| ||||||
港 股成交持續疲弱,大福證券(665)董事總經理Peter黃紹開對08年全年盤數大嗌失望,佢估計公司業務今年第四季至復蘇。危機未除,惟有加強控制成 本,家陣已推出咗全盤計劃嘅一部份……咁即係仲有撒手鐧啦!華華即刻追問,究竟大福舊年至今炒咗幾多人,嚟緊又會炒幾多先?Peter就大耍太極,堅持係 表現遜色嘅員工「自然流失」,佢話大福現有逾900員工,較高峯期少咗一成,舊年下半年有幾十人離職,今年上半年預計會有20人流失,仍然留低嘅無論人工 定佣金都唔會減。公司又會暫時凍結招聘,包括大學生見習經理(MT)在內,而大福喺香港嘅門市亦唔會擴張,部份分行會搬去較平租嘅舖位,總之希望整體保住 有盈利,繼續經營落去咁話。 |
|
||||||
金融圈中人向來糾纏於金錢遊戲,股票可以變銀紙,亦可以變廢紙,闖蕩股海三十五年、見盡賭徒百態的鄭裕彤身邊大紅人黃紹開,對此有深切體會,「做人唔識居安思危,一跌就會跌死。」 黃紹開在金融界有雙重身份,他既擔任鄭裕彤家族旗下大福證券董事總經理,人稱「彤叔御用股壇打手」,事關彤叔透過大福多次出手打救「殼王」陳國強,又借錢予羅兆輝度難關。 黃紹開又身兼上市委員會委員,股壇內幕消息隨時順手拈來,但他說:「你貪(污)得一次,就永不超生。」 周旋於鄭氏家族成員及其富豪友好當中,黃紹開有一套生存秘笈。 金融投資被視為高風險行業,可令人一朝致富,又或者一夜破產。黃紹開見慣股海風浪,面對大福每日逾萬宗交易,除風險管理之外,減壓是他絕對不會忽視的一環。 跑馬拉松、每周行山兩個小時,都是他的減壓良方。記者邀他行山,他一口氣行兩個多小時仍然中氣十足。逾六十歲仍體魄壯健,不遜色於中年漢。 「在金融界工作,如果唔識得減壓,會黐線㗎!這是我個人體驗,因為根本頂唔順,人始終係血肉之軀,頂得幾多!」黃紹開如此形容他肩上的千斤擔。 他接着說:「不單止行山,我又會游水及打坐,十幾年啦,有時行行山會靈光一閃,諗到新方法解決問題。思緒一亂,做事就唔清晰,況且,這個世界有人的地方就有問題!」 對,人事問題,也需要黃紹開八面玲瓏地處理,皆因他周旋於鄭裕彤家族成員及其富豪友好,還有金融監管機構及一眾上市公司管理層,沒有左右逢源的真功夫,早已摔倒地上。 黃紹開與鄭裕彤扯上關係,是由彤叔「大掌櫃」、陳國強與鄭家純好友魯連城一手拉入大福,曾經是大福代言人的「陸叔」陳永陸,當日亦是由魯連城拉入局,黃、陳兩人成為魯連城的左右手。 魯連城是伯樂 魯連城一直是彤叔的心腹,○一年蕭若元的友聯系上市王國一夜垮倒,身為大福證券副主席的魯連城以私人名義一擲兩億多收購友聯系公司,轟動一時,當時盛傳是彤叔在背後打救蕭若元。 提到他生命中的「伯樂」,黃紹開至今仍然感激魯連城,「他是一個非常之有衝勁的人,又是一位出色市場推廣者,做事進取,永不言敗。」黃紹開笑着說。 彤叔多次打救好友,近年備受財困消息纏身的「殼王」陳國強,去年曾經將六成五保華德祥股份抵押予大福證券,解決財政上燃眉之急。因此有人稱呼掌管營運的黃紹開為「彤叔御用股壇打手」,這一點,他卻不認同。 他解釋:「大福以前是家族企業,我們只可以按家族指示去做,大福上市之後是面對市場,考慮的是公司利益,就算是陳生(陳國強)的deal(交易),一樣會check(調查)清楚是否符合公司利益,我們有一套內部監控機制,銀碼大的deal要經董事會同意,個客與彤叔幾熟都係咁講。」 黃紹開指陳國強是股壇「風頭躉」,曝光率高,一舉一動都容易招人話柄,才令人覺得是彤叔打救陳國強。 