稱遭Selina公司老屈張承中指前妻係「神主牌」挨轟
1 :
GS(14)@2016-09-14 05:52:17台灣女子組合S.H.E成員Selina(任家萱)，今年3月同老公張承中(阿中)離婚嘅消息，震驚各界。阿中由「不離不棄好男人」變成千夫所指。自從離婚後，阿中有一段時間好少出fb po。前日阿中出post，點知就挨轟要急急刪post。佢講咗啲咩？就係話Selina係：「女主角傷癒勇敢的神主牌，我是男人，不怪我要怪誰？」咦？其實阿中嘅fb留言，原先係講佢為一位S.H.E歌迷提供法律意見，之後有感而發咁講媒體對佢嘅指控，為咗炒作「吸睛」，所以要佢食死貓。但係文中一句﹕「女主角是傷癒勇敢的神主牌」，被指是暗插Selina。網民留言話：「麻煩你先google一下神主牌什麼意思再講話好嗎」，「你確定你知道神主牌的意思。」阿中當時就回應話：「『神主牌』沒有惡意，只是打比方，我的意思是受傷、奮起、形象佳，很棒！」不過冇幾耐阿中就刪咗文。到昨日阿中再出po解釋番刪post一事，仲爆出年初宣佈同Selina離婚時，S.H.E所屬公司「華研國際音樂」要佢去死，阿中引述華妍當時係咁樣同佢講：「阿中，我們理解，但這是震撼彈，媒體輿論會瘋掉，你必須死一次！」阿中又話：「兩人和平的決定我哪裡錯了？現在懂了，輿論本來就對女人多一點同情，對男人多一點期待」仲話自己當時係承受咗一啲莫須有嘅指控，之前唔講只係因為唔想多講私事。刪post係為咗保護同佢有聯絡嘅歌迷，而非怕被批評。昨日下晝兩點，阿中再次於fb道歉，指「神主牌」三個字係自己嘅疏忽，並無惡意嘅；佢重申多次刪post係因為唔想歌迷出書會節外生枝。
來源:
http://hk.apple.nextmedia.com/entertainment/art/20160914/19770082
《美女與野獸》邀藝人全家共賞思琦鬧大會老屈出席
1 :
GS(14)@2017-03-22 00:31:33■身在內地的思琦鬧爆《美》片大會老屈她出席昨日的活動。微博圖片
陳浩民一家、高皓正、陳琪與子女等昨日到九龍灣出席「SDM電影工作坊表演暨《美女與野獸》電影欣賞會」活動。愛瑪屈臣（Emma Watson）主演的《美》片，當中因涉同性戀情節引爭議，育有一女的楊思琦曾指不贊成加入同性戀情節，而該活動的採訪通告本有思琦之名，令她被網友指摘講一套做一套，惟之後通告刪了其名字。身在內地工作的思琦前晚受訪時謂從沒接受邀請答應出席，認為這種宣傳手法有誤導成份：「係咪應該等嘉賓答應咗先公佈？」對於思琦「被出席」，大會市場部經理陳小姐說：「思琦囡囡有參加今次演出，唔知佢會唔會嚟，過往嘅演出思琦都以家長身份捧場。我哋溝通的確出現問題，其實我哋之後都已經發過另一張冇楊思琦個名嘅通告畀傳媒，今次係誤會。」
陳浩民睇唔明
陳浩民和太太蔣麗莎帶同子女出席，陳浩民表示沒有收酬勞，看了《美》片的他更說：「可能我鑑賞能力低，睇唔到暗示嘅同性戀情節，佢哋咁細都唔明。」如果早知有同性戀情節，會否讓子女觀看？他坦言：「當然唔畀，不過唔緊要，佢哋都瞓咗半場，環境太舒服，又可能俾野獸嚇暈咗。」
■陳浩民笑言播映《美》片時，因環境舒適，子女都睡着了。
■陳琪一拖三現身，囝囝眼仔睩睩非常可愛。
■高皓正藉電影教育子女不要存有歧視。
高皓正導子女
