📖 ZKIZ Archives

老表鬼妹搞和諧：我白皮黃心

1 : GS(14)@2013-01-27 16:07:25

http://hk.apple.nextmedia.com/entertainment/art/20130125/18145624

在無線劇《老表，你好嘢！》中，陳明恩以純正廣東話「你都係同我講番廣東話啦！」回絕向她搭訕的溫家偉，成為劇中一幕弔詭情節。別號鬼妹的陳明恩（Corinna Chamberlain）現年30歲，雖有洋人外表，其實在香港土生土長30年，當年其澳洲籍母親和新西蘭籍父親選擇在港定居，他們投入香港文化，煮的是中國菜，令鬼妹接受港式文化薰陶，變成不折不扣的「港女」。從小就學習揸筷子、週末陪家人飲茶食叉燒包、平日吃的是雞蛋仔等地道小食，連朋友都是香港人多，鬼妹大前日接受本報專訪說：「中國人著重家庭，我屋企都係。一般外國人好著重私人空間，反而我鍾意一家堆埋一齊柴娃娃。」
夢想出碟做歌手
陳明恩自小對演藝有濃厚興趣，她是王祖藍師妹，同樣畢業於演藝學院，跟肥妹細細粒（陳嘉佳）一樣，能在《老表》飾聶小茜一角，都是多得祖藍帶挈。結果「雙妹」憑輕鬆搞笑演繹跑出，鬼妹日前走進旺角女人街，即被途人認出，菲籍女士上前搭訕，學生哥又排隊與她合照，但又有誰知她成功背後的辛酸？
陳明恩06年畢業後，曾簽約做歌手，惜唱片公司倒閉，令她至今仍未出到碟。她是無線特約演員，拍過《同事三分親》、《讀心神探》和《名媛望族》，但因一副洋人臉孔，發揮始終有限，鬼妹看得很通透：「係有難度，但睇你點睇，一杯水可以睇半杯滿，定半杯空，係有好多角色做唔到，但如果有個角色做英文老師，咪好fit我囉！好似今次套劇真係需要我呢類人，事實上圈中都唔多嘅，今次好新鮮，靚仔靚女一定要有，小寶（陳嘉佳）肥嘟嘟，祖藍細細粒，我就白雪雪，社會就係有唔同種人，睇你係咪正面去睇。」無論性格怎樂天，鬼妹也有過失落時候：「我曾經都唔開心，有段時間好努力，想人哋覺得我係（港人）一樣，但一行出來始終係外國人，人哋第一句都係『Hi, what do you want？』嗰段時間諗過不如放棄啦，做番個真係鬼妹嘅鬼妹算囉。」她又以奶黃包形容自己：「其實我已經係一個奶黃包，裡面係黃色，出面係白色。」
談到夢想，鬼妹最想還是當歌手，記得她08年擔任蘇永康個唱嘉賓，與他合唱《來夜方長》一鳴驚人，原來鬼妹的家族成員都熱愛音樂：「人哋細個睇電視大，我就聽音樂大。」最近她有首派台歌《異種》，歌詞便是她的心聲，隱約感受到被歧視的蒼涼，她更希望今年可以出碟。
坦言從未拍過拖
見到鬼妹開朗性格，異性緣應很旺，原來她跟小寶一樣未拍過拖，她說：「我鬼妹樣啫，畀人感覺好開放，狂拍拖，但其實都唔係。」她正等待白馬王子出現：「最緊要愛我，冇諗過係乜嘢國籍人，要生活態度一致。」《老》劇有中港矛盾議題，投訴不斷，鬼妹正是欣賞香港人發表意見：「慢慢睇，其實係講緊我哋中國人同一個國家，無論大陸同香港都係中國人，應該和諧，欣賞對方。」
採訪：卓寶花
2 : GS(14)@2013-01-27 16:07:55

http://hk.apple.nextmedia.com/entertainment/art/20130125/18145626
話你知：老外演員路崎嶇
PermaLink: https://articles.zkiz.com/?id=282206

