵投資者，經歷好多考驗，真係企喺街度唔知喊咗幾多次，有時心諗搞嚟做乜。」雖然賺唔到錢，但馬仔會繼續搞音樂劇同傾《偶》劇做巡迴。佢話6場舞台劇都爆滿，但就搵唔到食：「因為我哋成本好高，今次係打成平手，如果再做會控制得budget更好，起碼都要有一餐半餐飯食。」場館規定過咗夜晚11點要罰錢，馬仔話足足罰咗4場，每場罰萬幾二萬蚊，蚊蚊聽到之後就取笑馬仔話：「本來都可以走到㗎，但你晚晚企喺個台度喊，點樣唔罰吖？一滴眼淚成萬幾蚊，你話幾貴吖。」另外，前晚趙碩之同呂晶晶襯晒色孖住去睇騷，早前趙碩之暗示同拍拖兩年男友林家亮分手，但問佢係咪分手時，佢又話唔係，仲話好期待同身在加拿大嘅男友見面㖭。撰文：馮仁昭
來源:
http://hk.apple.nextmedia.com/entertainment/art/20161108/19826035