| ||||||
「馮兩老」，講緊嘅係股壇孖寶馮永祥（Tony Fung）同馮耀輝（Peter Fung），佢哋炒股、炒樓，咩都孖住做。就連喺中環怡安華人行嘅禹銘寫字樓，都要一齊用嘅；一間大房內，一人一張寫字枱，枱面大細一樣，仲要好似度過咁，張枱並排而放，無話放到一前一後，非常均真。不過咁，到咗馬年，已經無呢支歌仔唱，因為兩老竟然鬧分手！ 馮耀輝同小宗講，佢自己已搬離呢間寫字樓，而家租咗皇后大道中九號，同馮永祥分開工作。二人要變「分飛燕」，馮耀輝講笑話：「佢睇《蘋果日報》，我唔睇，忍無可忍囉！」其實真正原因，是二人投資方向已大不同：「Tony而家專注喺澳洲嘅投資，如開農場同賭場，我就主要睇番香港樓市股市。」去年尾馮永祥已落實以十五點四億港元，全購澳洲大堡礁賭場信託，呢個信託最值錢就係擁有當地唯一一間賭場酒店。馮永祥要做賭場大亨，加上佢早年已喺澳洲開農場養幾百隻牛，已變咗半個澳洲人。至於馮耀輝，則繼續留港玩佢嘅古玩、沉香以及胭脂水粉，藏館已搬咗去上環荷李活道。二人一動一靜，雖然一樣搵大錢，但就難怪要分道揚鑣囉！ 壹計就明 本欄找來有二十多年經驗的資深會計師林智遠及鄔碩晉，每期踢爆一間上市公司的會計陷阱，股民入市前睇清睇楚，一計就明。 業績摘要摘喜不摘「憂」 合和基建（737）一月底公布中期業績，佔溢利九成多的「應佔合營企業業績」，下跌超過5％，但溢利保持0.5％增幅，主要是母公司財務成本下降和其他收入上升抵銷了跌幅。從這份通告，投資者可注意幾點。首先，今年度業績期將至，分析財務報表時，務必留意新會計準則對「共同安排」（Joint Arrangement）的要求。以合和基建為例，基建企業常以共同安排中的「合營企業」參與國內項目，在新準則下，已不能採用比例綜合法入賬，而要劃一用權益法入賬。這表示當中合營企業的收入、支出、資產和負債，將不能分項併入報表中，只能以應佔業績和淨資產併入報表。需要精細分析合營企業的話，就要看報表附註了。合和基建在新準則下，期內溢利和總權益不受影響，但各項收支和資產負債卻大幅減少，如去年總負債是87億元人民幣，但今年總負債只14億元人民幣。如果投資者忽略新準則的影響，便會誤以為總負債是大幅減少了！而實際上卻是上升了6％！業績公告也每每包括摘要，但摘要是否真的「摘」錄業績之精「要」？或是管理層只摘喜，而不摘「憂」？看合和基建中期業績摘要，隻字不提溢利和應佔合營企業業績的增減，只簡述當期溢利後，就反覆用「增長」、「強勁增長」和「躍升」去形容公路流量和收入，但這是否就代表溢利上升？相信投資者也很清楚，收入上升也要成本控制得宜，才可有溢利增長。合和基建的現實，是國內項目業績下跌9％，新公路建成通車，使綜合攤銷及財務費用分別上升25％和50％，這些重要的數據，只能自己在年報逐隻字細閱了！（林智遠 | ||||||