📖 ZKIZ Archives

廉署拉人 左丁山

http://hk.apple.nextmedia.com/template/apple_sub/art_main.php?&iss_id=20120410&sec_id=12187389&art_id=16232033&cat_id=255&coln_id=22
廉署高調拉人，記者聞風而至，捕捉郭氏兄弟與許仕仁到廉記之鏡頭，成為十幾日來之重大新聞，街頭巷尾都談論此事。廉署拉人而搞到街知巷聞，早有前科，譬如 前年帶陳志雲返無綫電視遊街，就係最佳例子。一位心水清人士對左丁山講：「你不妨睇番歷史，廉記拉人可以不動聲息，被拘捕人士不得自行踢爆，告知他人，否 則就係犯法，於是當事人有苦自己知，要忍受極大壓力。但廉記有時又可以令到拘捕事件公開化噃，搞到當事人飽受傳媒之未審先判，面目無光，聲譽盡失，等候發 落，你估個個都有陳志雲咁好 EQ乎！」經佢提醒，略為回想過往之高調拘捕事件，似乎無一單告得入，當事人最終都係無罪釋放。咁，今次郭氏兄弟與許仕仁事件會唔會歷史重演呢？
廉署唔止高調拉人，仲有料放，「明報」便曾引述接近廉署消息人士講一啲所謂內情，廉署呢啲手法，唔知有冇危害到當事人之法律權利呢？
凡 有此等大新聞，陰謀論必然興起，上星期在馬場便聽到一啲馬迷高談闊論：「嗱，啲地產佬夠膽唔聽中央話，殺無赦呀！選舉完中央就做嘢嘞！」聽到呢啲幾無邏輯 嘅評論，好驚呀！一驚市民以為廉署完全受中央控制，成為蓋世太保，用之以對付不聽話人士；二驚即使這是真的，市民居然認為理所當然，中央有權咁做，香港商 人一定要聽中央指令。如果不少市民有此想法，香港就值得有梁振英鐵腕管治，唔值得有民主選舉咯。
廉署既然動手，應該尊重法治程序，搜集確實證據， 爭取在法庭打勝仗，唔應該透過甚麼消息人士向傳媒放風，在法庭審判之前，影響被捕人士之聲譽。廉署在香港以至全世界之公信力甚高，全靠四十年來累積，但偶 一不小心，便可毀諸一旦，如涉及到政治化，更令港人擔憂，須知道廉署權力極大，受政治侵襲而變成東廠錦衣 衞嘅話，港人真係要移民瓦魯阿圖？
PermaLink: https://articles.zkiz.com/?id=32654
Next Page
ZKIZ Archives @ 2019