至於一向反對同性戀的高皓正，帶同子女出席昨日活動。談到電影當中的同性戀情節，他說：「呢個係好機會話畀小朋友聽，呢個世界唔同人有唔同選擇，唔可以歧視，佢哋一出世我就開始教育，要接受自己性別，保護身體重要部位。」他又指難以過濾電影後再讓小朋友看，此方面要靠電檢處。採訪、攝影：羅慧敏
來源:
http://hk.apple.nextmedia.com/entertainment/art/20170320/19963480
女優捏造被鯊咬潛水公司老闆：佢老屈鯊魚
1 :
GS(14)@2017-05-14 10:50:52美國AV女優卡沃利（Molly Cavalli）早前在佛羅里達州下海為成人娛樂公司拍攝宣傳影片，聲稱被鯊魚咬傷，片段全球瘋傳但同時惹來不少質疑。有潛水公司聲稱卡沃利造假，指其傷口只是特技化妝，目的是博出位，不過卡沃利暫時未有回應事件。羅勒（Bryce Rohrer）是潛水公司老闆，他聲稱事發前卡沃利曾與他接洽透露有關計劃，他出示卡沃利傳給他的訊息截圖，指控她早已圖文並茂解釋想做場被鯊魚咬傷的戲，還早就展示出傷痕圖，為了說服愛護鯊魚的他合作，還解釋咬痕不算誇張，不會影響他人對鯊魚的觀感。羅勒說，他拒絕卡沃利後，她找了另一間公司幫忙，拍成這條瘋傳的影片。羅勒認為卡沃利的做法不必要又不健康，他說：「我成年後事業生涯一直都與鯊魚工作，一年300日……牠們是了不起的生物。」羅勒續道：「今時今日很多人努力拯救鯊魚……有些人就捏造鯊魚襲擊，實在會打擊拯救及保育工作。」卡沃利早前潛入水中鐵籠拍攝，她聲稱被一條長約10呎（約3米）的檸檬鯊咬傷，片段可見海水染紅，但其實捕捉不到鯊魚咬人的一刻。美國《紐約郵報》
來源:
http://hk.apple.nextmedia.com/international/art/20170514/20021084
【其實唔難】老屈燒烤網變蒸架 露營蒸雞煮湯麵不是夢
1 :
GS(14)@2017-12-05 00:47:39以燒烤網自製蒸架，自製蒸雞湯麵。
全新旅遊專頁，即like籽想旅行：
https://fb.com/travel.appleseed講到露營可以食啲乜，不外乎BBQ或者煮個餐蛋丁，又火又燥。
想食得滋陰啲兼好味啲，不如食蒸雞喇。露營想蒸嘢食，難度系數都唔高，唔使帶埋蒸架，只要有個普通燒烤網，一樣蒸得到。用燒烤網自製蒸架，雞件蒸煮後嘅精華就會滴入下面嘅滾水，變成雞湯，放入上海麵煮一煮，Wow，一氣呵成有碗「烤網蒸雞麵」喇喂。
將燒烤網摺疊至完全覆蓋容器。
烤網蒸雞麵
材料：已醃雞半隻斬件、葱切碎適量、上海麵適量、鹽適量自製燒烤網蒸架：1.將燒烤網摺疊至可以完全覆蓋容器。2.確保覆蓋容器後，將燒烤網突出部份卡實容器。3.中間部份必需成凹狀，深度最理想是容器的一半。烤網蒸雞麵做法：1.煲滾清水，自製蒸架置煲內，雞件放蒸架上蓋蒸10至20分鐘或至熟透。2.取出雞件，移除蒸架。3.加入適量鹽，放入上海麵，煮熟後灑上葱花即成。製作：Nomad Cook浪廚
facebook專頁：nomadcooklounge上山下廚，旅行露營，浪廚探索「煮．野．食」
來源:
https://hk.lifestyle.appledaily. ... e/20171204/20233752
Next Page