敢向彤叔說不 他更強調:「外間的人誤解啫,我一直以來幾獨立,又最夠膽在老闆面前say no,老闆好深明大義嘅,我們是上市公司,老闆唔會強迫我們接受(交易)。」 儘管黃紹開作出解釋,但彤叔、鄭家純、魯連城及陳國強的交情,是沒有人會懷疑的。 曾經自吹自擂與城中富豪關係密切的「神童輝」羅兆輝,曾經拖累大福○一年業績虧損。當時虧損的一億一千八百萬元中,逾六千萬元的壞帳正是羅兆輝的「孖展」數,提及大福這次「嚴重創傷」,黃紹開無奈地說:「我都好心痛,(錢)冇㗎啦!撇晒啦!」 黃紹開形容魯連城與陳國強出手夠豪,而羅兆輝就「豪得滯」出事,他說:「羅兆輝唔同陳國強,陳國強(交易)都叫『有粗有幼』,他熟讀收購合併條例,又有一班謀臣協助,羅兆輝?我睇唔到喎。」 羅兆輝連累大福蝕錢,有人批評是彤叔好心累事,羅兆輝出事前與彤叔及其好友劉鑾雄、陳國強合作過,是大福的大客,對他的「孖展」借貸雖然小心,但最終亦出事。 黃紹開說,大福的「孖展」借貸,九六及九七年時期是高達四十億元,他不認為是風險過高,因為對比當時整個市場的非銀行業務借貸融資額,大福的比率算偏低。 用顯微鏡審核債仔 講每句說話,黃紹開都表現得氣定神閒,但惟獨提起羅兆輝,他便有點勞氣的說:「這次事件對我們敲響警鐘,教識我們以後接受任何交易之前,要用顯微鏡去睇控股股東的為人。」 不過,他指羅兆輝事件不可以將責任推卸在彤叔身上。他幾乎拍心口似的說:「我作為公司負責人,我要對所有deal(交易)負責,所有借貸唔可以因為(個客)識老闆就通過,羅兆輝係大福十幾年熟客,(拖數)我都好突然,這是歷史遺留的問題。」 黃紹開懂得「見招拆招」,往往會避重就輕,使出一招「四撥千斤」,在護主的同時又表現出堅持個人的專業操守,難怪備受老闆重用。 要知道變身上市公司後的大福依然「家族味道」濃厚,大福主席為鄭家純,副主席為彤叔「大掌櫃」兼純官好友魯連城,以及彤叔女婿杜惠愷,面對這三位頂頭上司,黃紹開絕對八面玲瓏,這亦令他在大福可以一做十七年。 「股壇專收叻仔」,愈自認炒股專家,愈容易輸身家,縱橫股壇三十五年,黃紹開見過身邊銀行界、證券界的朋友因為貪出事,令他引以為鑑,更何況,他是上市委員會委員,所謂的內幕消息每天送進他耳邊,稍稍把持不住就會出事,因此,黃紹開自稱不會炒股。 貪一次一世難甩身 「我太過投入(股票)市場啦,太多秘密資料畀到你,如果我上午買入股票,有人下午畀秘密資料我,咁我真係水洗都唔清。」他認真地說。 黃紹開又續說:「又或者,當你有過一次(貪污),這好比有把刀架在你頸上,貪少少,都會甩唔到身,因為對方可以掉番轉頭舉證你,只要貪過一次,一生一世都擺脫唔到。錢,夠使夠用就得啦,而且,一個人有冇錢都講運氣,廿年前,我已經睇通喇!」 他又舉了一個案例,七二年,他與渣甸一班從事收購合併的金融界精英合組基金炒股票,為數八、九人合資的兩萬元全蝕清光。 「當年兩萬元差不多等於目前的幾十萬,咁多專家都冇用,一樣蝕晒,所以,我一聽見有人自認投資專家,我會笑。」黃紹開冷笑道。 黃紹開小檔案 ● 取得澳門東亞大學工商管理碩士。 ● 69至73年,擔任牛奶公司秘書處主管。 ● 73至74年,任職於中央證券登記處。 ● 74至84年,從事投資顧問工作。 ● 84至87年,任職於粵海投資。 ● 87年至今,擔任大福證券董事總經理。 與陸叔無不和 當年,「散戶黃大仙」陳永陸一直是大福證券代言人,○○年陸叔離開大福,盛傳是與黃紹開不和,皆因陸叔功高蓋主,太搶風頭。 黃紹開澄清:「中間有點誤會,我們當年一直合作得唔錯,我鍾意做管理,喜歡默默地幹,他的優點是對外形象好。」 記者追問,他又補充:「當時大福新方向不想只照顧散戶,要拓展投資銀行業務。」言下之意,是指大福新方向與陸叔的「散戶黃大仙」角色有點相違背。不過,黃紹開仍然強調與陸叔沒有不和。 |