爽視彈：老表，你好笑！ 朱國亮

1 : GS(14)@2013-03-30 23:20:53

http://www.sharpdaily.hk/article/entertain/20130118/169375
在茶餐廳聽到母子對話。小朋友：「好嘢！今晚有得睇《老表》！」母親：「你唔做晒功課唔俾睇！」小朋友：「唓，你自己都睇啦！你都話王祖藍好好笑！」
《老表，你好嘢！》是玩中港矛盾的喜劇，先前沉重的強姦戲看得太多，是時候鬆一鬆了，難得老幼咸宜，收視比之前劇集好應該預期到。王祖藍是近年頗有觀眾緣的演員，特別討媽媽輩歡喜，今次祖藍既有份編劇，劇名又以「老表」掛帥，雖然視帝級郭晉安在劇中的「爛國語」十分出位，但看來男主角應該是講「黐脷根廣東話」的祖藍才對。
《老表》首周即出盡挑釁話題，王祖藍名店門前大唱蝗蟲歌，湯盈盈「惡珍」上身大罵遊客，播映首集就收到投訴。
唉，現在社會怨氣還不夠重嗎？難得看齣胡鬧喜劇，有啖笑就不要太認真。正如祖藍話：「喜劇有誇張成份，得罪下都冇辦法。」其實沒什麼大不了，反正這類劇總會大團員結局中港一家親。
朱國亮
逢一、三、五
PermaLink: https://articles.zkiz.com/?id=282451

李亞男要生B《老表》王祖藍趕工造人

1 : GS(14)@2017-02-12 15:33:34

2017-01-26 NM
密返內地掘金的王祖藍，最近回歸大台，為自己有份編劇的無綫新劇《老表，畢業啦！》開工；要兼前顧後，仲要「交功課」俾一直恨生B的李亞男，王祖藍惟有開turbo，兼且推晒所有春晚邀請，安排同老婆農曆年出埠，再度蜜月，甜蜜造人！放假回氣生B

《老表》系列收得，最新一輯《老表，畢業喇！》，王祖藍繼續坐鎮度橋外，更加拉咗不少老友埋位，包括蔡少芬、郭晉安、欣宜同林欣彤等，為新劇加強陣容，省靚自己個招牌。早前王祖藍孖住郭晉安、泰臣等現身上水假日農莊為新劇趕工，雖然是日要搶拍多個場口，但大家都非常專業，大部分一take過，省下不少拍攝時間。空檔休息，祖藍拉住拍檔郭晉安雞啄唔斷，其間，郭晉安頑童上身，搞到祖藍一面泥，演員合作得順，開工輕輕鬆鬆！「祖藍因為要度橋同負責大部分幕後工作，佢習慣事事親力親為，所以自己只係做個戲份極少嘅角色。不過祖藍想過年陪吓老婆，佢一早同導演傾好，喺農曆前先拍晒佢啲戲份。其實李亞男一直都想快啲生BB，所以祖藍都話忙完呢套劇，要休息吓先，儲番啲精力，同老婆造人交差！」一名劇組工作人員說。

捱義氣頂上

王祖藍原本計劃新一輯《老表》由原班人馬演出，但有部分演員度唔到期，要重新編配角色人選。「今次劇本出得比較急，開始埋班搵人嗰陣，祖藍已經呻過話好大壓力，好似張繼聰要陪老婆（謝安琪）生BB，今次只可以客串，而王菀之又因為要開演唱會，冇時間兼顧拍劇，好彩最後都搵到蔡少芬頂咗要做舞台劇嘅萬綺雯，仲有臨急臨忙仗義幫忙嘅欣宜，大家都好支持祖藍。」劇組工作人員說。

撰文、攝影、攝錄：娛樂組
PermaLink: https://articles.zkiz.com/?id=326587
Next Page
ZKIZ Archives @ 2019