||||||
|
||||||
海通國際 (665)噚日派成績表,順手宣佈埋主席李明山同副主席黃紹開(圖)會響4月股東大會後離任。李明山辭任係為咗要更加專注海通證券嘅業務,而喺海通做咗 23年、又啱啱過咗70大壽嘅開叔就話「退咗休梗係嘆世界啦!」咁會唔會以其他方式繼續幫海通手呀?開叔笑笑口咁話做顧問都唔錯o架! 而隨着兩個靈魂人物起身,海通國際有一連串人事變動,非執董吉宇光同執董林涌會頂上做正副主席,而副行政總裁李耀榮就會接替林涌做聯席董事總經理,銷售及市場推廣總監許儀同國際業務部總經理宮里啟暉就會加入董事局,分別做執董同非執董。 |
|
||||||
證券界元老皮蛋 黃退休,以後留在公司做顧問。姓黃名Peter,照香港嘅習慣,花名就係皮蛋黃,並無不敬之意。Peter二十三年前加盟三高證券,後成為大福證券,前年 賣俾中國券商海通,再改名為「海通國際」,一直都係由Peter做行政總裁。講起大福,大家就諗起黃紹開(Peter),講起黃紹開,大家就想到大福證 券,公司與黃紹開不可分,因為佢就係一手一腳將大福建立成為本港華資大行之最主要人物,直情係大福嘅生招牌。 阿黃在證券界怕有將近四十年歷 史咯,上世紀七十年代,一班華人大富豪何鴻燊、鄭裕彤、彭國珍等等,在李福兆策動下,成立一間億萬財務,兼營存款貸款及證券業務,希望成為另一間「新鴻基 證券」,與馮景禧分庭抗禮。但係廚房內太多廚師,都唔知邊個話事,做管理嗰位,莫知所從,於是呢間大孖沙雲集嘅公司始終雷聲大,雨點小,不過阿黃就在此學 得不少寶貴嘅「人和」經驗,磨練到識得面面俱圓而又緊守公司管治原則,做唔到事唔緊要,最重要嘅係冇得罪人之餘,自己保持聲譽,留得青山在。 有 此前因,周大福/新世界集團搞大福證券,就禮聘黃紹開主其事,一個老闆,一個總裁,咁就容易大展拳腳啦。故此大福證券嘅生意與聲譽扶搖直上,成為本地大 行,卒之俾海通睇中,以高價購入,請阿黃留任,安排過渡。好嘞,大福變成海通,大功告成,阿黃亦告退,四月廿九日在四季宴會廳辦酒會歡送。左丁山與皮蛋黃 相識多年,當然要到場同佢影番張靚相,在場人士甚多,人來人往,一下子都唔記得咁多咯,只見周文輝與曹仁超兩位幾長情,話要聽完老黃上台致詞先至走喎,可 惜左丁山有事要趕下一場,儀式開始前就要離開,剛好在門口碰到恒生梁太與阿黃握手,聽到梁太話:「你乜人都識,冇咗你點搞?」阿黃回答:「我地公司大把 人,個個叻,唔駛驚嘅!」 |
|
||||||
開叔黃紹開(圖左)上星期五正式榮休,海通證券(665)喺四季幫佢搞咗個歡送酒會。開叔87年入三高證券(後改名大福證券),一做就23年,當年入去時正值87年股災,股市一片混亂,開叔可以話有份「災後重建」。 當 晚歡送酒會,海通仲正式送上一紙聘書,繼續聘請開叔做海外業務顧問,主要工作係幫海通走出中國,走向國際。華華聽聞,開叔唔使返朝九晚五,不過喺邊度返工 仲係個謎。因為佢家陣個office會暫時保留,但由於係由母公司聘請,所以究竟返總行李寶椿大廈,抑或繼續返新世界大廈呢,就連裏面啲人都唔係好清楚。 |